هاي
الصراحه ما حطيت في بالي انه في حد بيقرا و هو مش قاري الروايه قبل مادري كيف ما فكرت و راح عن بالي ف عشان ما تكونون ضايعين قررت إني عطيكم مختصر (اجذب عليكم هذا مش مختصر بس حاولت يعني اختصر)عنها لين ما وقفنا .
كيف بدت الروايه ؟
كان في عزيمه في بيت حمد الي هم أهل بوظبي و دام راشد ربيعه ف أكيد بيعزم ربيعه ،عزم حمد راشد و راشد يا مع أهله و عياله الأمور كلها بخير لين ما سلامه(بنت خاله هند، طبعا هاي سوسوه و كلكم تعرفون سالفتها هي و اخوها) كانت تبا جراجه طبيعي عادي تبا تتجرج هنوده كانت بتاخذ جراجه من عند حمدان لنه جراجتها خربانه ف أكيد بتروح غرفه أتوقع أنكم عرفتوا التكمله اكمل ولا فهمتوا
المهم نكمل ( الصراحه هي احلى اكثر من ما قاعده أقولها) حمني و الي هو عبدالرحمن(اسمه طويل و ندمت عليه في نص الروايه ف تفقنا انه تختصره ب حمني ان عبود ) كان نايمه في حجره حمدان لنه تعبانه و ما نام قبل المهم درعمت هند الغرفه عبالها اخوها توعيه ما يقوم و طلع الأخ عبدالرحمن نايمه مش هو و من هني عاد تقدرون تقولون (لو ما شفتك في ذيك الليله الصدفه ) و تلاقت العيون و خلصت القصه ، لا امزح المهم بعدها خطبها (او بالأحرى ملج عليها بعد أسبوعين انه كان مستعيل عنده شغله في الدوام) الخفيف على طول انزين ننتقل ل فارس
الله يسلمكم فارس بيشرح لكم قصته بعدين بس أنا بقولكم الاختصار ، فارس هو مدير هند في الدوام ف يا يوم و هند كانت تبا تستأذن لنها بطلع مع حمني (كان شاري حقها هديه و بيعطيها اياه أكيد كلكم تذكرون ) المهم وقتها كان فارس راجع من امريكا من فتره و يدور على أبوه ، قال حق هند تعطيه اسم ريالها الكامل عشان يتأكد (مدير بعد لازم يتأكد ) جاف الاسم اوي نفس اسمه بس قرر يتأكد منه المهم قال حق حمني يدخل وي عنده المكتب و هني تعرف عليه و عرف انه هذا اخوه و حمني خبر أبوه و كلهم ستانسوا و سكن فارس عند أهله و قرر راشد انه ينقلون بوظبي
مع نقله بوظبي غيرت الريم مدرستها لمدرسه فهد و ناصر و الباجين صارت بينهم مواقف وايد أشياء بذات مواقف الباص ( اذكر انه كان احلى بارت عند كل حد ) انزين و صح ما قلت كم يوم راحوا حمني و فهد الرياض عند أهل فاطمه بعدها يو أهل أهل فاطمه الي في الرياض بوظبي عشان عرس حمني (كان حلو الصراحه) ما ستوا شي جي كبير بس كان حلو انزين يا يوم و صار موقف بين فهد و الريم يدو عاشه زقرتهم و قالت لازم نحصل حل و جي المهم قررت انها تعرسهم ، نفس الوقت فهد حصل بعثه في استراليا و يدو عاشه قالت لازم تعرس و منو الاخيار المناسب الريم
المهم صار موقف مع الريم الي هو موقف علي(ولد عمها سعيد) الي يتذكره و سجنوه على الي سواه لنه الي سواه يعتبر جريمه (من الأشياء الي سواها جرح ريلها ب 🔪 و وايد أشياء ثانيه (فاتكممم ) لا امزح المهم بعدها قرر ابوها انه يخليها تروح هي و فهد مكه طول رمضان و بعد رمضان يروحون سيده استراليا لنها ما بتقدر تنسى الي ستوا و عشان يسكتون الناس و وقتها نفس الوقت توفى ربيع حمني حارب و بعدها حملت هند ب توم
هذا الي وصلنا له لين الحين
(اعرف انه في موقف ما نسيتوا و كلكم بتقولون ليش ما كتبتيه ، لنه موقف مهم قررت إني ارجع اكتبه ان شاء الله و إذا في شي نسيت عنه و الي قروا حسوا انه مهم خبروني )
و إذا اي عنده عند سوال يسأل عادي
صح إذا تبون اسوي فعاليه نفس قبل خبروني .
