الجد عبدالله : صقير انت سويت كذا ب الناقه
صقر بلع ريقه : اي كيف عرفت
الجد عبدالله : تعال تعال .....
قرب منه صقر
• ب المطبخ
كانت غاده و عنود و شوق و أديم و غرام يناظرون من الشباك
غاده : جدي الحين بيخلص على صقير
غرام : احس حرام
أديم : شكلك ي غرامي لسا ما تعرفين جدك
عنود : جدي اذا احد قرب على النياق و اذاهم يخلص عليه
أديم : اتذكر رمضان الي فات ربطه ب الشجره ب وسط قسم الحريم
غاده : الله عليم الحين وش بيسوي
حطت غرام يدها على طرف شفايفها اول ما الجد ضرب صقر كف قوي
غرام وشوي وتبكي : حرام حرام
غاده : بنت
غرام خذت عبايتها الي كان لونها بني و طرحتها البيضه وراحت طلعت بره تدافع لأن ما قدرت تتحمل
غاده : لاحول ذي راحت
شوق : بس اتمنى الجد ما يبهدلها
غاده : عاد هو معصب
أديم : قسم بالله انها مسكينه 🥲
بدءو البنات يناظرون من الشباك ويشوفون غرام وش تبي تسوي
طلعت غرام وكانت تمشي و مغطيه وجهها و بلعت ريقها
ناظروها العيال
سلطان : بنت ذياب وش بتسوي
خالد حط يده على كتفه : الله يستر من هل دلخه وش بتسوي
غرام وقفت قدام الجد و كان وراها صقر : جدي
الجد : ادخلي داخل ي بنت
غرام : حرام ي جدي تراها كلها ناقه وتره صقر صايم
الجد عبدالله : انتي وش دخلك ، خويلد قوم جيب لي حبل ابي اربطه عند شبك النياق عشان كل وحده تجي ترفسه
خالد ما تحرك من مكانه
و غرام بدءت تدافع
خالد بهمس :، اخو العيال
سلطان بهمس : الحين جدكم بيعاقبها اهي بدال صقير
غاده : دافعت عنه بنت ذياب
شوق : قسم بالله انها كفوه
.
الجد : اقلك ي غرام ارجعي اخر مره اقلك ولا بعاقبك بداله
بلعت ريقها غرام و نطقت : ماني راجعه
الجد : أجل بعاقبك بداله
بلعه ريقها غرام وغمضت عيونها خايفه أنه يكون العقاب قوي
فجئه جت نسمه هوا قويه و طار الشال من وجهها لكن شعرها لا
سلطان بهمس : اخخخ يعيال
خالد : انطم لا تناظر
الجد : بخليك ي غرام تحلبين النياق ل وحدك فاهمه !
هزت راسها ونطقت : حاضر
الجد : غطي وجهك ،
لف على البنات الي كانو يناظرون من شباك المطبخ ونطق : ونتو الي تساعدها تعرف شغلها
ناظر الجد ل العيال و بعدها راح ل المسجد
بعد ما راح الجد و غرام الي كانت تناظر له و ودها تبكي
بعدها لفت وناظرت ل العيال الي كانو يناظرونها و يوم لفت عليهم صدو
صدت ولا قالت لهم شي و غطت وجهها ودخلت البيت تجيب سطل عشان تحلب
دخلت المطبخ وهي معصبه وخذت سطل
غاده : ليش رحتي
اديم : كان انثبرتي ولا طلعتي بره شفتي الحين بتحلبين النياق
عنود : بنساعدك
غرام : لأحد منكم يجي الحين احلبهم بسرعه واجي
غاده : الي يسمعك يفكر انك من يوم ونتي صغيره بين النياق
شوق : لسا امس جيتي ل الديره وتبين تحلبين نياق المزرعة
عنود : انتبهي لا ترفسك وحده
دخلت لينا ومعها سطل طحين : وش صاير
عنود : جدي عاقب غرام بدال صقر
لينا : شفته من شباك المخزن ضربه ذاك الكف الي طير حواجبه
ضحكو البنات
وكملت لينا : بس ليش غرام رحتي
أديم : حاولنا نمعها لكن عيت وراحت كانها سبر مان ودافعت عنه
لينا : ليش وش مسوي صقر عشان جدي كان بيعاقبه
شوق : ركب الناقه المجروحه و طاح منها ورفسته
لينا ضحكت ونطقت : ونتي ي غرام الله يسامحك رحتي و فكيتيه من يدين جدي كان خليتيه
غرام : ما قدرت اتحمل يعني صيام وكذا و كففف طير وجها
لينا : كان خليتيه يربطه جدي و يجون العيال يفكونه ويروحون يتمرقصون
ضحكت غرام اله تسمع صوت خالد : ي بنت تعالي احلبي لا جدي يخلص عليك
أنت تقرأ
عجزت ادور شبيه يليق بأوصافك حتى القمر ناقصه شامه وغمازه
Randomتنجبر تتزوج ولد عمها الي سماها وهي صغيره وكان يحبها لكن نساها بصعوبه يوم طلعت بره الديره بعمر الـ سنتين ويوم ترجع لـ الديره سمع بمدح الناس لها و كلامهم عن جمالها لكن ما اهتم ويوم يشوفها ينصدم بجمالها الي خذه عقله لكن ما رجعت مشاعره القديمه وتنجبر ت...
