زعما لينا فنهيات الحلوة نصيب (روايه_ليبيه)

الحلقه 5♥️➰.

ساجدة: حمادي امك عرفتيها مش فاضيتلك بس الباقي وقسم بالله تشوفي
امل : اصلا انا كنت ع علاقه بمحمد ولتوا قعدة مستمرة ويكلم فيا من وراك 🥺
البنات :😱😱
ساجدة لبست جاكه وطلعت قعزت ع حاشيه المسبح تفكر وفي عقلها الف سؤال ( ليش اني نتكلم هك من امتى يهمني امره ؟ ليش ندافع عليه ولما حد يتلصق عليه تشعل فيا نار ؟ زعما نحبه لالا مستحيل هادا ميستحقش حبي وهه الدنيا صقع)
فجاء محمد كان خاطم شافها
محمد: شديري هني والدنيا زي التلج
ساجدة مردتش كانت فعالم تاني
محمد يلوح ايده ع وجها يمين يسار 👋🏻: الوووو
ساجدة: مفيش تغطيه
محمد ضحك : تغطيه شني شن اديي هني بروحك فلوقت هادا مش قلتي بنرقد ؟
ساجدة: ممكن نسألك سؤال ؟
محمد قعمز : اسألي
ساجدة: امم شنفي بينك وبين امل لو سمحت متكدبش !
محمد: يهمك يعني ؟
ساجدة: متجوابش السؤال بسؤال
محمد: هادي امل كانت ديما تتلصق عليا واني مش عاطيهت وجه ولو تلاحضي كنت نبي نستفزك لما نعطيها مجال تقرب مني وهيا اصلا ع بعضها متهمنيش
ساجدة: يعني مكنتوش ع علاقه
محمد: علاقه شني
ساجدة : مبكري لما خشيت وقلت بنرقد قالتلي كان متبيش ترقدي مع حمادي تو نرقد انا بكل صحه وجه استفزتني ووو... وكملت القصه لمحمد
محمد: وانتي صدقتيها يعني ؟
ساجدة: مشعارفه
محمد: هي خلاص نوضي وقت واصلا صقع
ساجدة: معنديش نيه خليني نموت من الصقع بالك نرتاح
محمد يتكلم بدون م يندري ع روحه : وانا لمن بتخليني ؟
ساجدة استغربت : عساس احني عايشين زوجين
محمد فاق ع روحه : هيا هيا نوضي معاي
وكرها من يدها ومشو رقدو
تاني يوم
محمد: ساجدة ساجدة نوضي ساد نوم
ساجدة مردتش
محمد كب عليها امية
ساجدة ناضت مخلوعه : شني بنغرقو ولا كيف
محمد: نوضي بالك
ساجدة: حي علمك يامحمد هكي الواحد ينوض الناس 🙂
محمد: هادا الي مشي معاي عيطن عليك ضربتك كف لاحياة لمن تنادي
ساجدة: هيععععععع ضربتني كف اخرى ؟
محمد: الله غالب
ساجدة ناضت تجري ورا محمد وقعدو يجرو ونسو روحهم انهم مش في حوشهم (بيتهم )
كريمه ( آم محمد) شهقت : هاذا غير جوزوهم يعقلو ماريت عقاله
محمد يهمس ل سج : ريتي هادا كله منك
_____________
الُونا عَلي ♥️: طبعا معش ح نكتب ساجدة بنكتب (سج) كَ اختصار لانه طويل الاسم ومتعب كتابته 🤍.
_________________
سج بنفس الهمس متع محمد : كله منك محماط
كريمه : ‏شن تتهامسو شاركونا
محمد قعد يعيط : يااكرم
اكرم جي : شن تبي يفرخ بعدين معش في حشم بكل تقول اكرم حاف مشاءالله ع ربايه
محمد: بالله عليك خود مرتك
كريمه: لا هاذا بلا ربايه حق
محمد: نبصر عليك ياامي الغاليه ربي يحفظك وطلع
كريمه: ربي يشفي
سج قعدت بروحها ف الممر وتتكلم مع روحها : هوا توا انا فعلا متجوزة ؟ حي عليا قعدة فرخه 😂😂
وجدان : مع من تتكلمي بسم الله
سج : مع الجنون
وجدان : جن يركبك ان شاء 🙂
سج: بري روحي
وجدان: تعرفي عندي نيه نشدك نفرمك
سج : تفرميني ولا تقطعيني🤭؟
وجدان: مبردك ي وهميه
وجت العشيه مفعمزين كلهم وقدامهم حلويات وفواكه مشكله وشكلاطات وعصائر
محمد : سج مدامك نصتي جبيلي معاك اميه
سج شبحتله نضرت متع مصلحه : تمام
ومشت تجري وجابتله
محمد استغرب ويهمس ل سج : كنك
سج : كني ‏شن لقيتني نرقص ؟
محمد: تعرفي كف توا ع قلة ادبك وطولة السانك
سج : اسكت ونبي مدايرلي روحك عضلات مريت شي
محمد: تو بعدين نعطيك طبخه سمحه توا تشوفيها (طبخه سمحه بمعنى :ضربه حلوة )
سج : مناكلش فلمطبوخ دير حاجه مقليه كان بدير
محمد: تتسهوكي
سج شيرت ع روحها : انااا
محمد: لا غولتي
عبدو : كنكم قريب تتعاركو
انا ومحمد شيرنا ع روحنا فنفس الوقت وقلنا مع بعض : احني ؟
عبدو : بسم الله
ادهم : ماهو قتلكم طنجرة ولقت غطاها
سج : ضم فمك انت
ادهم : سكري فمك اكبر منك
سج : اكبر مني بسنه بس يـ؏ـني تعتبر نفس عمري
ادهم : نفس قهرتك صبي (نوضي ) لنشد نقتلك
سج شافت لمحمد : علاش متردش عليه مقعمز لاخدمه لاقدمه
محمد: ع اساس انتي خليتي مجال حد يدافع عليك
ادهم: انتم الزوز كان معش تجونا وتسافرو وتخلونا فحالنا تبدو احسن وحدين
سج : شني قاعدين ع قلبك واحني منندروش ؟🙂
ادهم : انتي اسكتي لنلصقلك فمك توا
سج : بلصقه ولا ب منشف ؟
ادهم : انوضلك يافرخه را
اكرم : خلاص شني هادا تتعاركو زي العويل الصغار
وفات اليوم عادي وروحو فليل لحواشينهم
خشت سج : اي يا رقبتي راسي بيطربق
سكتت شويه وبعدين : حليلي مسلاني وكرعيا معش نحس بيهم
محمد: ونبي خشي بلا كلام فاضي عساس درتي هيكا ولا هادي ماك اربعه وعشرين ساعه مقعمزة ع هداكا الصالون
سج : شني تراقب فيا ؟
محمد: لا
سج : خنمشينرقد خيرلي
الصبح اشرقت الشمس ع ابطالنا
سج وهيا مغمضه عيونها: محمد مش قتلك امس سكر ستار الروشن
محمد مغمض عيونه : نسيته
وناضو الساعه 9 محمد مشي لشركه وهيا قعدت تضم
يتبعع....