PAPA

Papa

Ama

Tatay

Daddy

Itay

Amang

Papang

Papsy

Dads

Kahit ano pa tawag sa natin kaniya isa lng ibig sabihin nun..

Siya ang dahilan kung bakit humihinga ka ngayon.

Kung bakit nandito ka sa mundo. Siya ang haligi ng tahanan.

Siya ang nag poprotekta sa pamilya niya. Ang nagbibigay

pangangailangan para sa pamilya. Nagbibigay pagmamahal

at Nagtatanggol sa mga anak niya. Ang nagtuturo at

naggagabay sa buhay. Ang sandigan mo pag my problema

ka. Ang magsasabi sayo kung ano ang tama at mali. Ang

mamagalit pag my nagawa kang masama. Isa sa magiging

pinakamasaya pag may nagawa kang tama. Ang

ipagmamalaki ka sa ibang tao. Ang magsusumikap para lang

maabot ang mga pangarap mo. Ang nandiyan sa tabi mo sa

lahat ng masasayang sandali ng buhay mo.

Pero paano pag ang Papa mo ay hindi ganun?

Paano pag wala siya sa mga araw na importante sayo?

Paano pag hindi niya supportado yung mga ginagawa mo?

Paano pag ayaw niya sa mga plano mo?

Paano pag hindi ka niya kayang ipaglaban?

Paano pag ang Papa mo ay iniwan ka bata ka pa lang?

Paano pag ipinagpalit kayong pamilya niya sa iba?

Paano pag nakikita mo siyang masaya kasama ang iba?

Paano pag hindi mo maramdaman na importante kayo sa

kanya?

Paano pag naramdaman mo na hindi ka niya mahal?

Paano?

Ano ang mararamdaman mo?

Aaminin ko, hindi perpekto ang Papa ko. Broken family kami.

10 yrs old pa lng ako iniwan na niya kami. Ipinagpalit sa

ibang babae. Ang sabi magulo na daw sila ni Mama. Na my

mahal na siyang iba.

22 na ako ngayon.. Akalain mo yun?

Ang tagal na pala.. 12 taon na nakalipas. Siguro pag sa iba

sasabihin na, ok na ako sa set up namin. Matagal na yun

kaya nakalimutan ko na. Na masaya ako na masaya na mga

magulang ko. Na lumaki ako na hindi gumigising sa umaga

sa ingay ng pag-aaway nila. Na wala ng nagsisigawan sa loob

ng bahay na halos naririnig ng buong barangay. Na hindi na

nakakahiya habang lumalaki na naririnig ng kapitbahay ang

pag aaway nila. Na tahimik na.

Siguro yun ang sasabihin ng iba. Actually, yun din talaga

ang sinasabi ko. Pag may nagtatanong na.