هلا اسمي اعراف نرجع للماضي شويه تبدأ قصتي من جان عمري 20واني هسه22 اني يتيمت الام ولاب وعايشه وي بيبي اني من ريف من السماوه (مواصفاتي هادئه وفرفوشه وحب الحياه بل ريف) بيبي اسمها ابتهال بيبي مامخليه شي بنفسي كلشي اطلب منها تجيبلي ولو احنه الحاله الماديه صعبه بس عايشين على راتب الرعايه احنه عايشين بكوخ والحمد لله قابله على عيشتي وحامده ربي اني طولي 156نبدأ بل قصه
ابتهال :تعالي اعراف
رحت اشوف بيبي شتريد
ابتهال :شوفي بيبي هاذه المبايل الج!.
اعراف:صدك بيبي يعني هاذه المبايل الي بوحدي؟
ابتهال:اي حبيبتي الج بس بشرط
اعراف:شنو الشرط؟
ابتهال:ماريد تعليسات
ابتسمت
اعراف:لا ان شاء الله ماكو تعليسات
ابتهال:ان شاء الله
ابتسمت ورحت للمطبخ نزلت بل مبايل تيك توك وسناب وانستا واتساب فقط بعد مانزلت شي بي رحت كلبت على سناب شات اشوف البنات ناشرات صور عيونهن كلشش حلوه وعجبتني كلت
اعراف:لا اني لازم انزل صور عيوني بس البنات اني شنو فرقي عن البنات غرتتت
نزلت صور عيوني اني جانن عيوني اخضر بس ماطلعت شعري بس عيوني لبست طرحه اجتني تعاليق هواي ربي يحرسج عن العين وربي يحفظج ممكن اليوزر ماهتميت ورحت كلبت على تيك توك اجاني تعليق رحت شفته واحد كاتبلي اسمه يسر كاتب ربي يحفظج ممكن اليوزر مااعرف اختاريت هاذه الولد ما العلم كلهم معلقين ويردون اليوزر مالتي بس مااعرف اختاريت هل ولد انطيته اليوزر راسلني كال السلام عليكم رديت كتله
اعراف:عليكم السلام ورحمة.
اجتني بيبي كالت
ابتهال:اليوم ماكو غده مصفطين اليوم ست اعراف ها
اعراف:لا اكو ان شاء الله
ابتهال:ان شاء الله يلا كومي صبي
اعراف:صار من هاي العين قبل هاي العين
ابتسمت صبيت الاكل جنت مسويه تمن احمر وصبيت واني جنت ماشتهي رحت لمبايلي شفت هل ولد مراسلني كال
يسر:يل ثكيله ماترد الحلو
اعراف:والله جنت دا اتغده
يسر:يلاا معذوره
اعراف:من وين
يسر:من السماوه
اعراف:ابنننن محافظتييي
يسر:انتِ من سماوه
اعراف:اييي
عفته يحجي ورحت مرت الايام واني مره اراسل يسر وعشره لا مره دخلت على خاص لكيته موديلي 50رساله!!! كاتب
يسر:ولججج وين ليشش ماتردين الوووو وين وينج
رديت علي
اعراف:جنت دا اصلي
يسر:اي انتِ طلعيلي عذر
اعراف:اسفه
يسر:اعراف اريدج بشي مهم
اعراف:اي تفضل
يسر:احبچ (يهوة ريتي) شفت الرسائل ومارديت
يسر:الووو اجتجج كفخه ادراك ولا شنووو؟
هم شفته ومارديت
يسر:تره تطلع عندي مقروءة ردييي شبيج
هم شفته ومارديت😂لعد اني شكثررر خبيثةة
مرت الايام تعلقت ب يسر كلشش هواي وصار جزء من حياتي مايمر يوم اله مأراسله قررررت انو اروح اعترفله!!!. رحت للمبايل مالتي
اعراف:يسررر اريد اكلك شي ممگن الرد!؟
بثواني رد عليه كال
يسر:اي كولي شكو خو ماكو شي
اعراف:لا تقلق ماكو شي
يسر:لعد شكو
اعراف:يسررر اني احبككك
يسر:اموتتت بيججج
اعراف:لكك فديتتت الككك اموت بيكككك
يسررر:لججج احبچچچ
كال يسر
يسر:اكلج نعرف انو هاي العلاقه ماراح تستمر لان تعرفين الاهل
اعراف:اعرف اكيد
يسر:يعني راح انكون اصدقاء بس تمنيت انو تكونين مرتي
اعراف:بعد هي قسمه ونصيب ومانكدر نغير الواقع
اني تحملتتت غيرر اليسر اليسر ماقدر يتحمل لان جان متعلق بيه بس شنسوي أمر رب العالمين تحملت لان اني ماره مواقف اكبر من هذني شويه وراسلني اليسر كال
يسر:عروفتي؟!
اعراف:نعم
يسر:ممكن نلتقي
اعراف:ههههههههه لا تشاقه
يسر:والله شبيججج والله
صدكته ونطيته العنوان
يسر:ماشي باجر 5:30-مساءً نلتقي ان شاء الله
اعراف:ان شاء الله
رحت نمت كعدت الصبح 7:30-صباحاً هيج كعدت لكيت بيبي محضره الجنط مالتها ولملابس
اعراف:بيبي شنو هايي؟
ابتهال:والله يبيبي عمچ خابرني وكلي تعالي عيشي يمنه
اعراف:وافقتي؟
ابتهال:اي يبيبي چا شسوي كال جيبي اعراف وتعالي
اعراف:لا اني ابقه هنا
ابتهال:تعالي اعراف ڨابل اعوفج بوحدج
اعراف:ايي قابل شصيبني
ابتهال:صدك انتِ ليش ماتردين ترحين وياي
اعراف:تعرفين بيبي مايحتاج اشرحلج
ابتهال:مااعرف عمامج تخبلو بهذاك اليوم.
اعراف:بيبي لا تذكريني بروح موتاج!.
ابتهال:يلاا شويه ويجي عمچ ياخذني
(ملاحظه اسم عمي علي)
طبيت للغرفه اجه عمي اسمعه يكول
علي:وين اعراف
ابتهال:اعراف نايمه
علي:شعجب جانت تكعد من6
ابتهال:يلاا يا يمه لو نتاخر
علي:يمةةة اصبريي عليمن نتاخر قابل مسافرين هي رايحه النه ماشايفه وجه مرتي جنه سطل
ابتهال:انجب ولك يلا
علي:يلا يمةةة مااعرف ليش مستعجله يلا انتِ اصعدي بل سياره واني لاحكج
ابتهال:انجب رجلي على رجلك يلاا.
راحو واني من الشباك اباوعلهم تحركت السياره رحت سوست اكل الي واكلت ونمت وقتت المبايل على5:30 نمت شويه ودك المببه كعدت غسلت ولبست لبس بسيط بس الحمد لله على كل حال لبست عبايه وطرحه ورحت شفت رجال حلو واكف يم الكوخ ودجاج رحت اشوف منو
اعراف:انتَ يسر
كال اي بس انتِ منو
اعراف:اني اعراف
يسر:اعراففف
اعراف:اي
يسر:اشو انتي حلوه حسبالي مو حلوه
عقدت حواجبي ردت اروح لزمني من ايدي وكال
يسر:اسف زعلتي من كلامي؟
اعراف:لا اني مو من هاذه النوع من البنات الي تزعل بسرعة
يسر:عرفت اختار زين
اعراف:شنو قصدك؟
يسر:ماقصدي شي جا وين تردين ترحين
اعراف:اجيبلك ماي
يسر:لا شكراً ماريد ماي
ابتسمت كال
يسر:انتِ عايشه هنا
اعراف:احله عيشه
باوع للكوخ عقد حواجبه كال.
يسر:انتِ ويامن عايشه هنا
اعراف:اني وبيبي
يسر:جا وين بيبيتج؟
اعراف:راحت لعمامي
يسر:واعفتج بوحدج بهاي الدحيسه؟
اعراف:لا مو دحيسه غلطان انتَ اصلاً حلوه العيشه هنا!
يسر:مو قصدي ادري حلوه العيشه اصلاً تخبللل
هزيت راسي كال
يسر:يعني هسه عايشه بوحدج؟
اعراف:اي ليش
يسر:تخوف
اعراف:لا عادي متعوده.
يسر:تعالي اشتغلي خدامه عدنه
كتله......
......................................................................
عجبكم البارت اذا عجبكم اكتبو بل تعليقات احبكم يا احله متابعين💜تفاعل اريد حته امزل البارت الثاني
الكاتبه:اســاور محمد❤️
