عٌمًرهّ خِـسِـأّرهّ أّلَمًيِّقُرأّهّـأّ
_ #اتصلت عليه امه
#هو :- الو
#الام :- هلو احمد حبيبي انت وين؟؟
ملامحة تغيرت وضاج
#هو :- شنو تردين يمه انا راح اطلع ..
#الام :- ماشي حبيبي بس العلاكة ثكيلة تعال وصلني للبيت وبعدين اطلع براحتك
#هو :- انا ما فارغ يمة وعندي موعد مهم
#الام :- الله لا يعوزني الك مع السلامة
#هو :- مع السلامة
وسد تلفونه ويه امه ودگ تلفونه مره ثانية وطلعت #حبيبتة فرح وجاوب بكل سعادة
#هي :- حبيبي
#هو :- يا روح حبيبك
#هي :- ويامن جنت تحجي انتظار لگيته
#هو :- جنت احجي ويه امي
#هي :- اكو شي صاير ؟؟
#هو :- مو هيه بالسوگ ومسواكه هواي وتريدني اروح اوصله للبيت
#هي :- وراح تروح ؟؟
#هو :- لا طبعا #ياگلبي ربع ساعة واجيج
ولبس ملابس الطلعه وطاير من الفرح لان راح يشوف حبيبته و#فجأة رقم امه اتصل مرة ثانية
#هو :- استغفر الله شنو تردين انا مو كتلج ما اجي
#صوت غريب يحجي بالتلفون مو صوت امه !!
#الغريب :- السلام عليكم حظرتك تعرف صاحبة هذا الرقم ؟؟
گلب راح يوگف من الخوف ودگات گلبة صارت سريعة اي اي هذا رقم امي شنو صاير احجي ؟؟
#الغريب :- والدتك سوت حادث وهي حاليا بالمستشفى واحنه لكينه رقمك اخر رقمه حاجيه وياه ومسجلته ابني
#هو :- 10 دقايق واصير يمك !! سدت التلفون وهو مخنوگ والدمعه تصرخ بعينه ويتمنى يطير علمود يوصل للمستشفى
وصل للمستشفى ودخل مثل المجنون يدور ويسئل عنه امه
لگاها متمدده ع السرير وكله دم وبانفاسها الاخيره
#الام :- انته اجيت
كتلهم لحد يكلك علمود لا تخاف يا حبيبي انا بخير وهو يصارع دموعة
#هو :- اي يمه بخير والله وراح تصير احسن بعد
#الام :- ليش ما اجيت وصلتني يا كلب كنت راح اسويلك اكله انته حلوه انته تحبها
#هو :- كافي يمه الله يخليج الي انتي مابيج شي وراح تگومين بالسلامه وتسويلي احله اكل
#يمــــــه #يــــــمـــه
ما ترد عليك خلاص هيه راح لديار الحق ادعيلها بالمغفره وصلي لها
انهار وكعد يصرخ بنص المستشفى والناس تلزم بي كافي ابني البقاء لله
#هو :- لحد يگلي امي ماتت امي عايشه ما ماتت وراح لمه حظنها
يمه انتي عايشه صح انتي تسوين هيجي بتقلقيني والله ما راح ازعلج مرة ثانية بس گومي وياي عليج الله گومي اني احمد حبيبج ابنج خلينه انروح البيتنه وخليني اسكن بحظنج يمه جني طفل صغير انا ادري انتي تختبري حبي الج والله احبك والله گومي يمه يله گومـــــي والناس والدكاتره يجرونه منها وهو انهار ما مصدگ انه امه ماتت انه الي عصب عليها قبلها بساعه امه الي رفض يوصلها ونزل بسرعه علمود يلحگ ع حبيبته
ياريت نعرف قيمتهم قبل لا نندم
الله يحفظ امهاتنه ويرحم الاموات
#النهايه
