وجهُ القَمرِ - زينا فادي -

الجزء الاول * رحلة وداع *

الجزء الاول ..
# رحلة وداع ..

ودعنا مدارسنا الله شلون ايام
ضحك وشقى .. صحيح واجبات دراسه صعبه
بس والله ماكو مثل صديقاتي و احلا شيء تصنيفنا على مدرسات لالا ياريت بعد اكو صفوف ماريد تخلص .. شكد جنا نكرهج يامدرسه بس ماكو مثلج الله يخليج اي هاي احنا محششات ..
نور ببجي : لااا مدرستي اهئ ياريتني رسبت
هبه : كبر شنو ترسبين علمود مدرسه اسمعي لج هسه الكليه احلا اكيد
نورس : جذابه الكليه محلوه
نور : ..
طلعو من المدرسه وكتبو ع الحايط :
نور + هبه + نورس = حب للابد
هاي حركات البنات الطيبات
نور : بيباي .. ✋
هبه : يلا امشي دنروح .
نور جابت معدل 95 .. و هبه 93
اما نورس فجانت بس فجابت 71

هذا حجي قديم .. هسه احنا بكليه وحده ببغداد.. هذا الطلعنا بالتقديم الحمدلله على كل حال واهلنا هم انتقلو ببغداد علمودنا
اول يوم لبست نور فستان منفش اسود ورفعت شعرها كيكه ..
امها : طالعه تخبلين نوشه
نور : طالعه عليج يا احلا ام بالدنيا الله يخليج الي
ام نور : حبيبتي الله يخليج ولا اشوفج بيوم متأذيه يلا ابو الخط اااجاج .
نور باست امها وطلعت لابو الخط ..
جان واحد تقريبا عمره 32 سنه ..
جاسم : هلاو عيوني منورتني
نور مردت عليه
جاسم : انتي نور ماشاء لله گمر
نور : ممكن توصلني بسكوت
جاسم كل شويه يغازلها وترزله .. حتى وصلوا للجامعه
نور نزلت من السيارة وكلهم يباعولهه
و مشت حتى شافت صديقاتها
هبه لابسه بنطلون بيج و قميص فوشي وترانشوز فوشي .. وشعرها ذيل حصان
اما نورس فلابسه بنطلون مشكك و بدي اسود عليه جمجمه .. وشعرها ضافرته على جهه ونهايته اسود .. نورس تحب استايل الايمو وخبيثه .

هبه : هلو نورتي
نور : بنورج هباوي .. ها نوسه شلون الكليه
نورس : باعي لملطلطات
نور شافت اشكد بنات مكبلات : استغفر الله احنا طاهرين وحنفضل طول عمرنا طاهرين
هبه : لتاكلين شسمه زايد اني حروح للمحاضره
نور : ايوه كده يا انشراح من اولها دلع وادب وحركااط
هبه : كتلج لتاكلين شسمه زياده وجه الصخل
نور : ولي اني يمي نوسه احسن منج
نورس : رايحه للمحاضره باي
هبه : طننننن ربااه في منتصف الجبهه
نور : ولي ادطبسز
نور كامت تتمشه بساحه وصدفه شافتلها واحد ديمشي وراهه : خير اخويه
حسام : ها
نور : ليش دتمشي وراي
حسام : لابس داكلج عندج ذيل
نور : شنو .. جان تشوف اكو خيط طويل داخل بحذائهه ومحاسه عليه ..
نور استحت وكطعته : شنو عاا
حسام : شوفي اني شلون مهم بحياتج جان هسه الكل تضحك عليج
نور : لوكي
حسام : احترمي نفسج .. انطيناج مجال كمتي تكمزين
نور : مو قرده مثلك
حسام : لا اني موقرد اني صخل هاهاها
نور ضحكت من كل كلبها
حسام : دومج
نور : الله يديمك لاحبابك
حسام : اني حسام
نور : اني نور
حسام : تشرفت اشوفج وكت ثاني
نور : صدگ محشش

...

هبه دخلت للمحاضره وكعدت وجان يمها طالب اسمه هشام.
هبه جان يشرح لاستاذ واني داردد ويا
فجأة سئل الاستاذ سؤال واحنا بمدرسه متعودين اذا سئل الاستاذ سؤال ونعرفه نخبصه للاستاذ
هبه : اني اعرف انييي هئ
الاستاذ : كولي
هبه : الدم
الاستاذ : صح .. اذاً كما وضحتلكم
هبه : هله هله جاوبت صحووح
هشام : مخبله
هبه : انت شنو حارك حمامك
هشام : هه لاعبالج انتي لان خدامتنه احسن منج
هبه : كسرت سنونك نعامه ان شاء الله .. خدامتكم احسن مني .. عساس انت شلونك جنك قرد استغفر الله اللهم عافنا مما ابتلاهم
هشام : لسانج طويل
هبه : ديلا قردقد اسكت دااسمع المحاضره
هشام : خضير ابو المولده
هبه : هاشميه ام اللبن