Poem: Cancer
©minlai22 All Rights Reserves 2015
Magkaka-cancer yata ako ngayong wala ka na
natutong magsigarilyo nung natapos na
lumaklak ng alak nang lumisan ka
kumain ng wagas nung di ka na bumalik pa
Lung cancer siguro ang papatay sakin
Di ko mapigil magsigarilyo kasi hindi ka na akin
Dahil sa sobrang lungkot ng ika'y Kanyang kunin
Di ka na babalik pa, hindi ko ito
maatim
Baka naman liver cancer ang mangyari
Inom ng inom ng alak, di ko na mawari
Wagas kumain, parang wala sa sarili
Nawala ang tino, parang naging zombie
Prostate at breast cancer ang nasa lahi namin
Pwede kaya yun? Sabay silang maging akin?
Para ang oras ay mas mabilis na dumating
Ikaw ay makakasama't muling maging akin
May heart cancer kaya? Baka yun ang maging sakit ko
Nung mawala ka kasi parang hindi na tumibok ang puso
O sana brain cancer na lang tulad nung sa'yo
Wala namang silbi, hindi na gumagana ang utak ko
Ang sarap nga sigurong magka-cancer
Baka yun ang paraan para tayo'y maging together
Para marating natin ung tinatawag na happily ever after
At para mapatunayan natin na meron ngang forever
