ستكونين يوما ما لي !

ايما ثورن :

عمرها 19 سنه , شعرها اسود لنص ظهرها وعيونها سودا طويله ونحيفه كل من شاف جسمها قال جسمها تنفع تكون فيه مودل بس عمرها ماحبت تكون عارضة ازياء ,

ابوها مات من عمرها 15, البنت الوحيده ماعندها الا اخو واحد صغير عمره 5 سنوات , 

ابوها كانت تشوفه ابوها وحبيبها وصديقها وكل شي كان مغنيها عن كل شي وبعد وفاته ماحبت ولا اي ولد يعجبها لان مالقت الولد اللي يكون لها زي ابوها بحنانه وطيبته معها                      

طلبت من امها انها تكمل دراستها بلندن وامها مارفضت لانها تعرف وش كثر ايما تكره زوج امها ودايم بينها وبين زوج امها مشاكل 

لورا كيفن : 

عمرها 19 سنه , شعرها اشقر قصير عيونها عسليه فاتحه طولها عادي , صديقة ايما من عمرها 12 وهي اللي اصرت على ايما تجي تكمل دراستها بلندن , امها وابوها ميتين وهي عمرها

13 وماعندها اقارب لا من جهة امها ولا من جهة ابوها ولا عندها اخوان , لما ماتوا درست بمدرسه داخليه بلندن لين تخرجت من الثانوي سكنت بشقه واصرت على ايما تجي تسكن معها

#Ema 

اخخيراَ بروح اشوف لورا يالله وش كثر اشتقت لها !

ماما حبيبتي دوري لي اقرب حجز من امريكا للندن وانا بطلع للسوق ناقصتني شوي اغراض بروح اجيبها وبطلع مع صديقاتي 

" ابشري حبيبتي بس لاتتأخرين " 

كالعاده امي تقول كذا بس ارجع متأخر وأكل تهزيئه جميله بس هالمره رجعت وهي نايمه 

#ثاني يوم 

صحيت الصباح مبكر وفيني حماس غسلت وجهي ونزلت لامي لقيتها مجهزه الفطور افطرنا وسألتها متى رحلتي؟

" 1 الظهر باقي لك ثلاث ساعات تجهزي فيها " 

اغراضي وكل شي مجهزتها قبل يومين من الحماس دقيت على لورا ماردت رحت تروشت  وطلعت نشفت شعري وجهزت ملابسي اللي بروح فيها  

شفت جوالي لقيت لورا داقه علي مرتين دقيت عليها وقلت لها عن موعد رحلتي وسكرت منها عشان اروح اودع صديقاتي لاني رايحه لدراسه وبنفس الوقت بسكن مع لورا ولا راح اشوفهم الا في الاجازه