الكاتبة: رُقيـة العَلي
«واقع مَع أرض الخيـال»
گعدت ؏ صوت ماما تگعد بيا گعدت وأني ميته نعاس أباوع ع فراشي وأرجع أصفن عل ماما، أستغفرت ربي وگمت غسلت وجهي ورجعت بدلت ورحت يم الصوبه اتدفه والكتاب گدامي أقرى ما بقى شي واخلص من السادس أجت ماما بيدها صينية الريوگ خلتها واجتِ يمي تريگت وضفرت شعري ورحت بيدي الكتاب اقرى وامشي بالطريق مريت عل شيمو "شيماء" صديقتي دگيت الباب عليها طلعتلي بوجها البشوش مبتسمه حظنتها وگلت.
روح: يلاا نروح لَ نتأخر.
شيماء: ثواني بَس اجيب الملزمه واجي.
هزيت راسي ودخلت تجيب ملزمتها واجت رحنه للمدرسه دخلنه راحت دخلت لقاعتها واني رحت القاعتي التوتر صار فول بدء وايدي
بدت ترجف استغفرت ربي واجتِ الاسئله هدءت من شفت الاسئله سهله بديت احل حليت كُله صحيح وصفنت بأخر فرع بالسؤال صفنت شوي وبديت استغفر قريت الفاتحه واتذكرت ابتسمت وحليته كملت وخرجت من القاعه لگيتها منتظرتني اجيت يمها مبتسمه ادفت.
روح: هاا شلونها الاسئله؟
شيمو: اععع ولج سهله وحليت كلشي
روح: اني هم هههه همزين جنت خايفه كلش.
ابتسمت وطلعنه وصلنه لبيتهم دخلت للبيت واني كملت طريقي امشي بين الافرع فارغه محد بيها بس كم طالبه تمشي مريت ع المحل دخل وراي رجُل طويل القامه ممبين من يمه شي بس عيونه مبينه گعد عل كُرسي وأني أشتريت من المحل وخرجت رحت للبيت دخلت تلگاني بابا يسأل عن الامتحان گتله.
_جاوبت كلشي وجانت سهله.
ابتسم وحضني باس راسي واردف.
_عفيه يروح ابوها
طبعت قُبله ع ايده وراسه ودخلت جوا ماما جانت تسوي غداء دخلت عليها حظنتها من ورا وقبلت خدها واردفت.
_شلونچ يمه؟
_هلا يبعد امج شلونه امتحانج؟
_كلش كلش زين
_كلش كلش عفيه يمه ما بقى شي يبعد روحي بس باجر روحي غسلي واگعدي اقري.
هزست راسي ورحت غسلت وبدلت تغدينه وماما راحت تجيب مسواگ رجعت اقره شوي وسمعت صوت كحة بابا العاليه ضجت من مرضه "الربو" ضل يكح حيل گمت اله وبعده يكح گام گوه يجر النفس،
ركضت عل البخاخ جبته اخذا مني وخلاه يم انفه وشوي وهدئ مسدت عل ضهره ملامح وجهي خايفه نام عل سرير باوعلي وابتسم رجعت اقرى لحد الليل ونمت من التعب گعدت بدون ما تگعدني ماما بدلت وسويت شاي شربته رحت طبعت قُبله ع راس بابا فتح عيونه باوعلي مبتسم رديتله الابتسامه ورحت الماما سويت نفس الشي وطلعت لبست الحذاء ورحت امشي بالفرع حسيت اكو احد يمشي وراي فتره مو قصيره وصوت اقدام درت وجهي ماكو احد استغربت وسرت رجفه بجسمي صوت الأقدام جان واضح سرعة مشيتي وصلت لبيت شيمو دگيت الباب عليها طلعتلي مبتسمه اختفت ابتسامتها من شافت ملامح وجهي خايفه اردفت.
