منّي إلك

Madeleine Absi May 13

هيدي وردة منّي إلك

لأنك بعيني الملك

روحي وطار فيّي

ع دنيي خياليّة

لون عيوني تغيّر شكلا

وصار الحلم بيلبقلا

والحب الغرّبني سنين

ناطر ومفكّر تخمين

إنّي نسيتو بالماضي

وإنّو نخلق ع الفاضي

... اخدني الليلة من ايدي

عيّشني بحالة جديدي

همسلي ع الهدا وقلّي

شوق بقلبو ما تخلّي

مشيت وع بابو دقّيت

كلمة وحدي ما حكيت

ستقبلني بلهفة وتنهيد

متل شي مولود جديد

قلّي ما فيكي تروحي

وتزيدي عمق جروحي

بدّي تقوليلي بحبّك

اومنّي بوسي ع خدّك

بإيدي دغري لمستو

بحبّك قلتلّو وبستو

غمرني بلهفة وحسّيت

بقلبو معمّرلي بيت

كتّر خيرك يا ربّي

تحقّق حلمي اللي تمنّيت.

Madeleine