SAKURA 🌸 [ Ongoing ]

09th Blossoming 🌸

"අඩෝ බන්... අර ඊයෙ Breaking News එක උබල දැක්කද.."

චානු, OL ඉවර වුන දවසෙ රෑ අපිට පෙන්නුවත් වගේම අපි නොදැක්කට, ඒක පිටසක්වල යානයක් කියලා ඊයෙ නිව්ස්වලට කිව්ව... කවදාවත් වෙයි කියලා හිතුවෙ නැති ඒත් වෙනකම් බලන් හිටපු දෙයක් හරිම අමුතු විදියට වෙලා තිබුණා... සුපුරුදු විදියටම මේ සිද්ධියෙනුත් වුනේ අම්මයි තාත්තයි ගෙදර නැතිවෙලා එළියෙ වැඩ අස්සෙ හිරවෙන එක...

"මොකද්ද බන් උබ ඔය කියන්නෙ..."

"අයියෝ සෙනෝ.. උබ ගෙදර ගිහින් එහෙම්ම දපනෙ දාලා නිදියගත්තද ගොබ්බියේ... නිව්ස් එකක් දන්නැති තරම්.. අයියෝ හැදෙන වයසෙ ගැල්ලම- "

"යැයි යැයි යැයි යැයි යැයි... හැදෙන වයසෙ ගෑල්ලමයෙක් මොනාද දැන් නොකරන්න ඕන කියල කියාපම්කො මට මුලින්.."

"අනෙ මෙහ් පලෑම් යන්ඩ... දන්නැත්තම් අහගනිම්කො නිව්ස් එක.."

"කියහම් ඉතින්.."

" මීට මාස තුනකට විතර කලින්, අපිට OL ඉවර වුන දවසෙ රෑ චානු අපිට පෙන්නපු අර මොකද්ද මන්දා එළිය, පිටසක්වල යානයක් කියල ඊයෙ Breaking News එකක් දීලා කිව්ව.."

" මො- මො මොකක් ? සිරාවටම...???"

" හුම්ම්..."

රෑ එළිවෙනකම් නිදාගෙන විතරක් ඉඳලා ඇහැරපු ගමන් ලෝකෙ කනපිට ගැහුව වගෙ සීන් එකක් සෙනෝට දැනුනෙ නම්.. සිද්ධිය ඇත්ත නිසා චානුට වුනේ මොළේට අංශබාගෙ හැදුනා වගේ සීන් එකක්... හැමෝටම දැන් කුතුහලේ එක්කම ඕන වුනෙ මේ සිද්දිය ගැන තව විස්තර කතා කරන්න.. ඒ වගේම මේ සිද්ධිය ගැන තොරතුරු හොයාගන්න වගේම මේක වුන තැනට ගිහින් බලන්න..
ඉතින් අපි කට්ටියම කතා කරගත්තු හැටියට ඉස්කෝලේ ඉවරවෙලා කට්ටියම ගෙවල්වලට කැෆේ යනව කියල බොරුවක් කියලා මේ සිද්දිය වුන තැනට යන්න තීරණේ කරලා තිබ්බා... කෝමත් හතරෙ කල්ලියම මේ වගේ බයහිතෙන වැඩවලට ආස කරපු සෙට් එකක්...
මේ වෙනකොටත් හැබැයි මගෙ හිතෙ දෝංකාර දුන්න ප්‍රශ්නෙ වුනේ මේ හොර වැඩේ අපේ ගෙදරට මාට්ටු වුනොත් මොකක් වෙයිද කියල.. මොකද අපෙ ගෙදරින් අම්මයි තාත්තයි දෙන්නම එතන කැරකි කැරකී ඉන්න දෙන්නෙක් වගෙම දැක්කොත් මට සොරි ඩොට් කොම් වෙන සීන් එකක් ඉවෙන් වගේ දැනුනා.. ඒ වගේම එතන මේ වෙනකොටත් පොලිසියෙන් දාලා ආරක්ෂා කරනවා... බලු බල්ලෙක්ටවත් එන්න දෙන්නැති තැනකට මේ රිංගන්න යන්නෙ..
කොහොමින් කොහොම හරි ඉස්කෝලේ ඉවරවෙලා අපෙ බොරුව ගෙවල්වල අයට ප්‍රචාරය කරලා හතරෙ කල්ලියෙ සෝදිසි මෙහෙයුම දියත් කරා...