°•°•خواطر فتاة مسلمة•°•°

يــــــا رب ♡

عارف يعني ايه انك تقول يارب !
يعني تبقي همومك محصراك تعبان مكسور مش قادر حتي تقول الاه
دموعك مبتنزلش و صوتك مبيطلعش من خنقتك و تحس كأنك بتموت بالبطئ
يجي علي بالك الف شخص علشان تحكيله و كل ما تيجي تتكلم تلاقي حاجة تمنعك و تشدك
و ترجع تسكت متتكلمش تبص في السما تحس كأن ربنا بيطبطب علي قلبك
تحاول تنطق و تقول يارب انا محتاجلك مبتطلعش تصبر نفسك بأنه عالم بيك
و فجأه تلاقي الدموع لوحدها بتسبق كلامك و كأنها بتصرخ و بتستنجد بيه
و تحاول تخرجها و لما تقولها تحس و كأن خلاص ربك استجابلك هدي قلبك و صفي نفسك
و كأن كل الهموم هربت و بعدت عنك و بعد شويه يبشرك و يفرجها عليك .. يا رب