ما تجين !
بيه واهس مال شبگة
أرد اهدها بحظنج
واشبع حنين
ما تجين ... !؟
ارد اشبگج شبگة الفاگد أبوه
وامه يمه تخر ونين
ما تحنين ... و تجين !؟
والله مشتاگ إعله شوفج
گبال عيني يمرني طيفج
وأني أردد أصبر ... أصبر
ربك ويه الصابرين
هااا ... ما تجين !؟
والله حنيت لسوالفنه القديمة
الجان بيها 'حب ، عشگ ، ضحكة وغرام
وهسه صارت ذكرى أليمة
بلكي يسويها القدر
صدفة و تجين ...
ارد اشوفن رصعة خدودج ي هيل
ارد اشوف عيونج الحلوة و أعيل
أرد اشوفج
بيه لهفة 'شوف ...
لهفة أم متيها إبنها ....
وشافته من بعد غربه
و باسته من الجبين ...
ما تجين !؟
انتي وردة و هاوي أشم اني العطر
حسي بيه ضاگ خلگي من الصبر
ما تجين !؟ ما تجين !؟
بيه واهس سندباد
وذاك جتفه
الما تعب من ياسمين ..
