وجهُ القَمرِ - زينا فادي -

صدفه

الجزء الثالث * صدفه * ؟

...

صعدت جود للغرفه مال ابوها .
وشافت اخوها نايم : ضياء ؟؟
ضياء كعد : شكو
جود : ماكوو بس خفت
ضياء : جود حرجعج للبيت
جود : لا ضياء فدوه
ضياء : وين عصيرج ؟
جود : ماعدهم عصير
ضياء : خوش اني حنزل اجيب بلكت الكه انتي انتضري هنا
جود : ماشي
نزل ضياء وبصدفه صعد الدكتور .
جود وكفت باحترام وعدلت شعرها
د.مجد : لو سمحتي وخري عن الباب
جود انتبهت : sorry
د.مجد طب للغرفه وشويه وطلع
جود : ها دكتور
د.مجد : ربع ساعه ويكدر شخص واحد يدخل
جود : اوكي دكتور .
د.مجد ضل يباوع لعيونه و جود نفس الحاله
لحد ما اجه ضياء : ها دكتور
د.مجد مشى ونزل من الدرج
جود : ربع ساعه وواحد منه يكدر يطب .. ضياء اني حطب حباب
ضياء : طبي انتي منو كلج اريد اشوفه
جود : اوكِ

...

[ نور ]

كملت وَ نزلت لخالتي شفته كاعد سويت وجهي هيج
- هلو نوره حبيبة خالتج
رديت بكره : هلوات خالة .
شفته يباوعلي بنظرات شرسه وبعدين نطق : طالعه حاته
كعدت يم ابويه وبدلع : اعرف من يوم يومي هيج طالعه على دادي وماما حاته
ردت خالتي : اي اختي وَ حبيبتي نريد نوره لابني لوحيد وححطه بعيوني

امي خجلت تردهم : ان شاء الله نفكر وننطيكم خبر
ردت بثقه : لا شنو تفكرون الحمدلله ابني يصوم ويصلي وفلوس وافره واخلاقه تمام التمام وميتزوج عليها ويدللها بعد ميحتاج تفكر رح نعتبرها وافقت

رديت اني بحقد : لا توثقين خالة يجوز ما ارتاحله
ردت عليه - شنو حبيبتي لا اني متاكده حيعجبج
رديت - الله كريم هسه عن اذنكم اني حطلع دادي
باوعلي ابويه : اوك حبيبتي ديرباالج عدج فلوس لولا ؟
رديت : اي عدي داد
قاطعني برده : لا عمي بتك متطلع هي بحسبة مرتي
رد ابويه : وكتها عود اتدخل هسه اني ولي الامر وماحب واحد يتدخل
قاطع ابويه بقلة ادبه : لو سمحت عمي تربيتك خطأ
رديت عليه : تربيته صح ومو اخر عمره يجي زعطوط يتدخل !
خالتي بربكه : يلا جاسم حنروح
طلعت من لبيت بضوجه ودكيت على هبه : هلو هباوي تعاليلي فدوه .. ضايجه حيل
هبه : اخويه يكطعني هسه اذا اجيج .. انتي تعاي
رديت عليها بحزن : خوش حبي جايتلج

ركبت تكسي ووصلني لبيت هبه ..

..

[ هبه ]

عدلت البيت ولو اعرف هو شماسويتله حيضل عادي ..
استحيت من نور الغنيه تشوف بيتي هذا ..
رحت بغرفتي جان لفراش جوزي وكنتور خشب وماصابغتهه .. شكلها عادي ومقرف
هبه : الحمدلله على كل حال
اندك الجرس وركضت فتحته : هلو حبيبتي
شافتني نور لابسه بيجاما خضره عليها باندا من الغسل صاير اصفر واسود : تفضلي
- هلو حياتي
وصلتها لغرفتي : حجيب شي تشربينه واجي
- ماشي
رحت للمطبخ ولكيت ايمن لازم بطل السم
: ايمن فدوه لا تشربه حرام الدتسويه
- حرمت عيشتج عليج بكيفي يا عمري ان شاء الله معاجبج لوعدج مانع ..
ودفعني قوي : يلا .
رديت عليه : براحتگ اخذت كوب العصير ورحت لنور .
: تفضلي حبيبي
- شكراً حبي
: ليش ضايجه
- هباوي متصورين اشكد قل ادبه ويا بابا اسمعي اول شي ...
ضلت تحجي نور واني مو يمها .. اكبر همها اشلون قل ادبه .. واني بيا حال همي شلون ندبر غدا باجر
- وتالي طلعت ودكيت عليج والله يقهر
ابتسمتلها : يلا حبي ليهمج يولي ابوج مادامه عايش هو معليه منج ✋
- اي حبي شو ماما دا تدك عليه
: الو ماما ؟ شنو .. باابا لا اهئ اني جايه .
- شكو حبي !
: بابا بالمستشفى فجأه اغمى عليه

...

[ هشام ]

اجرو فساتين عرس حلوه ..
اما عسل فاشترت فستان نيلي منفوش .. يبين بياضها
رح اعزم اصدقائي و هبه ههههه خضير ابو المولده
- هشوم يمته تجيبلي حلوه
رديت بحب : ان شاء الله اجيبلك احلا مربيه
- هيييييي
شفت منار متكئه على الشباك ودموعها بعيونها ..
كلما اتذكر اكره كل شي ..
هاله : هشام حنزل انا وعسوله اشتريلها حذاء
هزيت راسي بمعنى نعم ..
نزلت هاله و عسل وبقيت ويا منار
- ليش سويتي هيج
نزلت دموعها الي جانت خافيتها : والله خالتي كلتلي تعالي لبيتنا اريد تساعديني بشغله وضلت تسولف ويايه وكلتلي ودي الهدوم لغرفته وتالي
- خالتي هي خططت ويا ابنها !
: اي همه خططوا لكل شيء ..
- الله ياخذك ياسامر .. مبقه شي على زواجج وياريت بعد ماشوف وجهك
: الله يخليك هشام لتسوي هيج .
- لعد شسوي اضحكلك ! اجتي عسل اسكتي
ركبت عسل كدام وهاله يم منار

...

[ ضياء ]

شفت وحده حاته طبت تبجي .. جانت لابسه فستان اسود بوكتها .. فديت ..
اعتقد ابوها الي جانت تبجي عليه ..
سمعت امها تكول : نوره ان شاء االله بصير بخير لتبجين
اها اسمها نوره ..
طب ابوها وهي ضلت تبجي كدام الباب
كلبي كام ياذيني عليها ودعيت يشفى ابوها ..
هاي شبيه ؟ معقوله اني هيج رخيص كلبي
رجعت لجود لكيتها تسولف ويا ذاك الي يسمى ابويه .
جود ضحكت : ضياء تعال
درت وجهي عنها ورجعت ادور بالممر .. اجي اشوفه هه
يوم اشوفه مدفون
جود صاحتني بصوت عالي : ضياء !
ضياء فتت لغرفه بعصبيه : لتصيحين شنو هلصوت
جود بضحكه : تعال شوف بابا ديغني
رديت باستهزاء : مو رجل بالگبر ورجل بلكاع بعد شيغني ماتبت من السويته وابشرك لا مسامحك دنيه واخره الله يحاسبك على السويته ..
جود كلبت وجهه : ضياء شنو هل حجي
- خلي يحجي ويحجي .. اني السويته موقليل .. بس اطلب تسامحني يا ابني باجر شكول لربي
جود : بابا كلنه مسامحينك حتى ضياء هل حجي من ورى كلبه يكوله
ضياء : خلي يندم على السواه واني ممسامحه !

...

[ نور ]

طلع الدكتور واخيراً ..
- الاستاذ دخل بغيبوبه والله يعلم يمتى يصحى ويجوز ميصحى ..
نور بعصبيه : شنو متعرف بابا
- الله العالم يا بنتي اني شنو بايدي ..
راح الدكتور ..
نور وكعت علكاع بجي : بابا ما اكدر اعيش يوم بدون ماشوفه الصبح كبالي يكولي هلا بملكه ابوها .. ينطيني الجاي وابوس راسه. . منو الي غيرك يا بويه
امها نزلت دموعها وياها : ادعيله يابنتي بلشفاء
نور حضنت امها وبجت ..

....

مر يوم على هاي الاحداث ..
وجان يوم صعب على الكل

بالجامعه ..

....