Kung sasabihin kong mahal kita, magsisinungaling ako
Pero hindi ibig sabihin nito
Na hindi lumiliwanag ang mundo ko kapag
nakikita ka mula sa lungga ko
Na hindi bumibilis ang tibok ng puso sa tuwing
naaaninag ang ganda mo
Na hindi ko gustong punasan ang mga luhang
bumababa sa pisngi mo
Na hindi ko nanaising malunod sa mga titig mo
Na hindi ko pipiliing makasama ka sa tuwing may
oras tayo
Na hindi ko gagawin ang lahat masilayan lang
ang mga ngiti sa labi mo
Na hindi ako nasasabik sa mga salitang
lumalabas sa bibig mo
Na hindi ko naiisip kung ano ang ginagawa mo
kapag magkahiwalay tayo
Na hindi nababasa ang palad sa kaba kapag
malapit ka sa tabi ko
Na hindi sumasagi sa isip ko ‘Pano nga kaya kung
tayo?’
Na hindi nagiging bukambibig ang pangalan mo
Na hindi ko nanaising nandoon ka kung nasaan
ako.
Na hindi ako naiinip sa pagdating ng tamang
panahon na magkasama tayo
Dahil maniwala ka, nalilito din ako
Pagkat sa tingin ko nga ay mahal na kita, pero hindi pa yata sapat to
Gusto ko lang munang makasiguro dahil bago lang sakin ang mga damdaming ganito
Natatakot ako pano kung masaktan lang kita, iyon ang ayaw ko
Kaya sana di pa huli ang lahat dahil alam ko, malapit na ako
BINABASA MO ANG
AlDub Feels
FanfictionA collection of prose and poetry inspired by AlDub. Fiction lang to okay?
