بعد مرور كم يوم عهالحادثة زوجي فاتحني بموضوع دايما كان يطرحو علي
- انا اسف ياروحي انت زعلان مني؟
: لا .. مابزعل منك.. هاد حقك ..
- طيب هات بوسة
: *قربت وبستو*
- صحيح حبيبي ايمت رح نعمل العملية؟
: *سكتت*
- شو ؟ لسا مابدك؟؟؟
: مبلا اكيد بدي ..
- بس شو؟
: انا خايف شوي ..
- لا تخاف ياروحو العملية سهله وكتار بعملوا..
غباء اني وافقت اعمل العملية صح.. اصلا مافي رفض عند زوجي متل مابتعرفو .. حكيتلكن من قبل كان دوم يجيب سيرة اطفال وحمل .. هو بدو ياني ركب رحم مشان احمل منو.. هو بدو الرحم بس مشان يتاكد اذا رح احمل من غيرو او لا.. لا عيلة ولا بطيخ و اطفال بهمو.. بهمو حالو بس
بعد شهرين عملت العمليه.. وركبولي شي جواتي.. كنت عم ابكي كل يوم بهالشهرين.. من سنتين وانا برفض هالفكرة ، بس من هديك المشكلة انا ماعاد اقدر ارفض اكتر .. بدي عيش بسلام لو يوم واحد .. جبلو ولد يمكن يرجع معي متل قبل.. تعايشت مع هالرحم على امل يكون باب لحياه احسن.. قررنا بعد فترة اني جبلو ولد ، رحنا عالمشفى وعملنا كلشي بيحتاجو الموضوع، وفعلا صار في جنين عم يكبر جواتي، كان عمرو شهرين وقت تاكدت انو هو موجود .. كتير نبسطت لما حكولي انن توام .. وكتير نبسطت انو حياتي رح تتغير .. ماعرفت كيف احكيلو .. روح عمكتبو ولا استناه يجي.. قلت بستنا بالليل لاحكيلو.. واجا اخر ليل بعمري ..
اجا زوجي حبيبي وهو سكران ومعصب ، كان خسران صفقة كبيرة ، واول ماشافني قدامو صار يضربني.. وكاني انا السبب بكلشي ، رفسني عبطني وعضهري وشلح حزامو وبلش ضرب ، ماتحملت واول مرة بصرخ بوشو
: وقف انا حامل لاتضربني
ماوقف كمل.. ماسمع!! معقول؟؟ صرت صرخ وابكي
: انا حامللل انا حامل
: هن توام
: وقف رح ينزلو حرام عليك
: عم قلك انا حاملل
ماسمعني كمل .. لحتا هدي تركني وراح.. عالارض عم اتلوى من وجعي .. حاولت قوم ماقدرت .. بطني بوجعني كتير مابعرف شو صار في دم عالارض، والباب عم يندق بقوة، مين جاي بهيك وقت.. ماقدرت اتحرك، نفتح الباب بالقوة ، جيراني اللطيفين متجمعين ، هن سمعو صراخي وعرفو بحملي بس زوجي مانتبه، صراخ وخناق وناس عم تحكي وناس عم تبكي ، سالوني اذا انا منيح ، هزيت براسي، نتبهو عالنزيف بس ماقدرو يعملو شي ، اتصلو عالاسعاف بس زوجي قلعن من البيت بوقتا وشحطني للقبو وقفل الباب ، تركني جوا انا وولادي .. تركنا بمكان بارد كتير ، عرفت هي اخر لحظات حياتي .. وعرفت حبي لالو قتلني وقتل اطفالي.. بكيت لاخر مرة بعمري .. ضميت بطني وقلتلن لايبكو .. هن ساعتين ورح نروح لعالم تاني .. حتنطفي الشموع وحينطفي كلشي .. مارح نحس بهالبرد .. رح نروح مكان مافيو هالاب الظالم ، عمكان مافيو ظلم ابدا..
أنت تقرأ
حبيتو اكتر من حياتي
Short Storyحبينا بعض لدرجة الجنون .. قبل زواجنا كانت علاقتنا من احلا مايكون .. حاربت كرمالو كتير .. وخسرت كلشي مشان نبقا سوا .. وفعلا تزوجنا .. وياريت ماتزوجنا ..كل النعيم تحول .. بس مو لجحيم .. لانو اكيد الجحيم ارحم من هيك بكتير ')
