-لا متونسين كلش كلش
رامي : تينا شكو شتردين
تينا : انت واحد كذاب وتذكر من كلتلي ماراح تخليني وماراح تغيرني عليج هاي واشارت الى رانيا
رامي: تينا اني متزوج هسة وانتي مرحلة وعدت كم مرة فهمتج
تينا: لا يا رامي مو اني الي مرحلة وتعدي وتعرف انت كلش زين تينا شتسوي اذا ضاجت
رامي: تينا روحي منا لو انادي الامن عليچ
تينا: رايحة رايحا بس نهايتك ع ايدي ،قالت جملتها وذهبت
رامي: رانيا اسف والله بس هي تلحكني واكثر من مرة فهمتهة اني مااريدها
رانيا: رامي عندي ثقة بيك
رامي: فديتها لام جهالي تفتهم
رانيا
رامي: لتخليني اتهور اني بالسينما
رانيا: رامي خلي نشوف الفلم اشششش وقبلت خده
رامي: طبعا انتي الي متكعدين راحة وبعدين اتريديني اسكت
رانيا:
في العمل رن هاتف رامي
رامي: هلووو
تينا: هلووو قلبي
رامي: تينا كم مرة فهمتج اني، بلا حركاتج هاي
تينا: مشتاقتلك شأسوي
رامي: تينا
تينا: امممم زين تعال اليوم لشقتي ووعد اخر مرة ازعجك
رامي: مو فاضي للعبج
تينا: رامي تعال برجليك احسن ما تعرف شأسوي
رامي: ماشي ورة مااخلص شغل اجيج
تينا: اوك حبيبي اتفقنا
في اليوم التالي سمعت رانيا صوت طرق الباب وذهبت لتفتح الباب لترى من هناك ولكنها لم تاجد احد عند الباب وعندما اقفلت الباب سمعت صوت شي ما يجانب الباب ، كانت عبارة عن علبة صغيرة مكتوب عليها الى حبيبتي ...اخذت رانيا العلبة
رانيا: اوووي فديته لحبيبي ولمفاجآته وعندما فتحتها وجدت مسجل صوت وعندما فتحته سمعت صوت رامي وهو يقول: حبيبتي تينا اني كم مرة فهمتج مااحبها مااحبها لرانيا اني تزوجتها علمود مصلحة
تينا: لاه لااااا انت دايما تكذب علية
رامي: صدكيني مااحبها واني اتزوجتها علمود اخذ ميراثي
تينا: لا تكذب علية قبل گلتلي بس مجرد زواج ع ورف وهسة انتو فعلا متزوجين
رامي: يا حبيبتي يا تينا مو جدي ميقبل يسلمني الشركة الي بلندن الة من تكون رانيا حامل
تينا: لاه لااااا تكذب علية
رامي. انتضري هي كلها كم شهر ومن تصير حامل اخذ الشركة واعوفها هي وابنها واتزوجج ونعيش سوة اني وياج
تينا: صدگ ياعمري
رامي: وداعة حبي الج
تينا: اوك حبيبي راح انتضر بس اني اغار منها
رامي: انتي الاصل خلي تروح هي ، انتضريني كم شهر وراح اعوفه وارجعلج
تينا.: اوك حبيبي
صدمت رانيا مما قال ولم تتحرك من مكانها وكانها تمثال موجود على الارض بقيت لساعات مصدومة لكن صوت رامي ودخوله الى المنزل جعلها تفق قليلا من صدمتها
رامي: حبيبتي اني جيت
رانيا لم تتكلم
تقدم رامي منها وقال لها: حبيبتي بيج شي يوجعج شي
رانيا اشارت الى قلبها وقالت: هذا يوجعني ويوجعني هواية
رامي: اجيبلج طبيب يفحصج
رانيا: مرضي مايحتاج طبيب لان مالة علاج
رامي: مدافهم شي عليج
رانيا بصراخ: انت واحد حقير ، ليش ليش وضربته على صدره بكلتا يديها
رامي امسكها من يدها وقال: حبيبتي شبيج بس فهميني
رانيا بداءت بالبكاء وقالت ليش رامي ليش هيج تسوي بية اني حبيتك وانت وعدتني ووعدتني ماراح تخوني ولا تخذلني وين وعودك
رامي: لساتني عند وعودي
رانيا: رامي لا تكذب علية كافي ارحم روحك من التمثيل اني دريت عن علاقتك ويا تينا وعن كل مخططاتكم
رامي: رانيا فهميني لان مدافهم شي منج
رانيا فتحت التسجيل وسمعه رامي
رامي: والله مجرد كلام انتي متعرفين تينا وحدة مخبلة ومريضة نفسية واني اخاف عليها ، اخاف لتسويلج شي
رانيا: كافي كذب سمعت صوتها وصوتك من قبلتها لو هاي هم كذب
رامي: انتي فاهمة الموضوع كلة غلط هسة افهمج بس كعدي وارتاحي
رانيا: وخر عني ماريد افتهم شي ، وكل شي واضح بالتسجيل ، انت الي قلت الكلام لو لا ؟؟هذا صوتك لو لا ؟؟
رامي: صوتي واني الي قلت الكلام بس خليني افهمج
رانيا: اشششش ولا كلمة اخذت اغراضها وخرجت
رامي لحقها: انتضري مستحيل اخليج تروحين
رانيا: اي حقك متريدني اروح لان تخسر كل شي وكل اتفاقاتكم تخرب اذا اني رحت
رامي.: رانيا احبج اني ، وكل الاموال متعوضني عنج ، لم تستمع رانيا له ونزلت واخذت تكسي وعندمع ذهب ليلحقها في سيارته تذكر انه نسى مفاتيحه في الشقة فاسرع فالصعود وجلبها وشغل السيارة ولكنه فقدها وفكر بانها تذهب الى شقتها القديمة وذهب هناك
صاحب التكسي: الى اين تذهبين
رانيا: اي مكان لكن اسرع من فضلك
صاحب التكسي: لم افهم اي اوصلك يا سيدتي
رانيا: الى اقرب فندق
وبعدها رانيا حجزت غرفة في الفندق وعادت الى حياتها القديمة لكن مع يأس اكبر
رانيا كانت تبكي طول اليوم ولم تاكل اي شي فهي فقدت شهيتها في الطعام والحياة "امي اين انتي ، انا احتاج اليك ، امي حياتي اصبح حزينة مجددآ ، ها انا خذلت ياامي ، واعاني من جديد "
قضت رانيا خمسة ايام في الفندق وعندما نضرت الى الرزنامة تذكرت انها تأخرت عليها ، لا لااااا يعقل ان اكون حامل اخذت حقيبتها وذهبت الى الصيدلية واحضرت كاشف الحمل وبعدها تبين انها حامل.
رانيا"امي لماذا قدر لي ان اعيش مثلك؟ لماذا اكون ضحية مثلك ؟ امي حياتي رسمت لتكون مثل حياتك مع اختلاف الاشخاص والقصة ، امي انا قررت ان لا احب لكي لا اخذل وها انا الان مخذولة ومكسورة مجددا ، لماذا فعلوا كل هذا بنا ؟ لماذا لا يفكرون بنا ؟ ايستحق المال كل هذا كي يجرحونا هكذا ؟ اتعلمين يا امي انه ليس ذنبهم بل ذنبنا نحن من احببناهم ، امي انا اكرهك لان حياتي اصبحت مثل حياتك ، لانه احبني من اجل المال وسيتركني مثل ماتركك ابي ، ها انا حامل بطفل مثل ماكنتي تحمليني لكن انا سوف لا اكون مثلك ، انا سأخذ حقي وحق ابني "
في اليوم التالي ارتديت ملابسي وذهبت لكي انتقم منه لانني لا اريد ان ارجع لحياتي السابقة سأعلمه كيف يتعامل مع البشر ، وها انا الان امام الشركة التي كسر قلبي وكذب علي من اجلها
رانيا: استاذ رامي موجود
السكرتيرة: لا
رانيا: اريد اقابلة
السكرتيرة: هو اصلا ماموجود
رانيا: امممم وشوكت يجي؟
السكرتيرة: صارلة تقريبا ٦ ايام ماكو
رانيا: شكرا الج "اين ذهب لماذا اختفى بعد انت تركت المنزل ياترى هل علم جده وسحب منه كل شي ، اتمنى اي يفعل جده هذا بدون ان ادخل نفسي "
