هيلوووووو عاملين ايه يا بشر
______________________________
هاري: نايل نايل قوم ياض يلا
نايل: بس بقى يا ماما سيبيني نايم شويه
هاري: ماما مين يا روح امك قوم يا اهبل
نايل: مش قايم بقى
هاري: طيب انزل افطر انا بقى مع العيال
نايل : انت قولت فطار
هاري: اه يلا قوم بقى
نايل: طيب عشر دقايق و هقوم
هاري: ماشي
هاري سابوه و نزل للبويز زين بيسمع اغاني و ليام بيتفرج على التليفزيون و لوي بيقرأ مجله
لوي: امال المفجوع بتاعنا مصحيش ليه كدا انا هفطر مش هستناه لاني بصراحه جعان
*هاري بيقول لنفسه أما نايل مفجوع امال انت تبقى ايه*
لوي: بتقول بتقول حاجه اجحش انت
هاري: لا و لا حاجه احبيبي الوي
هاري: بس مش عارف الوي ليه الواد دا قالب على زين كدا ليه اليومين دول
زين بصوت عالي: مين دا ياض اللي قالب على زين زين مفيش حد بينام زيه
هاري: ايه ازيزو زين: انا مش قولتلك يلا متقوليش زيزو دي بتعصبني
هاري: ليه بس ازيزو
زين: انا هديك تلات ثواني تختفي فيهم من ادامي
هاري: طب و لو مختفتش
زين: متزعلش بقى من اللي هيحصلك
* وقام يجري ورا هاري لحد ما مسكه و هاري عمال يصوت و بيقول ل ليام يلحقه *
هاري: ليااااااااام الحقني
ليام: احسن تستاهل عشان تبقى تخوفني بالمعالق تاني
هاري: خلاص عبو شكلك لويييييي
لوي: لا مع نفسك مش انت اللي خدت الجزره بتاعتي يبقى تستاهل كل اللي يجرالك
زين: هههههه كلهم استغنوا عنك يلا بالشفا * وقام مديله بالقلم*
هاري: عااااااااا خلاص كفايه بقى * فلت من زين و قام يجري تاني و هو بيجري راح خابط في نايل*
هاري: يا حمار انت مش تحاسب مهو كدا هيمسكني
زين: هيمسكك مانا خلاص مسكتك اصلا
نايل: انا اللي احاسب دا انت اللي جاي عليا يا اهبل حد قالك تعدي من هنا و بعدين انت مش عايز زين يمسكك و ليه
هاري: مش وقت اسئله دلوقتي مش كفايه أن كل دا بسببك
نايل: ليه و انا عملت ايه
هاري: مش انت اللي مكنتش عايز تصحى
نايل: طيب خلاص اديني صحيت يلا بقى خلينا نشوف حالنا
زين: يا واد يا عاقل
نايل: شكرا شكرا لا داعي للتصفيق
هاري: اجري يالا من هنا احنا ناقصين اشكالكم على الصبح
* في ايه يا هاري أهدي على الواد شويه و بعدين أشكال ايه اللي مش عجباك دا نايل قمر*
زين: طيب يلا ننزل ل لوي و ليام
هاري و نايل: يلا
* رجعوا ل لوي و ليام لقوا لوي نايم و ليام قاعد بيقول حسبي الله و نعم الوكيل*
هاري: ايه يا عم بتحسبن ليه على الصبح
ليام: بحسبن عليكم انتوا التلاته
زين: ليه بس
ليام: عشان الواد لوي من كتر ما قعد مستنيكوا زهق و نام يا عيني و هو جعان و مفطرش و شكله مات و لا مش عارف حصله ايه
زين و هاري: ههههههههههههه
زين: طيب صحيه بقى عقبال ما اروح اشوف نايل بيهبب ايه في المطبخ
ليام: طيب
*زين راح ل نايل المطبخ لقاه واقف بيحسبن*
زين: يادي الليله اللي مش معديه
نايل: في ايه
* هاري سمعهم و راح يشوف في ايه *
هاري: ايه يا زين في ايه
نايل: و الله معرف انا كنت لسه بسأله
زين: انت كمان بتحسبن ليه يا نايل
هاري: يعني انت جايبني كل دا و واخد تاكسي عشان انت كمان بتحسبن ليه يا نايل دا انا تنقط يا زين
نايل: هههههههههه بحسبن عشان محدش عمل أكل في ام البيت دا انتوا عارفين اني لما بقوم من النوم ببقى جعان معملتوش أكل ليه
* نايل شويه كمان و هيقلهم معملتوش أكل ليه يا كفاااااار *
هاري: دا على اساس أننا خدامين عند اهلك
نايل: اه
هاري: طب و الله مانا عامل أكل شوف بقى مين اللي هيعبرك
نايل: لا لا خلاص انا اسف اهرهر
هاري: بس ياض بلا هرهر بلا زفت مش عامل حاجه انا لو عايز تأكل هات من برا بقى
نايل: تصدق صح طيب اطلع البس انا بقى
هاري: دا بدل ما تصالحني يا نايل يا ابن مورا
نايل: لا مش هصالحك يا هاري يا ابن آن
زين: و النبي هو دا بقى اللقب الجديد و لا ايه أي حد عايز ينادي على التاني يندهله باسم أمه
نايل و هاري: اه يا ابن ترييييييشاااااا
زين: و كمان بتردحوا طب كنتوا استنوا لوي كان يجي يردحلي بالمره
نايل: لا استنوه انتوا بقى انا نازل عشان افطر
و خلصت الليله على أن نايل نزل يجيب أكل و لوي عمال ينام و يقوم و محدش عمل أكل و شكلهم هيعملوا زي نايل و ينزلوا يجيبوا من برا
______________________________
بااااااااس كدا انا خلصت بس حد يقولي عايزني اعمل بارت تاني من الايماجين دا لما البويز هيروحوا يفطروا برا و لا لا يلا سلاااام
و على رأي هرهر
All the love . N ❤
أنت تقرأ
one direction imagines
Humorسامو عليكو انا بالصلاة على النبي كدا ناويه اعمل ايماجينز ل ون ديركشن عشان أحس اني عملت حاجه في حياتي بما اني مبعملش حاجه على الواتباد غير اني بقرأ مبكتبش اي حاجه
