نورس: هلاووو يا جماعه شلونك انشالله بخير المهندسه نورس وصلت
الام : هلا بالكتكوته
الاب : هلا بنظر عيني
نورس : الله يحفظكم اليه ... مامه اريد اليوم اطلع اشتري هديه لواحد ويانه بالكليه الباجر عيد ميلاده
الاب : ومنين تعرفين هذا الولد ؟؟
نورس : بابه هذا ولد اسمه تيم ويايه بالكليه هو الي دلاني بالكليه وو وين قسمي وكذا اليوم قبل لا اطلع كلي الباجر عيد ميلاده وعزمني واريد اشتريله هديه لان عيب اروح وايدي فارغه
الاب : اوكي بنتي اذا ضل وقت
الام : بنتي اليوم جايين خطابه عله اختج يمكن من انلحك
نورس : صدك والله اختي راح تزوج كلللووووش
الام : بعدنه كلشي منعرف عنهم بس الولد صيدلاني وهاهيه
نورس : مممممم انشالله عله خير وتكون سعيده بحياته
الام : انشالله
ذهبت للاكل الطعام الغدا ومن بعدها نظفت الهول والاستقبال واصبح العصر واتى الخطابه وكاد اختي تقع من الخجل
الام : نورس كومي شوفي اختج خلصت خلي تجي اتقدم الشربت وتعاي وياهه سلمي
نورس : حاظر مامه
الام : والله شرفتونه بجيتكم هسه تنزل ريم
ام امير : النه الشرف ام حمزه والله منلكه مثل اخلاقكم
نورس : هاا عروسه خلصتي تره الجماعه دينتظرون هذا الجمال
ريم : اكلج طالعه حلوه المكياج ظابط زين اوووف خايفه
نورس : اكوول هاي هيج اصير البنيه من يجوه الخطابه عيني سندس كلشي اوكي دنزلي عاد
ريم : اي ولج خاؤفه يله راح انزل تعاي ويايه استحي بالنبي
نورس : ماشي جايه بس اخذي صينيه الشربت من المطبخ
ريم : اوكي
نورس : خلي اخلي شويه كحله اشو شبيه محاطه شي
نزلنا انا واختي وعند دخولي للاستقبال النسوان كاعدين الرياجيل بس ابويه وابو الولد موجدين والباقين اخواني والولد واخو الولد بره المهم
ريم : سلام عليكم
نورس : سلام عليكم
ام امير : وعليكم السلام ورحمه الله وبركاته
ابو امير : وعليكم السلام
ام امير : ماشالله ملاك نازل من السما
ابو امير : اللهم صلي على محمد وال محمد
ام امير : منو العروسه منهم
ام حمزه : الي عل يمنه ريم وعل يسره نورس اخت ريم
ام امير : ماشالله سبحانك ربي ... عيني ابو امير صيح امير والولد خل يتفضلون خل نقره الفاتحه خل نستعجل شويه وين نلكه مثل اهل ريم
ابو امير : امير ابني تعال اتفضل ودخلو يا ولد
دخلو الاربعه وانا انظر اليهم اخواني اعرفهم بس امير واووو شكله مناسب ومناسب لشهادته واخوو !!! تيم لا يالله هذا شجابه هنا !! بس لا اخوو !! حظج نورس !!
دخلو جميعا ونظر الي تيم متفاجئ نورس !!! ولك هاي نورس خرب !! حظك تيم !!
جميعا سلام عليكم وردينا وعليكم السلام
واني دافكر يعني تيم اخو امير جيد ماشالله عليهم حلوين زين شبيه امهم اتخرع اسد هههه انجبي نورس هاي عمتج المستقبليه !! شنوو لا يا عمتي شسوي بيه هاي !! اسكتي نورس
اكملوا الخطبه وخرجوا الولد خارجا و خرجت اني واختي هم وياهم كعده شبابيه
حمزه : هسه امير و ريم الله يحفظهم للجميع انشالله
ريان : امين واشوف اخويه هم خاطب وريم هم
ريم : يعني انته متخطب مثلا
ريان : صدك جذب قبلكم اني هههه
امير : ريم حياتي كومي نتمشه اريد اتعرف عليج اكثر
ريم : اوكي تفضل
نورس (بصوت خافت ) : مستحيه اختي عساس
ريان (ديشاور حمزه ) :اكلك هذا من هسه حياتي لعد من يزوجون شيسون!!
حمزه : انجب خل يتعرفون اكثر لتطلع البلاوي بعدين .... اي تيم شتدرس وبيا جامعه وشنو قسمك وشكد عمرك عرفنهه عنك ؟
نورس : انهجم بيتي (بصوت ناصي )
تيم : اني ادرس جامعه تكنلوجيا قسم هندسه برامجيات مرحلى ثالثه عمري 21 سنه يعني مواليد 1994
حمزه : بجامعه تكنلوجيا حلو نورس وياك بالجامعه
تيم : اي اعرفه النورس وعزمته عيد ميلادي بس انصدمت اليوم من عرفته اتصير اخت خطيبه اخويه امير
حمزه : تعرفه !!! منين
نورس : حمزه دوخت الولد اسئل مامه وبابه همه يعرفون كايلتلهم
حمزه : خوش لعد عبالي سكته
ريان اكول ليش منطلع هسه بعده بال8 والجو حلو ناخذ العرسان ويانه ونروح لفد محل ايس كريم هااا شدكولون ؟؟
تيم ونورس وحمزه : اوكي يله نتوكل
نورس : اني اروح اصيح العرسان ماشي
رحت اتمشى وشفت اختي وامير متحاظنين والوضع رومانسي وعله غفله احد طخني اني عطت انداريت لكيت تيم
نورس : عااااااا ولك شدسوي اهنا ليش هيج فززتني
تيم : لا بس داشوف السياره البرازيلي وينه اشو ممغلفته
نورس : ههههههه بعدك تذكر لا هيج جنت داضحك وياك
تيم : طالعه حلوه
نورس: شنو !!
تيم : كلت طالعه حلوه بيه شي ؟!
نورس : لا عادي شكرا هذا من ذوقكك ... ريم امير يلا راح انروح شي غوستا يم الامير مول يلا
ريم : شدكول انروح ؟
امير : ييي خلي انشم هوا الله
ريم : اوكي صعدوو هسه احنه جايين
نورس : ماشي
امير : حياتي ريم اليوم كلش طالعه حلووه
ريم : حبيبي هذا ذوقك .. كول همزين محد عرف عدنه علاقه قبل جان ميوافقون
امير : اي همزين ... ا حبج
ريم :احبك ابو زعاطيطي
امير : اريد بوسه من هالشفه
ريم : ممممم استلم
امير : اووويلي
نورس : يلااا ريم راح نتأخر
امير : ولج امشي للنلكف
ريم : يلا بساع... اجينه
نورس : يلااا عاد
وصلنه لشي غوستا واكلنه موطا جانت طيبه كلش ومن بعده كلت لريم ندخل للهوم مال المول المهم رحنه علمود نشتري هديه لتيم فشتريتله ريحه وبلوز مرسوم علي سمايلات جان يجنن لونه عله رصاصي اامهم كلت غلفلي الغراض غلفه ورجعنه يم الشباب
تيم : شنو هاي الي بيدج ؟
نورس : شلك دخل جنت محتاجه غراض وشتريت
تيم : اي مو من تحتاجين غراض ادغلفيه مو
نورس : اففف اي هديه الك الباجر اشوفه
امير : تعرفون بعض !!؟
تيم : اي عرفته بالجامعه قبل يومين وجمعتنه الصدفه بالخطوبه مالتك وعزمته عله عيدميلادي الباجر بالكليه واريد الموجود هسه اهنا يجي مااشي
امير : حلو خوش شله صرنه ... انشالله اجي
ريم : اي كلش حلو .... اجي ويه امير
ريان : واني هم اجي
حمزه : اني هم اجي
نورس : اصلا اني رايحه رايحه
تيم : بس كل واحد ويجيب هديته ماشي
الجميع : منجي لعد
تيم : داشاقه عابتلكم
رجعنه بعدين كل واحد ابيته وبدلت وخليت راسي عل مخده جان ريم ادك باب الغرفه
ريم : نورس ممكن احجي وياج
نورس : اي عادي اتفظلي
ريم : نورس تيم يريد رقمج هسه كال لامير وامير كلي
نورس : لتنطي
ريم : ليش ولج هذا تيوم
نورس : واذا تيووم اني مااحب انطي رقمي لواحد .. كولي لامير نايمه ولتنطين حبابه
ريم : ماشي مراح انطي
طلعت ريم من الغرفه ونمت كعدت الصبح اتريكت بعدين بدلت لبست هدوم حلوه وشسورت شعري وحطيت كحله وشويه حمره ورديه ويه القميص طلعت فشي اجه ابو الخط صعدت ورحت للجامعه شفت زينب
نورس : هلو زنوب شلونج
زينب : هلا حياتي زينه وانتي هاي شطالعه اليوم
نورس : الحمدالله ... صدك طالعه حلوه؟؟
زينب : بمعنى الكلمه .... صدك انطيني رقمج وتره بس انتي الوحيده تعرفت عليج فمحتاجتج ويايه
نورس : اوكي ادللي سجلي ****** 07
