أنا ك بنت عايشة في مجتمع ذكوري
نفسي ف حاجات كتير .
عارفين هي أية .....
ممكن تستغربوا اوي
بس بجد انا نفسي أبقى مش خايفة
نفسي الناس تفهم ان البنت ليها حقوق
وان مصيري مش اخره الجواز
انا نفسي احقق اهدافي
نفسي ابقى ناجحة والناس تقدر احﻻمي
نفسي أمارس حقي ف الحياة
نفسي ابقى ماشية من غير م اخاف من نظرات الوﻻد
نفسي الناس تحترم كوني بنت
نفسي اسافر واعيش ف مجمتع تاني يقدر البنت
لو الوﻻد بتعاكس يبقى الغلط ف البنت هي اللي بتلبس ضيق وقصير ....طيب ليه المنتقبات بيتعاكسوا
لو الوﻻد بتتحرش ب بنت يبقى هي اللي غلطانة ....
طيب ليه التحرش بالأطفال بنات ووﻻد
لو البنت كلمت ولد .....تبقى قليلة الادب ومش متربية
طيب هم ليه اصﻻ بيكلموا البنات وبيعلقوهم بيهم
لما البنت بتتجوز بيعتبروها زي اي كرسي ف البيت ويلخصوا هدفها ف انها تهتم ب جوزها وتربي عيالها ولو جوزها بص برا
......تبقى هي اللي غلطانة
لو بنت غلطت مع ولد او من وجهة نظر البنت انها حبته ووثقت فيه ......تبقى هي اللي قليلة الادب ومش متربية بس هو راجل مش بيغلط
أنا ببساطة بقيت بحتقر الوﻻد وبكرههم اوي ومش بحترمهم عمري م سمحت ل ولد يكلمني واني اعيش قصة حب
علشان مقتنعة ان دا حرام و فعﻻ صح بس 75% من رفضي هو خوفي من الوﻻد ولما بقيت ف الكلية مش كنت بكلم وﻻد بالعكس كمان كان اللي بيكلمني كنت ب حرجه بس مش كنت خايفة منهم كان السبب اني بحتقرهم اووووووووووووي
كنت بكتفي اني اسمع قصص البنات عن الوﻻد واشوف بعيني استهزاء الولد ب البنت علشان احتقرهم مش كنت محتاجة امر بتجربة فاشلة علشان اتعلم كنت بتعلم من غلطات الناس
و ف الاخر بقيت انا ف نظر الناس معقدة .
مجتمع متخلف. ذكوري .مريض
نفس اواجه المجتمع واقول للناس
أخرسوا واسمعوا البنات عايزة أية
افهمونا واسمعونا
جوا كل بنت صرخة من تخلف المجتمع
أرحمونا
أنت تقرأ
ارحموني
ChickLitانا مش مرتبة هكتب اية ودي مش قصة دي ممكن تكون فضفضة او رسالة للمجتمع من بنت عايشة في مجتمع ذكوري
