﷽
✦
-- أن اللّٰه يحُب الصابرينَ 💕
انستا اضافة اهناك انشر گُل
شيء ..
ʚ
ɞ
'''''''''''''
شَذْرة : بقيت نفس لحال وصار عمري 15 سنة صرت صف ثالث متوسط حيلللل فرحانه ومتحمسه لهاي المرحله قررت انو اترك كلشي وراي وابدي بداية جديده واشد حيلي واطلع معدل عالي ف بقى عن الدوام اسبوع كالت امي بالليل نشتري ملابس الج للمدرسه حضري روحج كتلها تمام ماما رحت كملت تنظيف سويت الغده تغدينه ورجعت غسلت المواعين مال الغده ونمت شويه كعدت المغرب كمت سويت عشه ع السريع وكالت امي لابوي يلا نروح ؟ كاللها اي بدلو رحت فتحت كنتوري ضليت صافنه شختار اخر شي ختاريت ثوب كلوشه لونه لون جوزي ونسقت وياه حذاء كعب بيجي وحجاب بيجي وجنطه بيجي وحطيت مرطب شفه بي لون خفيف كلش ومسكارة كلش خفيفه بحيث اليشوفني يكول ممخليه شي أبد المهم كملت تبديل واجيت اباوع ع نفسي بمراية الكنتور اباوع ع نفسي واكول الله هاي شكد حلوه اني طلعت للصاله لكيت امي
مكمله تبديل هي والجهال وابوي كاعد وياهم عاينلي خزرني
_ هاي شنو شمسويه بروحچ؟
_ شمسويه يعني ثوب طويل ومستور وحجاب وراح اللبس عبايه فوكاهن شكو بعد
_شنو هاي لابسه حچاب بيچي بربچ هذا لون ينطلع بي ؟ هذا مال واحد يروح بي للمحلات والمجمعات ؟
_ نعم ؟؟؟ ليش الناس شتلبس من تطلع
_ تلبس لبس معقول ما تلبس بيچي وبعدين شنو هاي الخرابيط البوچهچ
_انت بيك شي ترى لبسي كلشي مابي ولا حاطه شي بوجهي مبالغ بي أصلاً بس مرطب شفه ومسكارة وما مبينات نهائياً
ماما الله عليج اذا اكو شي بلبسي عيب كوليلي اروح اغيره لو بوچهي شي !
فاطمة الزهراء :
لو اكو شي بيچ عيب اني ماخليچ تطلعين بي لبسچ يخبل ومستور گلشي مابي
عَلي الاكبر : أنتِ سكتي ولا تفكين حلگچ بحچايه
تردين تخليها براحتها وبكيفها موووو علميها بعد ع الاستهتار
فاطمة الزهراء : الحمدالله والشكر مربيتها احسن تربيه
عَلي الاكبر : روحي غسلي وچهچ بصابون ولبسي شال لون اسود لو نيلي ولبسي جبه وجواريب سود وحذاء فلات وتعاي ولفي شالج لفه معقوله لا ترتبينه زايد حتى العالم تشوفج حلوه
شَذْرة : عيوني دمعت
بطلت ماروح
اجاني راد يضربني وامي لزمته
صرخ
عَلي الاكبر : هسه تغسل وجها وتسوي نفس ما گلت لو ولعباس
بعد تحلم تشوف ملابس مدرسه
شَذْرة : امي اشرتلي يعني روحي سوي نفس ما كلج رحت غسلت وجهي ولبست شال اسود وجبه عريضه سوده وجواريب سود وحذاء رياضي اسود وعبايتي واني دموعي ما سكتت ابد متت من القهر رحنه وصلنه المجمع طبيت
جاي اختار بالصدريه مال المدرسه جان اكو ولد طويل معضل يعني مواصفاته كلش حلوه وملامحه رجوليه
تخبل
هو جان يبيع بالصداري ختاريت الموديل حاجه الولد ابوي كاله نزلي هذا الموديل نزله طلع جبير عليه كاله نطينه اصغر صار عليه طبعاً هذا الحجي الولد ما شال عينه عني ابد كل ما ابوي يدير وجها هو يعاينلي واني ابد ما خليت عيني بعينه المهم كملنه اشتريت صداري ثنين وثنين قمصان ردنه نروح لابو الحسابات
أنت تقرأ
هزيم الرعد
Short Storyصَوتُ الرعدِ والهَزِيمُ صوتُ جَرْي الفرس ... قِطعَ مَن الذّهَب السَلاحِ الأبيَضُ .. .... الڪاتَـبـة : شَهرزاد عَلي . Writer : Shehrazad Ali.
