‪#‎chronique_sirina‬

‪
Episode 1 :

9esti fiha barcha wji3a w barcha dmou3 win ndour nekel kaf ama 3omri mafe9idit thi9ti b rabi w dima ken 3andi amel f ghoudwa
Bref , je m'appelle Sirine , manich bech nosfelikom rou7i , baba 3andou koucha w omi Allah yar7amha metet w hiya toulid fiya , 3icht ana w baba mastourin w hmd , baba ma3awadech 3aress w 3té 3omrou il kol leya may5ali maya3mali ken kol chay f 7yeti bouya w 5ouya w sa7bi 3zizii il ghalii 9arrani w waslni
lin walit b 5edmti w b karhabti
narja3 bikom 3amin il teli ....
Le 17/02 nhar 3id b nesbeya leya w habibi karim , 3ana tawa 6 snin m3a b3athna ne7taflou b ha nhar f nafs leblasa restau ***** w f nafs il wa9t 22H , ce jour là ken awel marra net9ablou fiha ana w yeh wa9tha na9raw ts les 2 ( houwa droit 7oulmou ywali ye5dem f niyeba w effectivement 7a9e9 7olmou w ana na9ra marketing ) , tt simplement ken coup de foudre !
f ha 6 snin 3icht a7la 9isset 7ob , ama 7ob damarnii .
Puisque c était un jour spécial 3malneh le jour de notre fiançailles w kima kol 3am mchina lil blasitna m3a 22H 3ala karhabti ili déja 3atiyetha il karim puisq houwa ma3andouch karhba w 5edmtou b kolha déplacement w ana kol marra kifech , miselich 3ala 5atrou kol chay yhoun , liltha kenit il deniya berda w il mtar tsob 5iret rabi w r3ad w brag :
- sirine ana ma3adech njem nkamel 7yeti bla bik , inti il hwé ili netnafsou , inti 3ineya ili nra bihom , ken inti tghib 3liya nmout sirine inti 7yetiii w 3mori il kol lazem n3arsou w nwaliw ta7t s9af we7id w na3mlou 3iltna il sghira yezina matawalna f periode il 5outouba , kol we7id ched 5edmtou
- ....
- sirine ! chbik ? t5ayeltikk bech tafra77 w tnagezz !! sirine !!
- .... manich msad9a hhhhhhh 9olt bech tzid twalha hh hmd lik ya rabiii , ey ey kenik 3liya il youm 9bal ghoudwa hhhh
- hhh habibtiiii rou7iii
w effectivement fexina date ba3d chahrin
t3adet a7la sahriya w makontich na3ref ili il lila hekki bech te9libli hyeti il kol
aprés 2 h rawa7na w be9i tsob , f theniya l'essuie glace ma7abouch ye5dmou :
- ana : ya walah 7al kifech bech nouslou w deniya hakka ??
- o93od lina 3zizti 5an nchoufhom m barra belik we7lin !
taka il karhba 3ala jnab w hbat w ndra fech 9a3d yebarbich hh
- oui kenou we7lin hh star rabi
- haya behi 5an raw7ou , baba min bekri w houwa yotlob
- hhh hekka kima kol 3am mayethana ken ma trawa7 l dar 5ayef la neklek ! hhhh
- hhhh
e7na ne7kiw w yji sémi kbir yzamer w mcha3il il far lin ma3adech nraw chay 3ada karin jbid il volant bech yb3id 3lih w opp ndra chenouwa tethrab fil karhba , tellement il deniya dhalma w mtar 9wiya ma3rafnech chenouwa therabna
9albi w9of w bdit nor3och w nmahmahmeh :
- ka..ka ..rim ka..ka ..rim f che..nou..wa thra..bna..... wa3lina ya rabi mayatla3ch 3abd ya rabiii
- osket ya sirine , mani nra f chay haw bech nahbit nchouf ya rabiii
hbat w nabah 3liya bech mana5latch wrah w ana win tal9awouni f ro3b kol chay 5tar f beli w bdit nhalwes 10 min t3adew kayenhom 10 snin w ana nestana w nd3i f rabi
- tla3 karim : hhh 7achek zebla hhhhhhhhhh
- hhhhhhhhhh hmd ya rabii walah 5oft 3al le5er hmd ya rabii mela chbik btit ?
- labes hmd , 93adet nthabit femechi 7ad........ama 9odem il karhba tethrab lazem tasli7a
- ahhhhh ....normal madem ma sar chay hmd nsal7ouha
m ghoudwa il sbe7 , karim hazeni m3ah w 9sadna rabi lel 5edma
il theniya ili t3adina minha il beri7 t3adina minha il youm ama 9ina il deniya melyena b chorta w il deniya 5aytha w il kraheb il kol wa9fa ili hetha ye7ib ya3ref chenouwa femma ??
hbat karim m karhba w mché lil pouliciya : ya 5ouya ! ya 5ouya ! karim **** m niyeba , tnajem tfasarli chenouwa sar !
- 3aselema sidi , il beri7 m3a nos lil sar accident tetharbit fih mra shgira fil 3mor 23 ans w il karhba ili tharbitha harbit w il mra meskina 9awha ba7tha il poubelle f tarf il kayes mdamdma il kol w mafe9 beha 7ad ken il sbe7 bekri 3ala 5ater lil w matar........
- ... Allahou akbar ya rasoulllah , Allah yar7amha ! w win wsoultou fil ab7ath ?
- mezelna nab7thou sidi
- ALLAH y3inik !
jeni karim w ana nestana f chenouwa sar w 7keli
- meskinaaaaa ya rabii ALLAH YAR7amha , lotf ya rabi lotf lotf , ya 7ar9it baha w omha
- oui , Allah yar7amha , haw bech nhez il karhba bech tetsala7 , chrayek ken nbadloulha il couleur mta3ha wela nbadlouha b kolha
- te7ki b jdik , ti ana il tawa n5ales feha w zid 9admin 3ala 3ers 3ana 7ajet ma'aham
-... mm
kamalna theniyetna w toul lil 5edma ili déja wsolnelha retard