هي قصه صغيره ..
قد لاتصدقوها ، فالحقيقه اغرب من الخيال
ومازلنا نعيش بمجتمع تلفه العادات ،،
كنت طفله في ١٣ من العمر يتيمه الاب واعيش في منزل جدي ،، والد والدي ،، لم يكن لدينا ملجئ اخر لدي اخوه صغار واعمام كثيرون
في يوم شتوي بارد جدا .. كنت اعد الطعام مع امي سمعت صوت صراخ جدي الغاضب ،، لم اعلم لمن يتحدث او مالموضوع ،،
يقين: ماما جدي ديصيح
امها: اشش تعالي معلينه
جدهم: احمد (ابن عم يقين) صيح ابوك وعمامك كلهم هسه عمتك رجلها ذابحها كتل وخابرتني تعيط
راحو عمامي وجدي لبيت زوج عمتي الي جان مثلنه هم كل العمام متجمعين ابيت الجد
جديقين:السلام عليكم
محسن(ابو زوج العمه) : لاسلام ولاكلام بنتكم خبلتنه تره ....
الجد: احنه جيينه ناخذ بنتنه وخلي ابنك يطلكها منريد هالنسب بعد
محسن: اي لعد خلي ابنك يطلك بنتنه ،، حتى تفض السالفه وكلمن يروح بصفحه
طبعا اذا احد مفهم القصه .. الزواج صاير تبادل يعني
العمه متزوجه ابن محسن، واخوها مزوج بنت محسن
فاذا اطلكت العمه من زوجها لازم اخوها يطلك بنت محسن
الجد: الو عبدو (عم يقين) اسمع هسه اطلك مرتك
عبدو:شتحجي يابه
الجد:اختك تريد تطلك من رجلها ،، ومحسن مايقبل يرجعها اله انت ترجعله بنته
عبدو:يابه اني مالي علاقه شتردون انتو سوو اني اخذت مرتي وهجيت من سنين وماطلكها لو تنكلب الدنيا ،،
اغلق الخط
يقين:ماما جدو وعمامي رجعو كلهم وعصبيين نار
الجد: ماكو حل هسه اله ننطيهم مره بمكان بنتي
احد العمام:يابه منيلنه بنات ننطيهم وبعدين منو منه يرضى يكسر بنته هيج كسره
يقين:جدو اصب العشه هسه؟
اول مره اشوف جدو يباوعلي هيج ،، عمامي من شافو ماعرف ليش حسيتهم انقهرو ماعرف شنو صار بس ثاني يوم الصبح كلولي اتحضري حيجون خطار
يقين :بدلت سويت شعري ظفيره مثل الجهال كل عمري١٣ قصيره
دخلت مره جبيره وبعدها عمتي وراها كم مريه هم كلهم يباوعولي ،،
عمه يقين: يقونه تعالي ،، اسمعيني والله اسفه ،بس مجنت اريد انتي تاخذين مكاني بس هذا نصيبج ،،
يقين:مفهمت شي من كلامها رحت اقدم عصير للخطار لزمتني المره الجبيره كانو تفحص بضاعه بدت تباوعلي تشوف سنوني وشعري
شروق: خلص قبلنه بيها حنزوجها لاخر العنقود ابنيً الصغير (صاحب )
يقين:سمعت زواج بس مصدكت امي تزوجني ،، رحت ع امي بس حضنتني وتبجي
يقين:يوم ماريد ازوج الله عليج
امها:الخاطر اخوتج حتزوجين وحتعيشين بنعيم هذولي اغنياء حييل وراح تحبيهم
