الحياه " لايمكن ان نفهمها لانعرف مايمكن ان تخبئ لنا
كنت اقرء قصص الاميرات ساندرلا الاميره النائمه واحلم باميري الذي سينقذني من جحيم الميتم ' وهم اخر من اوهام حياتنا الامير المنقذ لااحد باستطاعته انقاذك انت الوحيد القادر على ذلك هذا ماعلمته من تجربتي لاحكيها لكم قد لاتصدقونها لكنها واقع امراه عاشت بيننا
منى:اوووف اليوم شكد حاره
قمر:هههه شكد ماشتغلنا خرب اليوم الميتم صار يلمع وين جان قذر وهسه هيج صار
منى:الله ياخذ المديره ينطوها فلوس دتخلي عاملات ينضفن وتاليها اتذبها براسنه
قمر:عادي المهم هسه حيجون العوائل ايشوفون البنوتات الصغار تعالي نحضرهم خطيه بلكي وحده حضها زين وتطلع منا
لافين:ماما منى ماما قمر 😭😭😭😭
قمر:شبيج
لافين:ماعرف امشط شعري ومحد يقبل يسويلي ظفيره مثل مالتج
قمر:هيان اجيتج اني ومنى حنمشطلكم كلكم
منى:اني وياج هنا باقين سوه للابد
قمر:اووف الله كريم النه يوم ونطلع
منى:اني بس يصير عمري ١٨ اطلع مبقالي سنه وحده
قمر:وين تروحين هو عدنه مكان لو احد يقبل يشغلنه
امشي نروح للبنات بسرعه
قمر:لاعرفكم بنفسي انا طفله يتيمه سرق خالي اموال اهلي مني وتركني هنا بحجه ان والدي يدين له عمري١٧ اتيت لهنا منذ٩ اعوام انا ومنى اكبر اثنان هنا
منى:قمر يله بدلي وصلو الناس
قمر:اووف ماشي لبست فستان قصير ازرق وتركت شعري منسدلا نزلت ع الدرج
منى:طالعه تجننين
قمر:انتي هم تخبلين
منى:منيلي اني سمره وشعري مكفش هههه
قمر:اموت عليج 😘 ام كفشه
تعالي نوكف يم الجهال خطيه
قمر:كنت اتكلم مع الاطفال كلهم خائفيين وصلت عوائل كثيره لكن وصل شاب ومعه امراه كبيره بالسن نضر الي ثم ابتسم
منى:اووويلي شوفي الجمال
قمر:هذا شعنده هنا
منى:ماعرف بس شوفي فاتو لمكتب المديره اكيد لكو بنت يتبنوها
انتصار:(المديره) قمر تعالي المكتبي بسرعه
قمر:نعم ست " كان الشاب والمراه ينضرون لي لم ارتح لهم
انتصار: الحجيه ماعدها بس ولد واحد هو مهندس كيان
وراح يسافر بعد فتره ويريدون يتبنوج لان الحجيه حلمها يصير عدها بنت
قمر:واخيرا الحلم تحقق راح اتحرر موافقه ست
انتصار:الف مبروك قموره حجيه الخميس تاخذوها بس نكمل الاجراءات
