မြို့စားကြီးအိမ်​တော်မှဆန်ကုန်​​မြေ​လေး || အတွဲ ၂

Chapter 166: Perhaps

အခန်း (၁၆၆): မဟုတ်မှလွဲ​ရော

Words Count: 4346

UNICODE

ကလစ်။

​လေ​အေးပြင်းပြင်းတို့ထက်ပင်ထိတ်လန့်ဖွယ်​ကောင်း​သောအရာတစ်ခုသည် ရထားလုံးတံခါးဖွင့်လိုက်သည်နှင့် Cale အားကြိုဆို​နေ​ပေ​တော့သည်။

"သ-သခင်​လေး!"

သူ့အား​​တွေ့ မြင်လိုက်ရသည်နှင့်အလွန်​ပျော်ရွှင်ဝမ်း​မြောက်သွားဟန်​ပေါ် သောလူတစ်​ယောက်သည်လက်နှစ်ဖက်လုံးကိုဆန့်တန်းလျက် Cale ဆီသို့တန်း​ပြေးလာ၏။

ထိုသူမှာ ကြွက်တစ်ပိုင်းလူပုတစ်ပိုင်း Muller ပင်။ အခုပဲထငို​တော့မလိုရုပ်မျိုးဖြင့် Cale ဆီသို့တန်းမတ်စွာ​ပြေးလာ​နေ​သော Muller မှာအ​ပေါ် ထပ်ကုတ်အကျီကိုပင်​သေချာမဝတ်ထား။

"...အဲ့တစ်ယောက်ကဘာဖြစ်​နေတာတုန်း?"

Cale သည် Choi Han ဘက်သို့လှည့်ကြည့်မိသည်။ သို့​သော်လည်း Choi Han သည်လည်းဘာမှ​ထွေ​ထွေထူးထူးမစဥ်းစားမိသလိုမျိုး သူ၏ပခုံးအစုံအားတွန့်ပြ​လေသည်။ ထိုအချိန်၌ပင် Muller သည်သူ့​ရှေ့သို့​ရောက်ချလာကာ အသက်ကိုပြင်းပြင်းရှုရိူက်၏။

"သ-သခင်​လေး"

"ဘာတုန်း?"

ပုံမှန်ဆို Muller မှာ Cale ​ရှေ့၌​ကြောက်လန့်တကြား​ကွေးကုပ်လို့​နေမှာဖြစ်သည်။ ထို့​ကြောင့်ပဲ Cale မှာ Muller တစ်​ယောက်သူ့​ရှေ့၌ပုံမှန်ထက်ကွဲလွဲစွာပြုမူ​နေသည့်အ​ပေါ် နားမလည်ဖြစ်သွားရသည်။

ထိုအချိန် Muller သည် Cale ၏​​ဘောင်းဘီစအားဆွဲဆုပ်လို့လာ၏။

'...ဘာ​တွေဖြစ်​နေတာလဲ?'

အသည်းအသန်ဖြစ်​​​​နေပုံ​ပေါ် ​သော Muller ၏ပုံစံမှာ Cale အားစိတ်ရူပ်သွား​စေခဲ့​သော်လည်း သူသည်အရင် Muller အားတွန်းဖယ်ခဲ့ကာ​​မေးမြန်းသည်။

'တစ်ခုခု​တော့တစ်ခုခုပဲ'

ရဲတိုက်ကြီး၏တံတိုင်းနံရံများကိုမွမ်းမံပြင်ဆင်ခြင်း နှင့် ​ရွှေလိပ်သင်္ဘောကြီးအားဒီဇိုင်း​ရေးဆွဲပြီး​နောက် Muller ၏လတ်တ​လောတန်ဖိုးမှာမြင့်တက်လို့​နေ​ချေသည်။ ​​သူမှာခေါင်းကို​​မော့ ရင်ကို​မောက်၍ပေါ​ကြော့​လျှောက်သွား​လို့ရ​ရက်သားနဲ့ ဘာ​ကြောင့်သူ့ကြည့်ရတာ​ကြောက်လန့်​နေတဲ့ပုံ​ပေါ် ရတာလဲ?