كعدت الصبح عﻻصطوانه اﻻعتياديه نظفت وكملت اجت امي
امي:سوسو اليوم عدنا زواج صديقتي
سمر:ماجي
امي:غصبن عنج تجين حتى ام خالد راح تجي
الله ام خلودتي راح تجي
سمر:ماشي بس شلبس
امي:البسي اي شي من الكندور
واااااو سبحان الله يعني لوما امي جان يجوز لبست شي من الثﻻجه -_-
اتصلت بايمان تجي تسويلي مكياج ..اجت وسوتلي المكياج وبدلت طلعت حاته
امي:يﻻ سمورة راح يجي خالد
هﻻ بلحببب نزل من السياره ديسلم علينا فاني ودامشي عثرت وعما العماني وثول الثولي
خالد:الله الله نصى صوتة وثول الثولج خوما عميا
سمر(نصيت صوتي وكتله):وقزالقرط عود استحيت واتوترت
امي:يﻻ مشونا رح نتاخر
وصلنا للقاعه دخلنا كعدنا يم حماتي المستقبليه وجانت سهى وام سهى الله يشيلهم موجودين ..سمعت صوت بسم الله اااااخ قلبي عﻻ وام عﻻ
عﻻ:هﻻ ام السوس شونج
سمر:الحمدلله
اشرت ﻻيمان نكوم نرقص ردحنا ردح بلكت اعجب ام خلودتي اشو شوية واجت عﻻ دفعتني
سمر:ااااه شبيج متشوفين
عﻻ:اسفه حبيبتي بس اندمجت بﻻغنيه
رجعت كعدت
ام سهى:شكو كل هل ركص وين كاعدين بلمهى
ام خلودتي:ﻻ اصﻻ سوسو ركصها نازوك ويخبل
يمه يمه فدوة لحماتي
ام عﻻ:اصﻻ علوشة حافظة جزئين من القران وماتحب اﻻغاني
طبعا عﻻ ذبت لحم ماصاير هي وكرشها جنها موبايل هزاز
اجو قدمو اﻻكل مممم واخيرااا شي بي خير
دناكل شوية ردت استريح شربت ببسي
عﻻ:حبيبتي سوسو اذا متريدي اني اخلصه ..واخذت الماعون من كدامي زين ليش اخذتيه الطم هس الطم مااااا اريد اكليييي عااااااااا
ام سهى:علوش حبيبتي لتاكلين هوايه انتي ينراد تنزلين وزنج هياتها سهى كل اكلها زلطات
ﻻبله زين والماعون الممسوح كدام سهى منو مسحه
ام عﻻ:ﻻحبيبتي اصﻻ علوش جسمها متناسق ويخبل
طبعا امي صوت صرصور الليل يمها وﻻعبالك ديحجون
ام خلودتي:والله احلى جسم مال سوسو تخبل كامله ومكمله
هﻻ بحماتي فديتها وفديت ابنها وبتها
خلصت الحفله دنطي هديه للعروس جبنالها ليرة ذهب طبعا ﻻزم ام عﻻ وام سهى الله يشيلهم اكيد ﻻزم يكون الهم دور
ام عﻻ:اوي سوسو شكو جايبين ليرة هي شنو زواج لو وﻻده اني جبتلهم جرجف
هههههههههه جرجف مرة وحده واكيد من هذا المكتوب عليه احبك وبيه طيور الحب
ام سهى:ﻻ اني جبتلهم استكانات جاي
يعني عرسان جداد راح يشربون جاي مثﻻ اصﻻ كبل يطلعون من هنا لتركيا حظوظ عيني اني اذا خلودتي طلعني لراس الشارع يسوي انجاز
رجعنا للبيت كبل مانزل من السياره نزلت امي واني دنزل اشو خلودتي كلي لحظه لحظه طلع وفتحلي الباب عود رومانسي
سمر:اووووي شكد حلو من تصير رومانسي
خالد:وثول شنو رومانسي كلت افتحلج الباب وانزلج حتى لتنثولين وتكعين اعرفج عميا
سمر:مطي مو صوجك صوجي اني كاعده اتنعم
فتت وطبعا بلش التحقيق
احمد:وين كنتو
سمر:عدنا زواج
فاتن:الللله اليد اثير علوث
سمر:تلحكين تتصخمين
فتت عﻻوده نزعت الكعب رجيلا انهرسو نعلعﻻ ومسحت اللبخ وكبل انخمدت
والله ياخذ عﻻ وام عﻻ وسهى وام سهى وفاتن
ادعموني بﻻيك وكومنت
