SAKURA 🌸 [ Ongoing ]

08th Blossoming 🌸

එන්න එන්නම දවස් ගෙවිලා ගියා... අපේ හතර කල්ලියේ සාමාජිකයෝ ඔක්කොටමයි ලම්කාවාසී සියලු යක්ඛ දූ පුතුන්ටයි ලියන්න ඔන්න විභාගයක් කට මුලටම ඇවිල්ලා... හනේ සා.පෙ.. සාපයක්ම තමයි...
අපි කට්ටිය නම් කොහොමහරි පාඩම් කරලා පුළුවන් උපරිමයෙන් මහන්සි වුණා.. අපි විභාගේ ළං වෙන්න සතියකට කලින් වෙනදා වගේම චානුලාගේ ගෙදරට ගිහිල්ලා කුප්පි දාන්න පටන් ගත්තා.. මට නං අමාරුවකට කියලා තිබුණේ ඉතිහාසය තමා... හැබැයි චානු වැඩ්ඩා.. ආයේ ඉතිහාසය, බුද්ධ ධර්මය කිව්වොත් චානුගෙනම ඉස්සරහින්ම තියෙන්න ඕන.. එයා ඒවට පට්ටම දක්ෂ කෙනෙක්.. ඉතින් එයා තමයි ඒ විෂයන් වලට අපි තුන්දෙනාටත් කුප්පි දැම්මේ.. මට විද්‍යාව, ගණිතය පැත්ත නෝර්මල් ගානට පුළුවන්.. ඉතින් ඒ විෂයන් වලට මම අනිත් කට්ටියට කුප්පි දැම්මා.. සිංහල වගේ විෂයන් නම් කට්ටියම එකතුවෙලා පේපර් ලියලා සාකච්ඡා කරා.. බකට් සබ්ජෙක් නම් අපි වෙන වෙනම පාඩම් කරන්න තියා ගත්තා.. මොකද කට්ටිය එක එක විෂයන් වලට ආස නිසා වෙන වෙන විෂයන් තමයි තෝරගෙන තිබ්බේ... චානුයි මමයි චිත්‍ර.. සෙනෝයි පවනුයි නැටුම්..
ඒවගෙන් පොඩි පොඩි සමානකම් තිබ්බත්, අනිත් විෂයන් නම් වෙනස්..

කොහොම කොහොමහරි අපි පාඩම් කරලා, හෙට තමා අපේ විභාගය.. ඉතින් වැඩි මහන්සියක් ගන්න එපා කියලා තාත්තයි අම්මයි කිව්ව නිසා මම වේලාසනින්ම නිදා ගත්තා...

විභාගය අපි හිතුවටත් වඩා ලේසියි.. ගණිතය නම් පොඩ්ඩක් අමාරු විදිහට පේපර් එක හදලා තිබ්බා.. ඒත් අනිත් ඒවා නම් කියන්න තරම් විශේෂ අමාරුවක් තිබ්බේ නෑ.. මට අමාරුවකටම වෙලා තිබ්බේ ඉතිහාසය.. චානු ඔක්කොම මට කියලා දීපු නිසා ඉතිහාසය ගැනත් මට තිබ්බ බය ඔක්කොම නැති වෙලා ගියා... ඇත්තටම අර රජවරුන්ගේ නම් ටික නම් ඇහුවම මඤ්ඤං වෙලා යනවා.. එකම නමින් හත් අට දෙනෙක් ඉන්නවා.. මලම කරදරයක්!!!
ඉතිහාස පේපරේ ලියන වෙලාවේ චානු හිටියෙ මගේ එහා පැත්තේ.. ඉතින් දන්නැති දෙයක් එයාගෙන් අහගන්න මට නෝමල් එකේ පුළුවන් වුණා... දැන් ඉතින් මේවා ඕගොල්ලන්ට කිව්වා කියලා අපේ ගෙවල් වලට එහෙම කියනවා නෙමෙයි!!! අපි අපිනේ.. ඉතින් හිතේ විතරක් තියාගෙන කටින් එළියට දාන්න එපා... හරිත!!
එහෙම නැත්තං අහු උනොතින් මට එකසිය විස්සට කැරකිලා යන්න දෙනවා පොල් කටු හැඳි පාරක්!!