احيانا نهرب من مصيرنا المحتوم لنكتسب دقائق فقط من الحريه لنشعر بطعم اخر يحيط بنا فكل انسان يتمنى ان يكون حرا ان يشعر بالهواء النقي ان يحيط به الامان
يقين: انهزمت من صاحب سافرت الجورجيا واني ماعرف شسوي الف فكره جتي براسي اذا لزمني واذا بلغ الشرطه واذا جدي عرف كعد بصفي بالطياره شاب محجه شي جنت اني اقره ايات
نزلت للمطار ورحت للفندق فتت وقفلت الباب جنت ارجف خايفه من صاحب من يكعد صاحب اذا تعصب يتخبل
صاحب:اخ راسي شكد دايخ يقين يقين سويلي جاي حفوت اسبح ماشي ،،، دخلت للحمام "يقونه وين المنشفه ،يقوووو شبيج وينج يقين طلعت من الحمام مالعا اي حس فتحت الكنتور غراضها ماكو الجوازات الفلوس اياااا اني اعلمج كلبت الدنيا عليها بلغت الشرطه كلولي سافرت لجورجيا مكدرت الحكها معندي جواز خابرت ابن عمي يروح يلحكها بلغت كل الاعرفهم يشوفوها ودزيتلهم صورتها
يقين:ثاني يوم طلعت من الفندق امشي وصلت مكان فارغ بس خضار وهدوء كعدت ابجي ع حضي واشكي همومي للهوة ردت احجي الشخص ماعندي احد بعد ماتحمل
ليش منكدر نعيش براحه ليش ننجبر نسوي اشياء غلط والناس هم يجبرونه عليها وبعدين يدفعونه ثمن اخطائنا ليش النحبهم يجرحونه
فيصل:لان مجتمعنا تافه اسف اذا سمعت حجيج بس جنت دامشي هنا بالصدفه وسمعتج بس نصيحه سافري لاوربا باجر او اليوم ومناك اخذي قطار واستقري بوحده من الدول
يقين:انت منو
فيصل:شبيج خايفه مارد ااذيج اني فيصل عراقي وارد اسافر باجر للبريطانيا ادرس هناك
يقين: اوك باي
فيصل:مثل مكتلج ديربالج تبقين هنا جورجيا مليانه عراقيين وحيلكوج اهل رجلج بسهوله اذا متلكيهم بالفندق هسه
يقين :رجعت للفندق واني خايفه حيل لميت غراضي وطلعت ونبهت العامل اذا احد سال اني جيت هنا ليكله ابد وهددته انو وراها محاكم والاجانب يخافون حيل داطلع شفت عراقيين جايين ع الفندق خفت اكثر نهزمت بسرعه اجرت تكسي ماعرف وين راح يوصلني بس المهم اخلص وكفني يم مطعم شفت الشاب العراقي فيصل بيه صحته
فيصل:هاي انتي كلت هسه سافرتي
يقين:تكدر تساعدني
فيصل:اممم اسمعي ححشوفلج حجز وياي بس هناك بعد محد اله شغل باحد اوك
يقين:ماشي تسلم
وهسه وين اروح ؟
فيصل:تعالي😤 امري لله امشي للفندق مالتي ححجزلج غرفه باسمي حتى محد يعرف انتي نازله بيها
يقين :الله دزلي هذا فيصل من السما صار ثاني يوم الصبح دك فيصل عليه باب غرفه الفندق
فيصل:بعد كم ساعه للطباره لازم هسه بالمطار نكمل الاجراءات
