كابوس مؤقت

Part 8

(8)

بعد ما ركبوا سيارت فراري زرقه بسمه اختارت هاللون لانها تحبه
باسمه تطالع بسمه : ليش سويتي جذ
بسمه تستغبي : سويت شنو
باسمه : لا تستهبلين انتي تدرين انهم اول مرة يعرفون حركاتج و بعد انج تقدرين تسوين اكثر من جذي ليش ؟؟
بسمه تنهدت : والله انا احب جذي و ردت فعل الياس اصدمتني و لما رديت عليه ما كنت ادري عن نفسي المهم خلي هذي السالفه علي جنب ادري انج انتبهتي على شي ليش ما قلتي لي من زمان ؟؟
باسمه استغربت : انتبهت على شنو
بسمه تنهدت وردت راسها لي ورا : تعرفين اني أحب سعود ليش ماقلتي ؟
باسمه بتفكير : اممم شوفي انتبهت اهتمامه لج بس ماحبيت ابين كلش لانه الياسوه يحبج جد و انا ما ابي اطعنه لانه اخوي
بسمه : مو بكيفي انا حبيت بعد شسوي والله مو بكيفي
باسمه تنهدت : تووج صغيرة على هذا التفكير مااعلينا انا الحين ابيج توديني الافنيو
بسمه تطالع لبسهم : بملابس المدرسه هذي
( لبس المدرسه عباارة عن قميص مخطط ابيض و كحلي و فوقه نفنوف * فستان * بدون اكمام لي نص الركبه و لونه كحلي )
باسمه : عيل بتصل على خدامتنا تطلع لي لبس
بسمه : و انا بعد
باسمه بتفكير : بس وين نغير ثيابنا
بسمه تفكر : امم بالمسجد
باسمه عيونها طلعت : انتي من صجج
بسمه : عيل وين تبين
باسمه : اي والله مالنا الا هالمكان يلا
بسمه : يلا
راحوا مروا بيت باسمه بعدين بيت بسمة و على طول للمسجد يغيرون لبسهم
( لبس بسمه عبارة على شورت فوق الركبه بشوي جنز طبعا و عليه تيشرت بدون اكمام و لا تستغربون عادي عندنا بالكويت نلبس جذي مع نظارات شمسيه و كعب عالي شوي و جنطه شانيل
لبس باسمه عبارة عن نفنوف *فستان * لي نص الفخذ لونه ابيض و مشجر يكون و مع نظارات شمسيه و كعب عالي شوي و جنطه برادة كان شكلهم توووب كل الي يمر يطالعهم )
نزلوا الافنيو صوب برستيج و كان في شباب لاحقينهم و كان سعود موجود بالافنيو
لي الحين الشباب لاحقينهم بسمه انتبهت لهم و ارتفع ضغطها وقفت فجأ و وقفت معاها باسمه لفت بسمه طالعتهم من فوق لي تحت و كان في احد يرقاب اي نعم سعود
بسمه تطالعهم : انتو شنبون بالضبط
شاب ١ : نبي رقم ياقلبي
بسمه ابتسمت لهم : تبون رقمي اعطيكم رقمي بس بشرط
باااسمه طلعت عيونها هذي شتسوي
شاب ٢ : شنو الشرط اسوييه لج
بسمه ابتسمت : تروحون من هني اوك ؟
شاب ١ : اوك
عطتهم رقم البقاله
بسمه تطالعم : و ما اوصيكم تطلبون لي معاكم
الشباب مستغربين
مشت بسمه و باسمه معاها
باسمه تطالعها : انتي شسويتي بالضبط
بسمه مو مهتمه : عطيتهم رقم البقاله
سعود من ورى : الله يعطيج العقل بس
بسمه نقزت من مكانها بغت تطيح بس مسكها سعود من ورا : انتبهي يا القزمة
بسمه تنرفزت : مو قزمة طويله انا بس الكعب مقزمني
باسمه تطالعها : يعني رقعتيها الحين
بسمه تطالعها بنص عين : جب انتي
سعود : الاه يعطيكم العقل انتي وياها خل ارجع لموضوعي المهم شتسوون مني
بسمه استغربت : يعني شسوي طبعا اتسوق
سعود : و منحاشه من المدرسة
بسمه تطالعا : عيل انت شنقول نفسي منحاش
سعود : يب
سعود يكمل : ابي افهم الي صار مساع شنو تفسيرة
باسمه ساكته تطالعهم
بسمه : والله واحد قاعد يتحرش و عطيته رقم البقاله
سعود و هو يفكر : البقاله هاا
مسكها من اذونها كانها ياهل مسوي شي غلط : هذي اخر مرة تكلمين شباب سامعه
بسمه شوي و تبجي : سامعه بس وخر ايدك الناس قاعد تطالع
وخرها و ابتسم : بحط بودي قارد واحد يلحقج بكل مكان
بسمه طيرت عيونها : ليييشش منو و تكون انا ابووووي ابووي ماحطلي عشان انت تحطلي
سعود لي الحين مبتسم : والله اخذ الحذر واجب يلا تشاو
بسمه : تشاو بعينك
راح سعود و بسمه متنرفزه
بسمه تطالع باسمه : يلا خل نكمل سووواقتنا
باسمه رافعه حااجب : لحظة لحطة هذا الي تحبينه ؟
بسمه مستغربه علي هالسوأل و انها قالت لها الجوااب قبل : ايي شفيها
باسمه نفس وضعيتها : شفتي اسلووبج معااه ؟؟ كانه هو الي ذاابح اهلج مو الي تحبينه
بسمه مشت عنها : انا اسوي جيي عشان ماينتبهه بس
باسمه رفععع الحاجب اكثر : هااا
بسمه طنشتها و اشررت على جنطه أقنرر : شوفي هذي حلوة بس اخاف تقلييد
باسمه تنهدت : اي عاادي نطلب من برراااا مو اول مرة
بسمه عاااجبتهاا الجنطه : بصورهااا و بطلب نفسها
و كملت اشرت علي وحده وراا وحده : هذي عندي نفسها بس ماركه اصليه و هذي و هذي و هذي مو حلوة و الثانيه عندي نفسها ...
باسمه قاطعتهااا : اوك اوك جب
بسمه ردت عليها بسرعه جبجج
... : بسمه ؟؟؟؟؟؟؟!

انتهى
______________

خلييت اخر بااارت طووييل فتكووون حطووو كومنتاات و ڤوووووت