قسمه و نصيب

second part 2.....

كـلمت وقـالتلها ..
( تـعاليلي يـا يارا أنـا مخنووقه أوووى وإسـلام سـاب البيت ومشي .. تـعالى عـدى عـليا ننـزل نـرووح فى أى مكان .. أنا مش طايقه أقعد فـى البيت حـاسه إنـى مـخـنوووقه ومش مستحمله )

يـارا قالـتلها ..
(خلااص أجهزى وألبسي وأنا هطلع من الشركه عليكى ع طوول .. بس عوزااكى تبقى مززه وفُـكى بووزك كدا بدل ما هقولك خليكى أعده فى بيتك أحسن .. علشان انا مش ناقصه نـكد )

وفـعلاُ خلصت شغلها وعدت على #سـاره وخدتها عزمتها على الغدا ويـارا صممت تـوديها المطعم اللى كـانت بـتروحه دايماً هـى وإسلام جـوزها ..

سـاره فـى الأول كـانت مـتضايقه جـداً مـن المـكان .. ومـن الـخناقه الأخيره اللى حصلت بينها هى وإسلام ..
وبـدءت سـاره تـحكى لـ #يـارا على الحوار اللى حـصل وقـالتلها ..
( أنـا تـعبانه أوووى ومـخنوقه وحـاسه إن عندى أحـباط مـن كُـل حااجه .. بـقيت صـاحيه بفـكر فـى حـياتى لـما أسلام يـطلقنى .. وأنـام أحلم إنـه بيـتجوز عـليا .. بجد موضوع عـدم الحمل دا تـاعبنى أوووى وحـاسه إن حيااتى بـقت تـعيسه .. ودايماً خـايفه ومرعوبه ومش عارفه أتـعامل مع إسلام خاالص .. حاسه إن فى حاجه مابينا أتكسرت ومش هنقدر نـصلحها )

يـارا قـالتلها ..
( فـاكره الـمطعم دا يـا ساره .. لمـا جـيت أنـا ونور مـعاكى لأول مره عـلشان تـقابلي أسلام وتـعرفينا عـليه )
سـاره ردت .. ( أه طبعا فـاكره .. هى دى حـاجه تتنسي )

يـارا قالتلها ..
(طيب فـاكره بـقى أحـساسك يـومها كـان عامل أزااى .. فـاكره إسـلام كـانت ظروفه عـامله أزااى .. فـاكره لـما أعد يـتحايل علينا عـلشان نـقنع أهلك كُل مايجيلك عـريس نـطفشه .. فـاكـره لما أشتغل وأعد يـحوش ويـوفر فـى كل حااجه حتى الأكل عـلشان يـعرف ييـجى يـخطبك .. طيب فـكراه بـقى وهـو جـاى يـطلب إيدك مـننا علشان أنتى قـولتيله أهم حـاجه أصحابي يـكونوا موافقين )

سـاره .. ( أه فـاكره ياريت الأيام دى تـرجع تـانى .. كنا على الأقل مرتاحين ومبسوطين .. بس مفيش حاجه بـتدوم على حالها )

يـارا قالتلها ..(بت أنتى مـجنونه .. أنا بفكرك بالحاجات دى علشان تـعرفى إسلام بيـحبك أد إيه .. وانه عمل المستحيل علشان تتجوزوا تبقى انتى غبيه بقى إنك تكرهيه فى حياته معاكى بتصرفاتك المريضه دى وانتى عارفه انه عمره ماهيبص لـغيرك .. استهدى بالله كدا واعرفى ان كل شئ نصيب وان دا كله خير ليكى .. احمدى ربنا على أى حاجه ربنا كاتبهاالك .. وأفرحى وفرحى جووزك وبلاش تـضيعيه من ايدك .. يابت أستغلى عـدم الحمل وعدم وجود العيال فى حريتكم وسعادتكم .. شهيصى الراجل كدا بلاش غـم .. جتك نـيله هـفضل أعلمك كدا لـحد أمته )

سـاره قالتلها ..
( تـصدقى عندك حق .. والله انا بحب إسلام أووووى وواثقه انه بيحبنى .. بس خـايفه أوووى على حياتى معاه .. حاسه انها بقت علاقه مهزوزه وضعيفه وممكن اى حااجه تكسرها وتهدها .. بس أنا هحااول أنـسى وهحااول أفرح وأفرحه مـعايا وأعوضه عن كُـل حاجه رخمه عملتها فيه .. أنـا هكلمه لما أروح وأصالحه وأخليه يـرجع البيت )

يـارا .. ( أيووه كدا هو دا الكلام .. ربنا معااكى ومتكسفناش وتقلبيها نكد فى اخر السهره .. خلى بالك من سمسم بدل ما أزعلك .. انتى عارفه أنى بـحبه .. وعارفه وواثقه إنـك معااكى راجل بيحبك وكويس جداا ومـش موجود منه فى الزمن دا )
سـاره قالتلها .. ( خلااص يا بيبي متقلقيش أنـا هصالحه لـما أروح علطوول .. أدعيلي أنتى بس كدا )

يـارا ( بدعيلك يا اختى .. ومبشوفش منك دعا .. و أدينى قاعده فى أرابيزكم اهوه أما نشوف أخرتها .. نـفسي ألاقى الكائن العجيب اللى نـفسي فيه وبدور عليه من سنين .. بس خلااص فقدت الأمل )

سـاره .. ( لا يابيبي متفقديش الأمل .. وانتى كدا احسن من غيرك بكتير وأديكى شايفه نـور والى حصلها .. ربنا يرزقك بالجدع اللى بتتمنيه ياارب ويعوضك خير فيه )

وخـلصوا رغي مع بعض .. ويـارا بقت هااديه وخلااص نفسها تروح بسرعه علشان تـكلم إسلام تصالحه وخـلت سـاره تـوصلها ع البيت ع طوول ..

يـارا بـعد مـاوصلتها البيت أتصلت بـ .. وهزرت معاه شويه .. وقالتله ..
( بقولك إيه ياسمسم .. خلى بـالك من سـاره اليومين دول ونبي .. علشان البت على أخرها .. هى هتكلمك تصالحك دلوقت .. بلاش ترخم عليها وتضغط عليها اكتر ماهى مضغوطه ..
وبعدين ياسيدى بلاش القفش ع طوول كدا وتسيبها وتمشي .. حاول تطمنها بالكلام كدا ومتملش منها .. قـولها إن حياتكم كدا أهدى وأريح وعلشان ميجيش بيبي يشغلها عنك ولا يأخدكم مـن بعض .. أى كلمتين حلوين يعنى بلاش أستخسار )

أسلام قالها .. ( والله يا يارا انا بحااول اعمل اللى عليا بس هى مش مريحانى ولا مريحه نفسها .. بس خلااص ياستى هحااول اطمنها على قد ما اقدر .. بس بـجد انا خلااص قرفت وبقيت بكره اقعد فى البيت بسببها وبسبب نكدها .. كل شويه عياط وغـم ونكـد وهتطلقنى أمته يا اسلام ولو عاوز تطلقنى طلقنى يا اسلام .. واوعى تكون متجوز عليا يا اسلام .. اتجوز عليها فين ونبي دا انا اتجوزتها بالعافيه ..
بجد تعبت وقرفت واتخنقت منها .. خليها هى تـهدى عليا شويه بـقى ..

يــارا بقولك ايه .. انـا هقفل نااو ونتكلم تانى بقاا .. لان ساره على الويتنج معايا .. وارهانك انها اول ما هكلمها هتقولى كنت بتخونى مع مين يا اسلام .. ههههههههههههههه يالا سلاام يـا يوورا )

ونـكمل