بتعشق الورد الموجود بالشام بس ! ومابتقبل بغيرو :/
عجيبة ، جربت اضحك عليها بيوم واجبلها وردة من منطقتنا بس كشفتني ! ماحبتها بدها ورد الشام !
كيف بتميزو ، وكيف بتحس انه مش شامي لهلا مابعرف !
انا ابن القدس الي وقع بغرام بنت الشام ، تربيت بسوريا وعشت كل حياتي بسوريا !
فاقد أهلي ماعندي غيرها ( ليلى) هي اهلي اخوتي وكل دنيتي !
بنطلها كل صبح قبل لتروح جامعتها وبعطيها وردة شامية ، صارهالشي روتين @_@
-_- بطرق مشوار منشان وردة !
******
_ صباح الورد
_ حبييبي صباح النور ♡
_وهي احلى وردة شامية لاحلى بنت بكل سوريا ♡
_ انا صباحي ازا مابلش فيك مابكون منيح يومي ، بحزرك اوعك تغيب او تتاخر -_- ﻻنه وقتها احلى بنت بسوريا بتصير اقوى مصارع بسوريا !
_ عمي جون سينا امرك ♡
عندها جامعة من ال 12 لل 4 ، بقضي هالوقت بالشارع استناها ، انا ماكملت تعليمي ^^ الحال على قدو بس الحمدلله وردتي بتدرس والنقص الي فيي هي بتكملو ♡
بغار وقت الي بشوف الشباب فايتة وبصير افكر هاد شافها هاد ضحكلها بكون نفسي افوت اقتل كل شباب الجامعة وبناتها وتضل هي لحالها تدرس ♡
بنص تفكيري بوصلني مسج منها
" بحبك إنت وبس ♡ "
مش بحكيلكم مش طبيعية ! بتحس بأشياء غريبة ! معقول قرأت أفكاري ؟
****
واقف بأمان ربي ، ﻻسمع صوت انفجار شو القصة شو بصير !
وقع قلبي وركضت للبوابة بدي اشوف وردتي هي منيحة !
لقيتها واقفة وعيونها دموع ، بدون تفكير حضنتها قلتلها انا معك انا معك !
_شو الي بصير ؟ شو هالصوت ؟
_ مابعرف حبيبتي يمكن تدريب !
_ خايفة :'(
_ انا معك
****
اخدتها ورحنا لنروح ، وقفونا بالطريق لياخدو هويتنا !
عرفت وقتها انه مش تدريب عسكري ، ثورة شعب !
سكتت وخبيت عليها ، مرقنا على خير :/
كنت خايف طول الوقت عليها ، هي بتخاف من اﻻصوات العالية والدم والعتمة !
وصلتها للبيت ، وحكتلي انه بكرا ﻻزم تروح للجامعة بكير على ال 10 ، واتفقنا نروح مع بعض ♡
وكالعادة ﻻزم وردة شامية ، بس هالمرة وجعتني الشام !
كنت افوتها بدون هوية ، ادخلها كاني رايح لغرفة تانية ببيتي ! تغير الوضع
الشوارع ملياتة هتافاات عالية منهم ضد ومنهم مع !
وشوي وصار كمان انفجار بس هالمرة وسط الناس !
اﻻم يلي بتركض بوﻻدها ، اﻻب الي رايح لشغلو ، والي راجع من شغلو حامل لعبة بايدو لبنتو عليها قطرات دم !
مرقت ع خير ، هيك سمعت الختيار الي جنبي بيحكي " مرقت ع خير " عرفت انه بالمرات الجاية مارح يمرق شي ع خير ♡
قطفت وردة من الشام ﻻعطيها لوردتي اخدت وردتين وردة اليوم و وردة لبكرا ! صارت الفوتة بتغلب ♡
اعطيتها الوردة وكانو عيونها مليانين دموع !
_ شوفي مالك ؟
_ وﻻشي
_احكي مالك !
_ رح اخطب وانا مابدي غيرك مابدي غيرك !
_ﻻتخافي بحلها ، هي وردتك
_ حتى الوردة زعلانة شوف كيف دبﻻنة
_ هي الوردة زعﻻنة ع مين ؟ علينا وﻻ ع الي بصير !
_ شو هو !
_ وﻻشي ، انتبهي ع حالك هي الفترة الوضع مكركب بالبلد
_ بعرف !
***
صار ﻻزم اتقدم الها ، رحت لبيت ابوها ♡
بسوريا كل بيت هو بيتك ، مافي عندهم انت ابن مين او انت مين ،
مادام صرت ببيتهم يعني انت منهم وﻻزم يحترموك لو كنت عدوهم ، شعب من الجنة ♡
_ مرحبا عمي
_ اهﻻ ابني تفضل
_ انا الي عندك امانة وصار الوقت ﻻخدها
_ شو هي ؟
_ انا ادم ، مابدرس ، مالي ع قد حالي الحمدلله مابقطع فرض ، رايد بنتك بالحلال ♡
_يا ابني مش اﻻصول اهلك يجو بهيك موقف ؟
_ صح ، بس انا اهلي اعطوك عمرهم
_ شو بتشتغل ؟
_ شغلي اني اسعد بنتك هاد اوﻻ ، وتانيا بشتغل بمكتبة موظف !
_ انشالله خير انشالله خير
****
هزت راسو ماطمنتني ، تقدملها عريس بسيارة وفلوس ودكتور انا وﻻشي جنبو وﻻشي !
توقعت الرد او عرفتو الجواب " ﻻ الله يبعتلك نصيب تاني "
رحت ﻻجيب ليلى من جامعتها ، وتفكيري برد ابوها خايف ! معقول يوافق بس مين انا ليوافق !
**
رنت وردتي
_ الو ( صوت رجال )
_ مين معي ؟
_ بتعرف صاحبة التلفون ؟
_ وينها فيها اشي ؟
_ هي بالمستشفى تعا .
صرت امشي بالطريق مش شايف قدامي دموعي كل مابمحيها بترجع اقوى كل مابشيلها بترجع !
وصلت لعندها !
بالتخت وراسها ملفوف بقماشة بيضا ، ايدها بترجف ، وعيونها دموع !
جسمي وقف صار زي الصخر مشيت لعندها وركعت عند رجليها ، مسكت ايدها باردة خبيتها ﻻدفيها ♡
مسحت دموعها وضحكتلها !
_ كان الصوت عالي ، وانا خفت ماعرفت اتصرف ركضت بدون ما انتبه
_ ششش خلص ﻻتتزكري مرقت ع خير مرقت ع خير
_ كنت خايفة ما اشوفك
_ معقول ما تشوفيني ومين بدو يجبلك ورد شامي غيري ، ومين بدو يتحمل زناختك غيري ! ومين بدو يسمع صراخك غيري !
_ ولى انا كل هاد -_-
_ واكتر ياروحي واكتر هههههه
