#رواية_كن_لي
احلامنا بسيطة وجميلة لكن واقعنا يرفض تحقيقها ويجبرنا على الحزن والوجع والالم لكن لا ننسى بعد كل ضيق يوجد فرج. فقط علينا الصبر والدعاء ونثق بربنا وبأنه قادر على تحقيقها....
في الصباح
فهد : صباح الخير يمة
موضي: صباح الخير وليدي
فهد: عساج بصحة زينة ومرتاحة
موضي : ماارتاح الة تحققلي الي في بالي
فهد: يايمة انتي مامليتي كل يوم نفس الموضوع
موضي: ياوليدي اريد افرح بيك واشوف عيالك يلعبون حولي راح اموت وانت بعدك مامتزوج
فهد: اسم الله . جعل يومي قبل يومج. وان شاءلله افكر واردلج خبر
موضي : فهد واني امك مايصير تجذب علية
فهد: افا والله اني اجذب عليج
موضي : اي لان كل مرة افتح فيها هذا الموضوع وتكلي افكر ويا ولدي صارلك سنين تفكر
فهد: لا ان شاءلله هاي المرة راح افكر
موضي : ان شاءلله توافق وكون الله يهديك على بنت اختي الجوهرة
فهد: يمة اني رايح
موضي : الله وياك وليدي ودير بالك ع نفسك. الله يحفظك ..
عندما خرج فهد من المنزل وركب في السيارة
صادق( هو السايق فهد ): اسف بس بنتي اليوم اتأخرت عن المدرسة واضطريت اجيبها وياية
فهد: ولا يمهك يا عم صادق
صادق :تسمحلي بطريقنا اوديها لمدرستها
فهد: اي عادي
صادق : شكرا الك
فهد: ماكو داعي تشكرني وماسويت شئ انا
صادق: ميسم ميسم
ميسم : اممممم
صادق : ماشبعتي نوم ولساعج نايمة
ميسم : بابا والله ونعسانة رجعني للبيت
صادق : ميسم يلا نزلي على مدرستج
ميسم : اووووف ياربي يعني ميصير الواحد ينام
صادق : يلا حبيبتي واريدج عاقلة وتسمعين كلام ومشاكل ويا الناس ماريد ترا تعبت منج
ميسم : ترا اني الي تعبت منك كل يوم نفس القوانة شنو رايك لو تسجلها بمسجل احسن ماكل يوم تعيدها
صادق : اسجلها والله بس تاخذين بالحجي مو احجي منا ويطلعن منا
ميسم : ماشي ماشي ماراح اسوي اي مشكلة
صادق: يمة عفية ببنتي الي تسمع كلام. ديري بالج على نفسج بعد مااوصيج
ميسم : اوك اوك. وبعدها دخلت الى مدرستها
صادق : اعذرني يا وليدي ادري طولت بس بنتي هاي راعية مشاكل
فهد: هي بعدها صغيرة تكبر وتعقل ولا تهتم كل الشباب مثلها
صادق : والله كلها تعقل الا ميسم
فهد: لا تكول جذي يجي يوم وتعقل ولا تشيل هم
صادق : اني خايف عليها وايامي كلها كم يوم وتخلص وهي ماعدها غيري
فهد: افا عليك والله بعيوني اخليها انت بحسبة ابوي. ابد ماارضى ع هذا الكلام
صادق: الله يحفظك يا وليدي☺....
في الشركة
فيصل : هلا فهد
فهد: هلا والله تو الناس ليش هيج جذي متعب نفسك وجاي من وكت
فيصل : يا اخي مشاغل عندي
فهد: مشاغل لو مشاعل . احجيلي البارحة وين جنت
فيصل : رحت للشاليه
فهد: انت ماتجوز من سوالفك هاي
فيصل : لا مااجوز
فهد: تعال وقعلي هاي الاوراق
فيصل : بس توقيع تدلل من عيوني الاثنين
فهد: اي اانا اشتغل وانت صايع كل يوم مع بنية
فيصل : تعال صيع وياية منو مانعك
فهد: ع كلامك نهد الشغل ونضل نركض ورة البنات
فيصل : هو اكو احلة من البنات
فهد: كوم اطلع برا خليني اشتغل احسن مااسمع سوالفك
فيصل: رايح لمكتبي اذا حتاجيتني
فهد: يوز من السكرتيرة ولا تقعد تسولف معاها
فيصل : هي شلون سكرتيرة قمرررر يا ربي مو بشر
فهد: على مكتبك يلا فارقني ....
في طريق العودة رن هاتف صادق
صادق : الووو..... ليش شنو الي صار..... جاي اني كلها ربع ساعة واصل
فهد: خير عمي فيك شي؟
صادق : ميسم
فهد: : شفيها خير ان شاءلله
صادق : مسوية مشكلة وطالبيني في مدرستها
فهد: اذا جذي السالفة وايد سهلة
صادق : مليت من مشاكلها تدري هاي خامس مدرسة احولها الها
فهد: هي بعدها صغيرة وتعرف انت اليهال
صادق: اوصلك وارجع عليها
فهد: لا ماعندي شي انا. خلينا انروح لها وبعدها وصلني
صادق : لا يا ابني مااريد ادوخك وياية
فهد: احنا اهل ما فينا من السوالف هاي
صادق : الله يحفظك يا وليدي.
وبعدها اخذو ميسم من المدرسة وركبت السيارة
صادق: كم مرة فهمتج ماريد مشاكل
ميسم : واني شعلية هي شادة وياية
صادق : يعني المعلمة شادة ويياج وانتي مامسوية شي
ميسم : اي بالضبط
صادق : ميسم
ميسم : والله بابا ماسويت شي هي اصلا متحبني لان عراقية
صادق : يعني هذا السبب
ميسم : تدري عاد كلهم حقودين وميحبوني وخصوصا ذولة الكويتين
صادق : كافي كافي
ميسم : ليش اسكتني لان داحجي صدك. حقودين شكد اكرهم ماالوم ابو عداي عليهم
صادق : احم احم.
ميسم : شبيك بابا اختنكت هاك مي. حقك والله هو بس واحد يجيب سيرتهم يتعكر مزاجة
فهد :
صادق : ميسم و واشار لها بعينه
ميسم : بابا بيك شي اشو عينك ترمش
صادق : بس انت اسكتي مابيه شي
ميسم : ليش داسكت سمعت اخر نكتة
صادق: لا شنو هي سولفيلي
ميسم : هل تعلم ان عدد محلات الفلافل في العراق اكثر من عدد سكان الكويت
صادق : ميسم مو وقت نكت اسكتي
ميسم : لا لا اسمع النكتة الثانية يكلك اذا واحد عطس بالبصرة يصير زلزال بالكويت
صادق : مااريد اسمع شي اسكتي
ميسم : بس هاي النكتة
صادق : اشش كلشي مااسمع منج ................
صادق : شبيج نزلتي على الكويت نسيتي فهد كويتي
ميسم : مادري نسيت
صادق : شكد اشرت واحم احم وانتي منطلقة ولا تسكتين
ميسم : ديلا شسويلة وبعدين هي نكت اني مااقصدة
صادق : ميسم مشاكل ماريد
ميسم : اوك اوك وعد وعد ماكو مشاكل بعد
صادق رايح انام اني وكعدين ع اذان العصر
مسيم : نوم العوافي يا احلة بابا بالدنية
مسيم بنوتة عراقية ابوها بعد وفاة امها اخذها وسافرو لدبي وهو يشتغل حاليا سايق عند فهد
ميسم عمرها ١٧ بس دايما تسوي مشاكل ولانها حلوة اغلب البنات يغارن منها ويبدو بالمشاكل وياها ...........
موضي : هلا يمة تعال سلم ماكو احد غريب هي الجوهرة بنت اختي
فهد: هلا اختي شلونج
الجوهرة:تمام وانت كيفك بس بلا اختي لان انا مو اختك
فهد : يمة اني رايح لغرفتي.. وبعدها ذهب فهد
مسرة : شفتي خالتي يكلي اختي
موضي : ميخالف يمة هو يستحي
مسرة : يعني مافي شي غيرها
موضي: لا مافي شي اطمئني وفهد الج ومستحيل يصير لغيرج
" مسرة بنية مصطنعة عمرها ٢٧ سوت اكثر من عملية تجميل سوت لوجها وملابسها ضيقة جدا وشعرها صابغته اصفر ومكياجها كلش طوخ ومن تتكلم تسوي نفسها دلوعة "
ميسم : بابا حبيبي يلا اكعد كمل عشة. بابا بابا. لكن والدها لا يجيبها. بابا ليش متجاوبني بابا بابا لا تشاقة وياية ويلا رايحة اصب العشة وانت الحكني. ذهبت بعدها وعادت بعد ٥ دقايق يلا بابا كوم ترا الاكل راح يبرد ومابيه احميه الك. لكن ايضا لم يجيبها.... بابا صاحت بصوت عالي تقربت منه ورئت انه لا يتنفس بدأت بالصراخ والعياط لكن لا احد حولها ولا تعرف ماذا تفعل لذالك اخذت هاتف والدها واتصلت على اول رقم في سجل الاسماء
فهد: الووو
ميسم : تعال بسرعة بابا مات هى هى
فهد : شنووو
ميسم : بابا مديجاوبني عفية تعال بسرعة
فهد شغل سيارته وذهب اليها لكن توقف في منتصف الطريق.. لانه لا يعرف بالضبط اين تسكن لذالك عاود الاتصال بها واخبرته عن مكانها وذهب اليها وبعدها اخذو صادق الى المشفى لكن اخبرهم الطبيب انه ميت وبعد ذالك بدأت مراسم الجنازة ودفن والدها..
" بعد وفاة والدها. صبا بقيت وحدها والمصائب كانت تأتيها من جميع الاتجاهات."
هي لا يمكن ان تسكن لوحدها في مثل هذا العمر وكذالك تحتاج لشخص لان اقامتها انتهت لذالك اخذها فهد لتعيش معهم.
موضي : يا ابني مايصير تجيبها لهني وتعيش معانا
فهد: يمة ياهل هي وكلش صغيرة وابوها صادق ولا تنسين هو موصيني فيها
موضي: خلي تسكن في الملحق مع الخدم
فهد: يمة اني ادري بيج حنونة وبعدين خلي اييبها واذا ماحبيتيها اخليها بروحه وكتها
موضي : ميخالف يمة روح يبها
فهد احضر ميسم وادخلها المنزل
موضي: هلا يمة تفضلي
ميسم : هلا بيج
موضي : فهد وصلها ع غرفتها
فهد: اخذها الى الغرفة
ميسم :
فهد: هذي غرفتج وراح تسكنين عندنا
ميسم : بس انا ابي ارجع شقتنا
فهد: مايصير تسكنين لحالج
ميسم : اريد ابوية عفية رجعلي ابوية
فهد: الله يرحمة هو بعد مات وانتي لازم تندعيلة الله يغفر له
ميسم :
بعدها تركها في الغرفة وغادر
فهد: يمة حالها يكسر الخاطر
موضي: اي يا ابني مالهة احد بالدنيا غير ابوها
فهد: يمة اوصيج ديري بالج عليها. هي وصية المرحوم
موضي: ماكو داعي توصيني. ذكرتني في ختك
فهد: الله يرحمها
موضي: مسكينة اروحلها اكيد محتاجتني
فهد: ياريت والله واني رايح للشغل
موضي: الله معاك .....
