للكاتبه الشبلاويه
من امس البارت كمل بس كهرباء ماكو 😆
البارت الجاي احداث اقوى
اسراء راح تتعرض لصدمه
~~~~~~~~~~~~~~~~~~~~~~~~~~~~~~~~~~
باوعتله بهدوء ما ادري شعده من الصبح المكياج لبخ كتمت ضحكتي و حاولت ما ابتسم
سندس. شعدج هنا ؟
خازرتني ما عاجبه و لا كانو أشوف حسين الـ بسببه هيج مفرفح همست بدون ما اسيطر على ردي
اسراء. اگوD
ما سمعتني و اردفت بنزعاج
سندس. شنو؟
اسراء. اجيت اشوف حسين
سندس. و اذا جيتي شفتي شراح يصير
التفت على حسين و خليت يدي بيده بابتسامة و هوَ مغمض عيونه
اسراء. اجيت اواسي لان اقرب الناس اله صارت تموته
ما حجت شي و طلعت معصبه تحرك احمد بنزعاج اشر حسين الي اسكت كعد احمد مطنگر
احمد. شعدج هنا
باوعت لـ حسين
اسراء. راح اسوي ريوگ و اجي
اردف احمد بغضب
احمد. ولج ام عيون مخابيل مو اجي
عقدت حواجبي «مخابيل؟»
اسراء. احمد ابوس صماخك، شلون عيون مخابيل
تربع على سرير حسين يشرح بذمه و ضمير و ياشر بيده
احمد. شوفي عينج هاي ما تشبه هاي، ليش؟ لان خبله لان ما طلعت نفس اخته لان اخته هم ما طلعت عليه لان مخابيل
صفن حسين على احمد
حسين. الكثير من لان
نهضت و توجهت نحو على الباب
اسراء. اصلاً شرح مفصل كلشي ما فتهمت
نزلت جوه و الروتين اليومي نفسه لحد العصر دخلت براء هيَ و عبايته السوده و وجهه النوراني و عيونه الخضر تقربت حضنتي و اني مصدومه شلون طلعت و ذو الفقار وين
براء. طگ موت مشاقتلج
اسراء. اجيتي وحدج؟
استوعبت دفعته لان ما اتقبل لمسه اي شخص ضحكت و باستني مسحت مكان البوسه
براء. و عليكم السلام ورحمة الله وبركاته شلونج اني حيل زينه اجيت ويه امي و ذو الفقار هوَ جابنه
اسراء. شعجب؟
تقربت من الكاونتر تاكل زلاطه و اسولف بابتسامة
براء. ولج شهر شهر كامل اني اتوسل شهر والله شهر
اسراء. شكد تبقون؟ يعني اقصد عمتي امج شكد تبقى؟
أنت تقرأ
ظلام الماضي
Mystery / Thrillerهيَ قصه تتحدث عن فتاه تحارب الماضي و الحاضر والمستقبل في نفس الوقت
