حب من طرف وآحد

كرهتك وبتمني آنسآك

فاتت الايام وانت لسا علي بالي عم فكر فيك كل دقيقة وكل ثآنية :'(
مع انك جرحتني وعذبتني وماحبيتني وكذبت عليي بس لسا بفكر فيك طيب لييييييييييييييش ؟!!

ليش انا بتعذب وانت لأ ؟!
ليش انا بحبك من قلبي وانت لأ ؟!
ليش انا الضحية وانت لأ ؟!

قعدت بغرفتي سكرت الباب وقعدت بسريري لحالي عم ابكي من قهرتي ، شغلت اغاني وكل اغنية عم اسمعها عم اتذكرك فيها ...

بلشت ابكي وابكي وانا عم اصرخ جوات قلبي من البكي :'( حرام عييشش هيك كل عمري مقهورة ع شخص ما حبني ، حرام والله حرام انا ليشش ماعندي حظ بالحب ليييشش ؟!

وفجأة بلاقيه عم يتصل فيني !!!
انا استغربت ليش عم يتصل بس جواتي كانت في فرحة مابعرف ليش

فتحت الخط وظليت ساكتة ..

هو : الو

انا .........

هو : الو ردي بدي خبرك شغلة

انا : نعم شو بدك

هو : كيفك اول شي

انا : تمام بخير حالي ( عم بكذب عحالي وانا مو منيحة عم اتوجع )

هو : اي طيب ليكي بدي خبرك شغلة

انا : شوو !!

هو : اشتقتلك

انا : ( العمي شو كذااب طبعا بيني وبين حالي قلت هيك )
اه اي وانا كمان

هو : بدي شوفك

انا : اممم مابعرف بس حاليا مابقدر

هو : ليشش ؟؟

انا : مابعرف وبس

هو : طيب فيكي تجي لعندي عالبيت

وقبل مايكمل كلامو انصدمت سكرت بوجههو الخط .........لييش هو ليشش هيك فكرتو ولو لثانية انو بيخاف عليي بس طلعت غلطانة

هو فكرني رخيصة بس لا انا مو هيك :'(

حسيت فجأة بمشاعر كره تجاهو من كلامو ولقيتها احسن طريقة لانساه

اتصل فيني بس مارديت عليه ، رجع اتصل رديت وصار يصرخ ويسب لاني سكرت بوجههو الخط

هو : لك انتي شووو مفكرة حالك لحتي تفصلي عليي انتي يا ....

انا انصدمت من الكلمة وحاولت كون قوية : انا شو عيدها انا شو اصلا انت مابتستاهل حدا يحبك ويضحي مشانك ويهتم فيك كل هاد غالي عليك وانت مابتستاهلني

هو بضحكة خبيثة : حب !! حب شو يا حلوة انا مابحب انا بتسلي بعيش الجو وبس فهمتي علي هلأ

انا مصدووووومة خلص مو قدرانة اتحمل رح ابكي بس ظليت قوية : هههههه اي روح لبنت تانية رخيصة متلك لانو انا غالية عليك ياحقير ،،،

......... وسكرت الخط بدون مايخلص كلامو وانفجرت بالبكي

ياربي دخيلك شو هالانسان هاد فوق انو ماحبني بدو يتسلي فيني بس الحمدلله ماكملت معو كنت هلأ مرمية بالشوارع :'(

وبكيت بكيت لحد ماعيوني نتفخت من البكي ونمت

فقت تاني يوم وحسيت بشعور حلو ومو حلو نفس الوقت تجاهلت موبايلي ورحت عالحمام غسلت وجهي واطلعت بالمراية ...

هالوجه هاد متل الملاك وهالابتسامة هي حرام خبيها وبدلها بالدموع ..
ضحكت ضحكة خفيفية وطلعت رحت عالمطبخ فطرت ورجعت لغرفتي مشان جهز حالي للجامعة

فتحت موبايلي لانو كنت مسكرتو مبارح لقيت مكالمات ورسائل من نفس هالشخص

اتأثرت من الكلام يلي كتبو بس انا مو هيك

المهم رحت عالجامعة وطبعا هو بيشتغل بالكافيتيريا تبع جامعتنا المهم رحت مشان اخد شي اكله واجت عيني في عينو متل اول يوم تعارفنا

يا الله شو حلوو هداك اليوم يريت بس يرجع :'(

المهم اطلعت فيه باستخقار وخرجت وهو مصدوم كان عم يحاول يعمل حالو مو شايفني بس ههههههه علي مين

المهم رحت قعدت مع رفيقتي يلي لاحظت اني مو بخير

حياتي شبك ليش هيك عيونك منفخين كأنو كنتي عم تبكي ؟!
لا يا قلبي هههههه مافي شي

اطلعي فيني نحنا رفقات وانا مابخبي عليكي شي يلا خبرني شو صاير

انا والعبرة خانقتني :'( انا مووووجوووعة قلبي عم يوجعني وبلشت بكي

ضمتني رفيقتي لحضنها ومسحت دموعي وقالتلي

ياقلبي لا تبكي مابيهون علي شوفك زعلانة مشان حدا مابيستاهل ليكي شوفيه هو عم يضحك ومو مهتم خليكي متلو قسي قلبك وانسيه

بس بس مابقدر انا صح كرهتو بس مابقدر انساه شو ساوي

شوو عالكلام لا بتقدري وانا بساعدك بس اول شي احزفي رقمو

حذفتو من اول يوم تخانقنا

طيب صورو

كمان حذفتن لا استني العمي ما اكذبني لساتن موجودين :'( خدي احذفيهن انتي انا مابدي شوفن

اخدت رفيقتي الموبايل وحذفت الصور وبالصدفة اجت عينها ع مسج انا ماقريتو مبارح المهم فتحت المسج ولقت كلام ومسبات من هالشخص لالي
صرخت رفيقتي واطلعت فيني وقالت

يا قلبي ليششش ليششش لك شوفي هالكلام ومع هاد لساتك بتفكري فيه لك انسيه لاجرك ادعسي عليه انتي مو هيك حبيبتي وانا بعرفك انتي مو رخيصة هو الرخيص

وبلشت دموعها تنزل رفيقتي وضمتني وقالت

انا بخاف عليكي والله حرام يلي عم تساويه بحالك هو عم يسبك سامحيني لهالكلمة حبيبيتي وانتي لسا عم تفكري فيه انسيه كرمالي

انا وعم حاول ما ابكي

طيب بوعدك خلص بس لا تبكي

....

رجعت عالبيت واتذكرت كلام رفيقتي وانو لازم ما فكر فيه و انساه حاولت تشجعت

والحمدلله فاتت ايام وماعدت فكر فيه وكل ما فكر فيه بتذكر كلامو الجارح الي وهيك لعند مانسيتوو

بتمني يعجبكم البارت صح طويل هههههه بس لاتنسو التصويت والكومنت ❤ احبكم ادعموني