اسمي أيما انا من استراليا جيت بريطانيا لظروف شخصية لانو أمي سافرت أمريكا وبابا جالس في استراليا لكني متخصصة في مجال التكنولوجيا فلازم أروح لندن لانو تخصصي هناك عمري ١٨ سنة شعري لونو بني فاتح عيوني لونها اخضر احب الحيوانات مرررررة احب أني البس بنكي كتيييير واحب الدرة وأنا احب الدراسة وما اقدر أتخلى عنها واحب البس الفساتين أحسها تعطيني شكل حلو واحب اكتر شي الفساتين السودا والبنكيا ما احب البس الكعب العالي مررررة وأنا طبيعتي اجلس كل وقتي أحاول أتعلم لغات العالم وأنا نوعيتي ما احب الضجة احب الهدوء وكمان انا بالمرررررة ما احب أتأخر عن مواعيدي وكمان انا عندي صديقتين مقربتين ليا اسمهم ميار وياسمين
انا اسمي ميار انا من استراليا صديقتي المفضلة ياسمين لأني أتربيت معاها لمن كنت صغيرة وبعدين لمن سار عمري ١٢ سنة اتعرفت على ايما ولمن سمعت انو ايما تبغا تروح لندن رحت بسرعة عند ماما وبابا وقلتلهم أني ابغا أروح لندن عشان أيما وعشان تخصصي وكان تخصصي الغناء كانو ياسمين وأيما يشجعوني أني ادخل الاكس فاكتور وكانو يقولولي انو صوتك جميل وانو مية بالمية راح يقبلوني في الاكس فاكتور عمري ١٨ سنة شعري لونو اسود واصل على نص الضهر عيوني لونها ازرق مايل على رصاصي احب البسس مررررة احب اللون الأزرق لانو لون البحر وأنا اعشق البحر احب أني اغني مع أي احد لكن ان شاء الله اغني مع مغنية أو مغني مشهور
اسمي ياسمين من استراليا انا وميار صحبات ما نتفارق مع بعض وكمان أيما صديقتي وأحبهم كلهم واعشقهم مررررة انا من استراليا لكن جيت لندن لسبب محزن وهو افتكر لمن (كنت انا و ماما وبابا في المطار عشان نروح البرازيل كنت بس اجري في المطار و ماما تجري ورايا وتقولي ياسمين لا تجري عشان ما تضيعي وبعدين لمن سوينا الجوازات ورحنا الصالة عشان نستنا الطيارة رحت قلت لماما ابغا أروح الحمام فرحت الحمام وهي جات معايا وبعدين لمن دخلتني الحمام خلصت وماما دخلت الحمام بعدي وقالتلي أستني هنا أو روحي عند بابا قلتلها انا بروح عند بابا وكنت قاعدة العب واستخبيت في الحمام وبعدين لمن خرجت ماما بدأت اجري لمحل الألعاب والعب بالأشياء وجريت لمكان مررررة بعيد وبعدين نادو وقالو ( الرجاء على جميع الركاب المتوجهين إلى البرازيل التوجه إلى البوابة رقم ٥ ) لكن ماما كانت في الحمام وبابا راح ركب الطيارة وماما طلعت مسرعة وحسبتني أني ركبت مع بابا وطلعت الطيارة وقاعدة تسألو وين ياسمين قلها مو كانت معاكي قالتلو هي قالتلي انو تبغا تروح عندك وقلتلها روحي وبعدين رحنا مسرعين عند الكابتن وقلنالو نبغا نرجع المطار بنتنا ضاعت هناك فما سمحلنا نخرج واصرينا انو نخرج من الطيارة لكنها أقلعت وأنا ضعت في المطار ولمن جيت أدور على ماما وبابا ما لقيتهم وكان عمري ٣سنوات بعدين بدأت ابكي ولا احد داري عني الا عيلة كانت مكونة من ٣ أفراد أم وأب وبنتهم وهي ميار سألوني وين أمك وأبوكي قلتلهم راحو وأنا ضعت بعدين راحو عند الشرطة وقالولهم وجو الشرطة عند ياسمين وسألوها وين ماما وبابا قالتلهم راحو وأنا ضعت وبدأت تبكي راحو قالولها عند خالة عمة جدة جدو قالتلهم لا ما عندي لا خالة ولا عمة ولا جدة ولا جدو راحو قالو للعيلة خلاص نحنا راح نوديها مركز للأطفال عشان خلاص ضيعت أمها وأبوها سافرو البرازيل حزنت العيلة وبدأت تفكر في حلول وهما قاعدين يفكرو كانت ياسمين جالسة على الكرسي قاعدة تبكي جاتها ميار وقالتلها ليش قاعدة تبكي قالتلها مافي ماما ولا بابا ايش أسوي بدونهم قالتلها خلاص انا معاكي لا تبكي قالتلها برضو هدولا ماما وبابا كيف اسيبهم وبدأت تبكي مسحت ميار دموع ياسمين وقالتلها خلاص ياسمين انا راح أقول لماما وبابا انو تكوني أختي وقالتلها ياسمين كيف؟ قالتلها ميار انا راح أحاول مع ماما وبابا بعدين راحت ميار عند أمها وأبوها وقالتلهم وفكرو بالموضوع وقالو خلاص لازم نربي ياسمين عندنا هادا آخر حل وبعدين أخدوني وربوني عندهم الين ما سار عمري ١٨ سنة وأنا وميار اقترحنا عليهم انو نروح لندن ندرس لانو استراليا ما فيها التخصص الي نحنا نبغاه ففكرو بالموضوع وقالولنا طيب وكان تخصصي في الرسم وكنت اعشق الرسم وكانو ماما وبابا وميار يشجعوني أني ارسم أحسن وأحسن وأخدت جوائز في الرسم وشهادات وأخدت المركز الثالث في استراليا على الرسم لكن هادا كلو كان وأنا عمري ١٠ و ١١ سنة لكن لمن كان عمري انا وميار ١٢ سنة رحنا لمدرسة تانية عشان مدرستنا هدموها عشان راح يبنو معرض ولمن انتقلنا للمدرسة الجديدة اتعرفت على أيما وكانت أيما هي أذكى وحدة فينا وكنا نمدحها كتير وكبرنا مع بعض الين سار عمرنا ١٨ ورحنا لندن مع بعض) لوني المفضل هو العسلي والليموني والسكري احب البس التنانير القصيرة وكمان انا اخطط في حفل تخرجنا ارسم لوحة كبيرة لميار ولوحة كبيرة لايما شعري لونو أشقر وعليه خصل بنية عيوني لونها عسلي فاتح مايل على الأخضر انا احب الاكل وأنا احب الدجاج مرررررة وما اقدر أعيش بدونو
