Bəzən çarəsizlik alır qəlbimi,
Ən kövrək, ən zəif ürəyim olur.
Bu zalım həyatın zərbələrinə
Dözəcək ürəyim, necə bilmirəm.
Həyatmı güclüdür, yoxsa mənmi zəifəm?
Qəlbimi yıxır, məni bilmirəm.
Sevməkmi çətindir? Ürək, bilmirəm.
Bu həyat məni, sıxır dərindən.
Tək qalmış ürəklə yaşamaq olarmı?
Ümidsiz gözlərə baxmaq olarmı?
Sevərkən əzaba, qərq olan qəlbim,
Bu acı talehə dözmək olarmı?
