لكاتبة: رقيه العَلي.
فتحت عيوني بصدمه واني اشوف الملثم نفسه گاعد عل تخم وشيمو خاله راسها بحضنه وهوَ يمسد عل راسها جانت غافيه صحت بصوت مصدومه.
روح: أنتتت؟؟!.
صح جان ملثم لكن من شفته عرفت شكله لأن عيونه جانت بارزه وحلوا فَ عرفته، باوعلي بفزه واشر اسكتي، خله راس شيماء عل مخده ونهض من التخم اجه تقرب يمي سحب ايدي مشاني ورا عتيت ايدي منيمه ومشيت وراه طلعنه بالطرمه نتكلم وگف گبالي ركز انظاره عليَّ واردف بصوت هادئ
_اي أنا
روح: منو أنتَ؟
_الي ببالج
روح: اعرف الي ببالي بس انتَ شتصير من شيمو؟
_اخوها
روح: عليك العباس؟
_والعباس
هوَ أني مو غبيه وعرفت يصير اخوها لكن ردت اتأكد من الي ببالي، سألته بلكي يعرف شيء عن اهلي.
روح: وين اهلي؟
_اهلج مو اهلي!
روح: احچي اعرفك تعرف وين، دفنوهم؟
_اي
روح: وين؟ عفيه بلا زحمه عليك وديني الهم اشتاقيتلهم.
گلتها ونزلت راسي نزلت دمعه بسرعه مسحتها ودرت وجهي رحت للغرفه سديت الباب وگعدت وره الباب ابجي بدون صوت ومكممه فمي بأيدي شهگت شهگه احسها خرجت من نص گلبي، بجيت لفتره طويله لحد ما گما اتثاوب وغفيت گعدت عل ايد تمسد عل شعري فتحت عيوني وشفتها شيمو.
شيماء: صباحووو شنو متاكلين انتِ؟ مو راح تتخربطين يلا يلاا گومي خل نتريگ اني وياج بسرعه بسرعه گوميييي.
ابتسمت وگمت غسلت واجيت لگيتها تتريگ هيَ وخاله اردفت.
روح: صباح الخير خاله
_صباح الضهاري يبعد خالتج
ضحكت وصدگ جانت دنيا ضهر گعدت أكل شوي واردفت لخاله.
روح: خاله اريد ازور اهلي.
_اي يبعد خالتج شوي خل يجي نوح واگله ياخذنه كلنه.
روح: نوح؟
خاله: وليدي يَ خاله
دنگت اكل بهدوء كملت شالت الصينيه شيمو وراحت رحت وراها ننظف المطبخ سوه كملنه ورحنه گعدنه بالصاله ثنينه صافنين اردفت.
روح: راح ابقى هيچ؟
شيمو: ليش شنو تردين تسوين؟
روح: ورا ما ازور اهلي ادور شغل اشتغل.
شيمو: صدگ تحچين والله ما اعتقد نوح يخليج تشتغلين.
روح: مو بكيفه اشتغل.
_لا بكيفي.
درت وجهي لگيته واگف بباب الصاله وبيده مسواگ راحتله شيماء واردفت: الله يساعدك.
اخذت منه العلاليگ مالت المسواگ وحضنته باسها براسها واردف.
نوح: ع شنو دتحجون.
گمت وگفت وگلت.
روح: اريد اشتغل.
نوح: ليش يابه؟ مقصرين وياج بشي؟ الحمد الله عايشين وعدنه خير من الله.
روح: مو هيچ بس لازم اشتغل حتى اصرف ع نفسي والسنه التجي عندي جامعه شلون منو يصرف عليه لَتگول انا؟ الجامعه يرادلها فلوس متگدر تصرف علينا اني وشيماء لذلك لازم اشتغل.
نوح: بكيفچ يبا القرار راجعلچ.
