اوكي تأخرت هوايَ او شويَ بس امتحانات ودااحاول اكمل بسُرعه .
_______
ساره : ارتاحي زين
ياسمين : هزيت راسي ودخلت للبيت
ماما وياسين جانو كاعدين بالصاله
ام ياسمين: ها شلون يومج گـ اول يوم تعليم سياقه؟
ياسمين : لا بأس بَهِ
ياسين : شلونج بالسياقه؟
ياسمين : كالت اقل شي شهر وتكونين مُمتازه
ياسين : بيها الخير
ام ياسمين : حبيبتي ماكلة لو اصبلج اكل؟
ياسمين : تعبانه اريد بس انام
ام ياسمين : تمَام حبيبتي تصبحين على خير
ياسمين : انت من أهلة
صعدت شمرت نفسي على الفراش افكر بيها وبملامحها هسه هيَ انسانه طبيعي جمالها لو يمكن انا ابالغ؟ حلوه حلوه لابعد درجة يعني! مُشكلة انها التايب مالتي ههفففف ياربي كمت متعاجزه طلعت لي شورت وتيشيرت ومسحت المكياج الي بوجهي وطفيت كل شي يخلي اكو اضاءة بالغرفه ونمت كعدت ثاني يوم وانا احس جسمي متكسر فتحت تلفوني لكيت رسائل من ساره
ساره : مرحبا ياسمين الجدول كالتالي
مَن الاحد الى الاربعاء يكون من ساعه 4 الى ساعه 10 اما الخميس والجمعه والسبت فَ يكون من ساعه 2 الى ساعه 7 واكيد يكون استراحة
راجعة كاتبه
..: مااريد ابد اعتراض على هٰذا الجَدول لان تكدرين كلش هوايَ ترتاحين بي
ياسمين : انصدمت يعني اتوقع تعرف انا طالبة سادس! شلون تسوي هيج جَدول
رديت على رسالتها
..: بس العفو تدرين انا طالبة سادس هٰذا الجَدول كلش راح يأذيني ماالحك اقره او احضر اي شي من دُروسي!
كمت سَبحت وبدلت ونزلت طلعت للخط ووصلت للمدرسه
هالمرة تأخرت بسَبب ابو الخط يعني المهم رحت لصفي وجانت استاذه لُمى علينا
لُمى : وين جنتي ياسمين؟
ياسمين : ابو الخط تأخر عليه
لُمى : طيب روحي جيبي ورقه من الاداره
ياسمين : بدون نقاش رحت جبت ورقه ودخلت كعدت يم نوران ودانيه ورانا
نوران بهمس : شبيج شو احس مو على بعضج؟
ياسمين : بالفرصه اكول الكم
نوران : تمَام حياتي
ياسمين : حطيت راسي على الرَحلة وانا افكر شراح يصير بيه مشت الدروس لحد ما اجت الفُرصه
طلعنا كُلنا واجتي وتين رحنا كعدنه على المسطبات
نوران : احجي شبيج؟
ياسمين : البنت الي جاي تعلمني سياقه حيل قاسيه ويايَ!
وتين : شلون يعني؟
ياسمين : يعني جدولها كلش صعب تعرف بيه انا طالبة سادس بايام الدوام الوقت يوم مو ساعه 4 لحد 10 شلحك اقره!
دانيه : زين احجي وياها شنو لو خلي يغيروها؟
ياسمين : هففف ماددري حجيت وياها
نوران : عندج اليوم؟
ياسمين : طول الاسبوع لمُدة شهر
نوران : زين احنى باجر عدنا امتحان احياء!
ياسمين : ااهه احسس راح اببجي والله
وتين : زين شوفي كليلها بالايام العندي بيها امتحان تعبره الج؟
ياسمين : مااعرف اليوم احجي وياها
نوران : اي احجي وياها لا تضلين ضايجة خوش حبيبتي؟
ياسمين : اي اي
دانيه : يلا وتين امشي
ياسمين بصدمه : هاا وين!
دانيه : انا وحبيبتي نريد نسوي اشياء انتُ شكو هاا؟!!؟
وتين : هههههههه امشي حبيبتي امشي
نوران : وجع وجع شكد ادبسزيه
ياسمين تقلب عيونها : ماتشوفكم ست شروق لو بس عليه تكدر
وتين بغمزة : عدنا قدراتنا الخاصه
ياسمين : يييع بسس
ضحكو وراحو ضلينا انا ونوران نحجي بمواضيع عامة عن السادس وهيج دك الجرس ورحنا للصف ومشت الدروس عاديه رجعت للبيت بدلت ونمت حتى ارتاح كعدت تقريبًا بالاربعه فزيت بسرعه شفت ساره تتصل عليه رديت وانا بعده تأثير النعاس عليه
ياسمين : احم الو؟
ساره : انا بره
ياسمين : بس انا هسه كعدت
ساره : شكد تطولين؟
ياسمين : سديته بسرعه ونزلت ركض فتحت الباب شفتها كاعده بالسياره اتجهت نضرتها الي رفعت حاجبها
رحت عليها
ياسمين : احم شنو رأيج تفوتين لان احتمال اطول؟
ساره : انتظرج هنا
ياسمين : تعاي فوتي
عفتها واتجهت للبيت هيَ قفلت السياره واتجهت ورايه شفت فرق الطول البيناتنه موطبيعي ضحكت بداخلي دخلت كعدت بالصاله
حطيت ايدي وره رقبتي
ياسمين : تشربين شي؟
ساره : لو مراح تروحين تتحضرين فَ ممكن اشرب من دمج
ياسمين : رايحة رايحة
صعدت ركض بدلت وتعطرت ماحطيت هواي مكياج فقط تنت ومسكاره ونزلت وصحت عليها
ياسمين : انا خلصت
ساره : هاي طبيعي تطولين ربع ساعه؟
ياسمين : تره قليل!
ساره : امشي يلا
ياسمين : آمم ساره
ساره : نعم
ياسمين : بالنسبة الجدول
ساره بحده : هم تريدين تغيري؟
ياسمين : بالبيوم العندي امتحان لتجين يعني عبري
ساره : افكر عود يلا امشي عاد
ياسمين : ههفف مزعجة
ساره : كلتي شي ؟؟
ياسمين : تؤ
هزت راسها مشينا صعدت وبدت تعلمني شويَ شويَ
ساره : ياسمين!
ياسمين : هِمم؟
ساره : احس هوايَ عليج الشهر تعرفين يعني ماشاءالله عليج بسرعه تاخذين وتمشين كلش زين يعني ثاني يوم وتمشين كلش زين
ياسمين : آمم ويعني؟
ساره : مُمكن اقلل مُدة تعلمج
ياسمين : اوكي
بداخلي ... لا ارجوووج لا شللون مااشوفح بعدد اهخخ
صارت الساعه بـ 7
ساره : انا جعت خلينا نروح لمكان نااكل؟
ياسمين : تمَام اخذينا انتِ
ساره : العفو؟؟ اكول ودينا لمطعم يلا
ياسمين : ههفف تعرفين ان انت بنت حيل مزعجة؟
ساره : اخخ زين تعرفين ان انت بنت حيل تجرحين بيه؟
ياسمين : لان تستاهلين ههه هاي اذا انت عندج احساس اصلًا
ساره : هههههههه اكول عوفي تفاهتج وكملي
ياسمين : اجاني احساس مااعرف شلون اوصفه من شفت ضحكتها! اهخخ يااخي مو اكول لكم جمييلة
ياسمين : وصلنا لمطعم نزلنا واخذنه طاولنه وكعدنه بيها شويَ واجاها اتصال بأسم
( my dear )
( حَبيبتي )
حسيت شي بداخلي انكسر او اكتئبت
ياسمين : رايحة للحمام
ساره : تمَام
ياسمين : رحت وحسيت ماكدرت الزم دموعي ماادري ليش بجيت ومادري ليش حَسيت بغيره! او ممكن مو غيره بس مااعرف
غسلت وجهي ورجعت انتبهت سارع لوجهي صفنت لوجهي دقايق وكالت
ساره : طبيعي على كل شي تبجين؟
ياسمين بصدمه : هاا؟!
ساره : حركت جتفها بمعنى مادري
ياسمين : ايع بس
ساره : على شنو ايع!
ياسمين : عليج اكو احد غيرج كاعد كدامي؟
ساره : ياسمين لزمي لسانج واحترمي نفسج؟
ياسمين : واذا ماسويت كل هٰذا شتسوين ؟
ساره : يمكن ناسيه ان انا مُدربتج واكدر اعوفج
ياسمين : اكو هوايَ غيرج
ساره : صح
ياسمين : لزمت تلفوني دخلت للانستا افف شكد مشتاقه له صار لي تقريبًا اكثر من شهر مداخله له جايتني هوايَ فولو وكلهم بنات حلوات
رديت فولو لحساب حيل جذبني ابتسمت وانا اشوف صورها لان حسابها عام
ساره : خلص وقت الاستراحة!
ياسمين : ها؟ بس ماصار شي من كعدنه بعدني مو مستراحة
ساره : مو انت التحددين انا الاحدد هنا
ياسمين : ههههههه اخذي سيارتج وتوكلي لعبتي نفسي يااختي
