Babysitting little Tommo (Jordanian Fanfic)

Chapter Nine.

#سيرين
رحت لحقت زين عشان ازا بده مساعدة بحمل البيتزا لانهم وصوو ع بيتزاا
زين فتح الباب و طلعت وحدة لابسة طاقية و نضارات، بس ما في ب ايدها بيتزا، مين هاي؟
زين : 'بيري؟'
حكاها و هو مش مصدق
وانا مصدومة برضو
شو بتعمل هاي هون؟؟
ما بتستحي ع حالها؟
تركت زين ع كيف كيفها و هسا جاية ع بيته بكل وقاحة ؟!
انركوني عليهااا بدي امسكها اموتها امزع شعرها
ليام : ' محل البيتزا رنو علينا االغو الطلبية-'
اجا ليام و وقف حكي بس شاف بيري
بيري : ' مرحبا ليام'
مرحبا توكل وجهك و المزهرية اللي واقفة قدامك ما في الها مرحبا؟ تفوووو
ليام : 'تعي اتفضلي ع العشا'
زين : 'اي عشا مهو الغو الطلبية؟'
ليام :'اه صح بس انتا رح تطبخ'
زين : 'احنا معنا ملايين ومش قادرين نوصي ع علبتين بيتزا واو جد واو!'
زين حكا هيكا بدون نفس ولقا حجة ع اساس يفوت بعدين فات ليام
انا : 'اتفضلي'
حكيتها بس مجاملة مع ابتسامة مزيفة
بيري فاتت و شلحت جكيتها و اعطتني اياه
انا : 'ايش المفروض اعمل فيه؟'
بيري : 'علقيه؟ اما خدامات اخر زمن بعرفوش يشتغلو، اجبلك خدامة تشتغل عنك؟'
انا : 'نعم نعم؟ عيدي اشوف؟ خدامة مين؟'
رميت الجكيت و دعست عليه وانمزع
بيري : 'يا حقيرة كيف بتعملي هيك؟ هاد الجكيت اغلى منك!'
اجت بدها تصفعني بس انا مسكت ايدها
انا : 'وله شو مفكريتلي حالك؟ مفكرة حالك اشي واو عشان معك مصاري و مشهورة؟ وله احترمي حالك واحترمي الناس احسنلك فاهمة ولا بصير اشي ما بعجبك يا تافهة!'
هاري اجا شكله سمع صوتي انا واياها واحنا منتهاوش
هاري : 'ايش في؟' كان شكله مستغرب واجا خلاني اترك ايدها
هسا بحكو سيرين هي اللي اتبلشت فيها -_-
هاري : 'سيرين اتركيهاا و امشي.'
لو هاري ما مسكني كان انا اللي صفعتها كف
رحت انا وهاري ع المطبخ عند زين وهو بطبخ
هاري : 'ايش صار؟'
انا : 'بس زين راح حكيتلها اتفضلي فوتي وابتسمتلها مع اني ما بطيقها عشنها خانت زين- قصدي .. خلص ولا شي المهم، اعطتني جكيتهاا صرت احكيلها شو اعمل فيه صارت تحكيلي اعلقلها اياه و حكت اما خدامات اخر زمن بعرفوش يشتغلو، اجبلك خدامة تشتغل عنك؟ صرت احكيلها نعم يما خدامة مين و رميت الجكيت ع الارض و مزعته بعدين صارت تحكيلي انه هاد الجكيت اغلى مني واجت بدها تصفعني كف بس مسكت ايدها و بعدين انتا اجيت بس والله لو ما اخدتني كان مسكتها و قتلتها بايدي!'
اعتقد صار هي احمر من بعد ما حكيت كل هاد الحكي بهاي السرعة
هاري : 'ما كان عليكي تعملي هيك، ما كان لازم تمزعي الجكيت، لانه سوء تفاهم مش اكتر.'
قلتلكم كالعادة الحق دايماً ع سيرين
انا : 'سوء تفااهم؟ ليش انا شكلي زي الخدامات يعني؟ و بعدين لو انه سوء تفاهم كانت اعتذرت بس بدكم تحطو الحق ع سيرين.'
نزلت من عيوني اكمن دمعة مع اني حاولت احبسهم
هاد اكتر اشي بكرهه بحالي، اني ببكي بسرعة. صحيح بجاوب و لساني طويل بس ازا حد ظلمني ببكي ع طول، لا إراديا. سلمى و مرح و لجين مش زي هيك، ما ببكو غير ع الأشياء المستاهلة بس انا خلص هيك بختلف عنهم مع اني كتيير بحاول وبجرب ما ابكي بس ما بقدر.
طلعت من المطبخ ع غرفة تومو، اتوقعت الاقي مرح بس ما كانت موجودة، شكلها مع سلمى.
قعدت ابكي شوي بس حكيت مش مستاهلة بس برضو ازا ببكي برتاح ف بكيت كمان
بعدين فات علي زين
و قعد جنبي
زين : 'بالله عليكي بتبكي عشان بيري؟' صار يضحك شوي
صرت ابكي اكتر
زين : 'طب خلص آسف، خلص ما تبكي.'
اعطاني زين فاين عشان امسح دموعي، و مسحتهم
زين : 'وك خلص لا تبكي والله انها مش مستاهلة.'
انا : 'مش عشان الخرية عم ببكي، عشان هاري، لانه الحق مش علي، هي اللي بلشت وانا ما كنت رح اسكتلها.'
زين : 'هو مش بده يحط الحق عليكي، حرام بتعرفيه، هو احسن واحد بيناتنا و كتيير منييح، بس هو ما بعرف بيري زي ما انا بعرفها، هو ما بعرف انه مناخيرهاا للسما و بتفكر حالها احسن من الكل، فمشان هيك لا تزعلي منه.'
يا الله ما اسكاه *-*
زين : 'يلا يلا يلا امسحي يمزعك، شكلك بقلعط وانتي بتبكي.'
قعدت اجحر فيه
انا : 'بقلعط؟ مش هيك يزم.'
زين : 'يلا يلا اضحكي، مش مستاهلة.'
انا ابتسمت و ضحكت شوي
وقف زين و مد لي ايده
زين : 'يلا قومي، بدي اتساعديني بالطبخ، بدي اطبخ منسف.'
انا : 'منسف بنص الليل؟'
زين : 'والله جاي ع بالي يلا قومي.'
ياا مستحية امسك ب إيده بس مسكتها و قمت
يعني حد صحله يمسك ايد زين مالك و ما بمسكها؟
وهاد السبب ال4578053168% اللي بخليني احب زين
طلعت انا و زين براا ، نايل طلع قدامنا هو لوي و بنت ما بعرفها
نايل و لوي صارو يتطلعو عليناا بطريقة غريبة رافعين حواجبهم و ماسكين الضحكة
ليش؟
بعدين اتزكرت اني ماسكة ايد زين
بسرعة تركت ايده و وجهي صار احمر احمر
معلومة عني (ازا حد بحب يقرأ معلومات عني..) : انا وجهي بصير احمر ع كل شي، بس احكي مع ناس ما بعرفهم، او اركض او استحي بصير بندوورة
انا : 'اه.. ا-انا رايحة ع المطبخ.'
رحت بسرعة و دخلت ع المطبخ
يا للاحراج !! يا الهي ما هازا بحق الجحيم ؟ ._.
ما بدي يفكروو اشي غلط
هساا لوي بقعد يألف علي حكي الزنخخخ