ميمونة: تبارك شبيج
تبارك: مقهورة
ميمونة: من شنوو
تبارك: يزن ابد مااتوقعته يعوفني
ميمونة: غير انتي زودتيها وياه
تبارك: شسوي غبية غير
ميمونة: باعي هو يحبج واذا حاولتي وياه راح يرجعلج
تبارك: كرامتي ولج
ميمونة: ماكو شي اسمة كرامة بالحب
تبارك: افكر بيها
ميمونة: يلا اني اروح لام يارا علمود تعلمني كم شغلة
تبارك: الله وياج .......
في منزل ام يارا
ميمونة: السلام عليكم
ام يارا: وعليكم السلام جيتي بوقتج
ميمونة: خير يارب
ام يارا : تلفون يارا بيه صوت ومدعرف شسوي
ميمونة: انطيني خلي اشوف . بس اتوقعت اخذت الفون وياها
ام يارا : لا اخذتة منها اني بس من كنت انضف ومادري شدست وصار بيه صوت
ميمونة : فاتحة برنامج بدون متدرين وهسة اسوي الج
ام يارا : يلا انتي سوي التلفون واني راح اجيب القراءن واجي
ميمونة : اوووك
اول مافتحت الهاتف وجدت رسائل من بيداء كانت الرسائل غريبة جدا قرئت بعضها ولكنها لم تفهم شيآ لذالك نسخت الرسال وارسلتها من خلال الجميل
قبل ان ترجع ام يارا وبعدها اعادت التلفون بعد ان ضبطتته
ام يارا : بنتي اذا تعرفين قفليه
ميمونة : اوك عمة
ام يارا : تعالي اليوم اشرحلج صورة البقرة
ميمومة : يلا عمة
ام يارا : وحفظي كم جزء اذا كدرتي
ميمونة : ماشي عمة ........
عندما وصلت الى المنزل كان الفضول يقتلها لذالك ذهبت الى غرفتها مسرعة وبداءت تقرا الرسايل وكانت مصدومة جدا لم تعرف ماذا تفعل وضلت تفكر طول الليل .....
في الصباح
ميمونة: بابا محتاجة احجي وياك
رضوان: ماشي قلبي بس مو هسة لان عندي شغلة ضرورية
ميمونة: بس بابا شغلة مهمة
رضوان: عيون ابوج احجي ويا ام تيم او اتصلي على يزن
ميمونة: اوك بابا . الله وياك ودير بالك على نفسك
رضوان: ماشي حبيبتي ومن نرجع نحجي
ميمونة: امووواح يلا لتتاخر ......
تبارك مع ميمونة
تبارك: شسوي هسة
ميمونة: بشنووو
تبارك: صارلي ساعة شلغي اني
ميمونة: مو وياج دايخة بشغلة
تبارك: اووف اروح للبيت احسن انتي ماادري شبيج . يالله منسطرة انتي حتة متجاوبين . واتوقعتج راح تفرحيلي بهذا الخبر
ميمونة: هااااا
تبارك: اروح لبيتنا احسن ماانجلط ...
في منزل سارة
ام مصطفى: عيني ام سارة احنا جاهزين لكل شي وحتى مصطفى يريد يتزوج واي شروط عدكم كلها مقبولة بدون استثناء لان لو نفتر الدنيا كلها ماراح نلكي ناس طيبين مثلكم
ام سارة: والله اهم شي عدنة اتكمل دراستها والاهم من هذا هو اديرون بالكم عليها وهي الحمدالله ماناقصها لا لبس ولا ذهب . المهم عدنا الستر وانتو عائلة راقية ومحترمة واصدقاء العمر
ام مصطفى: لعد باجر نعقد مهر سيد
ام سارة: هي بنتكم بعد صارت
ام مصطفى: بعيوني اخليها ........
في المساء
ميمونة: تيم اريد احجي وياك
تيم: خير
ميمونة: هاك اقرة هاي الرسايل
تيم اخذ الهاتف وبدا يقرا ...
تيم : خوش نكتة منيلج هاي ؟
ميمونة: البارحة جنت بيت ام يارا وشفت الفون ولكيت الرسايل
تيم: وشيسون بتلفونج هااااا ؟
ميمونة: نقلتهن لان مامرتاحة ليارا اني
تيم: حقارتج وخباثتج خليها لنفسج فاهمة وهذا الفلم الهندي ابد ميمشي علية
ميمونة: يعني مامصدكني ؟؟
تيم: انتي وحدة جذابة وهذا ملعوب من العابج
ميمونة: والله هذا الي لكيتة بالفون مال يارا
تيم: خططج سخيفة ترا وحتى يجوز انتي مسوية هذي المحادثة . لان اخر فترة كل يوم ببيتهم تروحي وهي ماموجودة واستغلتي الوضع
ميمونة: شوف الي علية كلتة وانتي كيفك اتصدك او لا
تيم بدا يصرخ : طبعا مااصدك وحدة مثلج لانج حقيرة وحقودة وتحبين بس نفسج
ميمونة: هاي اني مووو
تيم: ايييي انتي ومااريدج تدخللين بحياتي بعد ولا اريد احد يعرف بهاي السالفة
ام تيم: يالله جهال انتو خومة جهال ليش تصيحون
تيم: ماكو شي
ام تيم: ميمونة ليش تبجين شصار احجيلي
تيم : مااكو شي يمة
ام تيم: تيم احجيلي شمسوي للبنية
تيم: والله مامسوي شي بس هاي الحقيرة كاعدة تتهم يارا واني اريد اوكفها عند حدها
ميمونة: احترم روحك وطبك مرض لان اني جيت انصحك واكلك الي انت اتريد تخطبها اتحب واحد غيرك وماخذتك وسيلة علمود تسافر لتركيا وبعدها تنهزم وياه وتروح لاستراليا وتشتغل عارضة ازياء هناك
ام تيم: ههههههه ميمونة دقيقة شوية شوية عيدي الكلام
ميمونة : عمة شوفي هاي المحادثات اني اخذتهن من تلفونها علمود ابين حقيقة يارا بس هو يجذبني الي
ام تيم : ميمونة هذا الكلام كلش جبير يعني انتي متاكدة
ميمونة: خلي يروح يشوف تلفونها ليارا ويتاكد
ام تيم : ماكو داعي مبين كلامهم واضح كلش اتريد تستغل تيم وتنهزم لان امها محافظة عليها ومتقبل الغلط وهذي الخطوبة انتهت وباجر انهي كل شي ويا ام يارا . اني اصلا من البداية ماعاجبتني هاي الخطوبة
تيم : يمة هاي حياتي واني حر بيها
ام تيم: انت شكلك منغر بيارا بس ترا كلشي واضح
تيم: يمة لتدخلين بهذا الموضوع وبعدين منو يكول كلام ميمونة صحيح
ام تيم : اوك باجر نروح لبيت ام يارا ونشوف الفون وكلشي يبين وقتها
تيم: اني عندي ثقة بيارا ومستحيل اتسوي هيج ومااحتاج ادور وراها
ام تيم: باجر نروح ونتاكد واذا انت عندك ثقة ليش خايف
تيم: اني ماخايف
ام تيم: اوك لعد باجر نروح
تيم : مااااشي ............
