حب من طرف وآحد

حبيته بجنون ❤

آول يوم شفتو حبيتو مابعرف شو يلي لفت نظري فيه عيونو ، شعرو ، ضحكتو ، عضلاتو ، طولو ، كل شي سحرني وخلاني اتعلق فيه وحبه بدون ماحس على حالي

ضحكلي وتبادلنا النظرآت ، حكاني عالموبايل وياااوييليي شوو صوتووو بيجنن بيطير العقل
حكينا وضحكنا وتعرفنا ع بعض اكتر وفجأة قاطغني وقال : بحبك #

طبعا انا انصدمت انو كيف وليش حبني بهالسرعة بس بنفس الوقت فرحت كنت رح طير من هالكلمة يلي ذوبتني وحسستني اني متل الملاك
جاوبتو : وانا كمان بحبك قصدي حبيتك #
بس يريت ما قلتلو هالكلمة لأنو بنهاية قصتي بعرف انو كل هالحب كان كذبة بس مارح طول اكتر المهم سمعني حكي حلووو ذوبني جنني خلاني ذوب فيه وبكلامو واتعلق فيه متل الغبية كنت عم اضحكلو وصارحو ع كل شي صار وبيصير معي وعدني انو رح يبقى معي وعدني انو رح نكون عيلة انو رح يجي ويخطبني انو رح كون ام صغآرو انو رح يعمل المستحيل تا يبقى معي انو رح يحميني رح يكون البطل بحياتي
وانا صدقت متل الغبية وفرحت وعيونو صاروو قلووب ذبت في مكاني وهو لساتو عم يكذب عليي ويوهمني بأشياء كانو ما عندو ضمير وماعندو قلب
فاتت ايام واجت ايام وانا عم اتعلق فيه اكتر بس ماحاولت وضحلو هالشي حاولت اثقل مشان مايقول عني خفيفة ..

كان عم يتصل ويبعت مسجات عم يتغزل فيني وانا طايرة من فرحتي بس مابينتلو هالشي لأنو بدي اثقل شوي قدامو .. #

المهم تغير الوضع وصرت عم اتعلق واتعلق واتعلق فيه اكتر ماتخيلت حياتي بدونو حبيتووو بجنوووون قلت اتصالاتو فيني بس عم يتصل باليوم مرة او اتنين اختفت المسجات وانا كنت عم اتصل باليوم اكتر من مرة حاكاني بس بلهجة تانية يعني تغيرت معاملتو معي

صرت صارحو اني كل يوم صرت عم حبو اكترر عم احلم فيه بالليل عم اتخيلوو معي بكل لحظة في حياتي وهو كان عم يسايرني وانا ما حسيت بهالشي بالاول صدقتو بس بعدين اكتشفت انو مل مني # !!

فات اسبوع وتغير ماعاد اتصل فيني صار عم يتحجج بقصة الرصيد والظروف ومادري شوو !!
بس قلت لحالي معليش لازم قدرو وراعي ظروفو شو ماصار هيك بيحبني اكتر
بس هو ماحبني ولا بحياتو فكر يحبني :( اعتبرني مجرد صديقة بس لسا ما خبرني لأنو عم يستمتع بتعذيبو الي :(

خلص مليييت قلتها وانا عم احترق من جوا

مليييت ليش ماعاد اتصل ليش ماعاد حاكاني طيب ليه ليش ؟ :(

مليت اتصل انا واسأل عليه مليت اهتم فيه بس انا مليت كون بدور الام الحنونة الطفلة الدلوعة بس مافي ولا اهتمام #

بس بيوم من الايام تفاجأت بكلمة منو انو قال خلص كل واحد بطريق انتي مابتناسيني !!!!

طيب ليشش ليشش مابناسبك ليش لتخدعني وتوهمني بحبك الي وانت كنت بس عم تتسلي
ليشش لتحرقلي قلبي وانت جواتك عم تضحك ومو هامك شي

لييشش خليتني اتعلق فيك وانت بتعرف انك مشش الي

لييش ولييش والدموع بعيوني عم قولها بس ما اهتم بحكيي سكر بوجهي الخط وتركني موجوعة مقهورة عم ابكي من وجعي من وجع قلبي من زعلي نمت وحضنت مخدتي صرت عم ابكي شوي شوي اكتر واكتر لحد ما نفجرت بالبكي وصار وجهي كلو دموع :'(

خللللصصصصصص ماعاد فيني اتحمل هالعذاب قلتها وانا موجوعة مجروحة قلبي عم يوجعني في غصة بقلبي عم تكبر كل مرة ببكي فيها
اتصلت فيه بس فصل بوجهي :(

عاودت اتصلت بس فصل وفصل لحد ماسكر خطو

رميت موبايلي عالحيط وانا عم ابكي وابكي وابكي لحد مانمت وانا زعلانة وموجوعة

فقت تاني يوم وشفت الموبايل متمنية بس لاقي مكالمة منو بس اتصال او بس مسج منو حت
بس مافي شي :(

مافي ولا شي منو انا كنت غبية بستاهل قلتها وانا مقهورة

فاتت ايام وانا عم فكر فيه اشتقتلوو اشتقت لصوتو ، لعيونو ، لضحكتوو ، لحضنوو ، لكلامو يلي وهمني فيه :(

مسكت موبايلي وحاولت اتصل فيه كتبت الرقم بس لحظة !! انا شو عم ساوي؟! هو ما اتصل فيني ولا عبرني انا ليشش لنزل كرامتي واتصل متل الهبلة :/

اممم احترت شو ساوي طيب خلص بس اسمع صوتو دقيقة وسكر وتشجعت واخذت نفس عمييق و اتصلت ...

رن واخيرا فتح موبايلو قلتها وانا فرحانة ..
فتح الخط وقال :

الو

الو !

اهلين كيفك ؟

تمام ( بس من جوا مش تمام موجوعة وزعلانة ) وانت ؟؟

انا بخير

اي منيح يلا انا رح سكر

لا خليكي معي شوي بدنا نحكي مشتقلك

!!!!!!!! انا طبعا بيني وبين حالي مصدومة كيف اشتقلي وهو مابحبني وكيف بدو ياني معو وهو ماعبرني ولا حاكاني

طيب اوك

وحكينا مع بعض وبلشش يحكي حكي حلوو وانا عارفة انو كلو كذب :(