قصة الحب

بارت 20

ازيكم يأصحابي يلانكمل البارت ده اللي ريتاج حتسافر فيه مع باباها وطبعا ريتاج كلمت اونكل شوكت ووافق ان امير يعد عشان مامته وانه معاه اسامه وامير مش عارف بسفر ريتاج ياتري حيحصل ايه يلا نشوف

تصحي ريتاج من النوم مع بعض الارهاق والقلق والخوف منا لسفر ومن زعل امير المهم تقوم تاخد شاور وتفرد شعرها وتكون قمر وكانت نرمين مامتها تحت بتجيب حاجات خاصه بالسفر ليهم وكان احمد في البيت واعد علي السفره مستني ريتاج تفطر معاه

ريتاج : صباح الخير يأحمد

احمد : صباح الخير ياريتاج تعالي حبيبتي افطري معايا انا مستنيكي من بدري

وفعلا تعد ريتاج علي السفره تفطر مع بباها

احمد : خلاص التذاكر انا حجزتها من يومين وحنسافر النهارده الساعه 9 بليل وكويس انه بليل عشان تلحقي تسلمي علي امير وعلي اصحابك وتشرحلهم الموضوع

ريتاج بطلت اكل ونزلت وشها تحت وبان عليها الزعل

احمد : ريتاج مالك ... بصي انا مش عايز اكون فارض عليكي السفر انتي لو مش عايزة تسافري خلاص انتي حره

ريتاج ( رديت بسرعه) : لالالالا ابدا يابابا انا بجد بحب الشغل وخصوصا بره مصر بس ...

احمد : بس ايه

ريتاج : امير يابابا تفتكر ممكن يحصله ايه لما يعرف اني مسافره

احمد : ولا حاجه اكيد حيدايق شويه في الاول بس معلش وبعدين ريتاج هو انتي وهو لما تجوزوا مش ممكن تسافري او هو يسافر عادي يعني

ريتاج :ايوة سعاتها انا حكون في بيتي لكن دلوقتي انا مخطوبه يعني اكيد حيدايق اكتر

احمد : وليه بقي

ريتاج : معرفش بص انا دلوقتي حكلمه وحخليه يقابلني وحنروح علي الشركه عشان انا حطلب منه يديرها في غيابي وكمان دي حتبقي مستقبلا ان شاء الله شركتي وشكرته عشان كده لازم يديرها من دلوقتي

احمد : طب وريهام وشيماء وباسل وفارس

ريتاج :انا متفقه معاهم ان احنا حنتجمع في بيت شيماء الجديد وحسلم عليهم هناك وحمشي عشان امير وبعدين حروح الشركه وحرجع علي العصر او المغرب لأني احتمال اروح انا وامير نعد في كافيه يعني وكده واحتمال كمان اروح علي المطار علطول انت ايه رأيك

احمد : انتي حضرتي شنطتك

ريتاج : ايوة

احمد :خلاص خليكي وروحي علي المطار وخليه يوصلك وانا حقابلك هناك عشان برده تعدي مع خطيبك عشان ميزعلش

المهم ريتاج قامت ودخلت اوضتها عشان تكلم شيماء

ريتاج : الو ياشيماء

شيماء ( بعياط ) : ايوة

ريتاج : مالك ياشيمو

شيماء: ياسلام ولا اكنك مسافره ولا حاجه

ريتاج : طب اهدي بس انا جايه دلوقتي هو الكل موجود

شيماء:ايوة

ريتاج : طب سلام دلوقتي

المهم ريتاج قفلت ودخلت لبست طقم شيك اوي ونزلت وركبت عربيتها وكلمت امير

امير: حبيبه قلبي

ريتاج ( بدموع بسيطه لأنها زعلانه ) : وحشتني اوي اوي

امير(بخضه ) : مالك ياريتاج ايه ياحبييبتي مالك

ريتاج : ها لا ابدا بص ممكن اطلب منك طلب

امير( بشك ) : طبعا ياحبيبتي اتفضلي

ريتاج : ممكن اقابلك كمان ساعتين عند الكافيه اللي علي البحر قرب بيت شيماء الجديد

امير: اوكي حاضر حجيلك ياحبيبتي

المهم ريتاج وصلت بيت شيماء وكان كله عمال يعيط ( معادا الشبان)

ريتاج : ايه ياجماعه في ايه بطلوا بقي

باسل : كده برده انا لسه عارف دلوقتي

فارس: وانا زيك دلوقتي برده كده

ريتاج : معلش بقي ده بابا

شيماء: وامير

ريتاج : هي دي المشكله بس انا كده كده حقبله كمان ساعتين وحنروح الشركه وحخليه يدير مكاني معاكي

شيماء: تفتكري حيكون عامل ازاي لما يعرف

ريتاج : ربنا يستر

وبعدين ابتديت تضحك عشان تفرفش الجو

ريتاج : يلابقي احنا حنقضوها كده ولا ايه بطلوا بقي عياط

المهم عدي الوقت والفون بتاعها رن

ريتاج : ده اكيد امير

باسل :ردي طيب

ريتاج :ايوة حبيبي

امير: انتي فين

ريتاج:انا في بيت شيماء

امير: طب انا دلوقتي 10 دقايق وحكون عندك اجهزي يلا

ريتاج : اوكي يلا باي

ريتاج : انا مضره اجهز عشان حنزل

وبدأت تسلم علي كل واحد وعياط بقي وكان اخر دراما

المهم امير جه وخدها وهم بقي في العربيه

امير:ايه ياحبيبي مالك

ريتاج : ابدا ولا حاجه

امير: تحبي تروحي فين

ريتاج : شركتي

امير ! شركتك كل ده عشانها

ريتاج : بليز يأمير انت حتعرف كل حاجه لما نوصل

امير: انا ابتديت اقلق بس ماشي حاضر

وفضلوا ماشيين بالعربيه ساكتين وعيون ريتاج مليانه دموع عشان هي خلاص النهارده اخر يوم ليها مع امير لمده اسبوعين او اكتر اكيد حيوحشها جدا وامير ملاحظ ده بس ساكت عشانها ولكن وشه كان كله قلق جدا علي حبيبته خاف لتكون تعبانه او وقعه في مشكله المهم وصلوا الشركه وكانت الساعه 3.5 يعني عديت العصر

طبعا كانت لبسه لبس غير عادتها لبس شيك اوي مش بتاع شغل الكل استغرب وكمان شافوها مسكه ايد امير وماشيه معاه (شيء غريب ) بالنسبه ليهم طبعا بس هم سكتوا وقام وقفولها

امير مال عليها وقال : انت شديده اوي كده

ريتاج : ليه يعني

امير: لأنهم قاموا وقفوا ووشهم كله علامات للخوف

ريتاج : لالالا هم بس مستغربين منك

امير: اده انتي مش قايله اني خطيبك

ريتاج : لالا عادي يعني حقولهم النهارده عادي يعني

امل : صباح الخير يافندم

ريتاج ( بتبص في الساعه ) : صباح الخير ليه احنا العصر يابنتي ( بتهزر يعني ) يلا مش مهم صباح الخير صباح الخير ههههه

امل: تحبي اجيب لحضرتك القهوة

ريتاج :ياريت وتجيبي كل افراد الشركه حالا وانتي كمان

امل : انا بجد بقلق من اللمه دي

ريتاج ( بعصبيه شويه ) : يلا اعملي اللي بقولك عليه

وبعدين دخلت علي مكتبها

امير: براحه عليكي ياحبيبتي انتي اكيد قلقاهم

ريتاج : ههههه اصل انا يوم مسفرت فرنسا لمتهم اللمه دي

امير: هههه طب جايبهم ليه دلوقتي انتي مش مسافره ولا حاجه

( عنده حسن نيه ياعيني عليه )

المهم الكل اتجمع بما فيهم خالد طبعا

خالد : خير ياباشمهندسه ....... شيماء مجتش هو حضرتك عارفه

ريتاج :اكيد ياخالد عارفه

امير كل ده واقف مش فاهم حاجه ياعيني والكل مستغرب من وقفته ومن ان ريتاج مسكه ايده ومش بتسبها وخالد بيحاول يتذكر شافوه فين ( هو شافوه يوم مصالحه ريتاج لأمير يارب تكونوا فاكرين )

ريتاج : انا جمعاكوا النهارده عشان اقولكم ان الباشمهندس امير كامل حيدير الشركه معايا

امير( بفرحه ) : بجد ياحبيبتي

ريتاج : اه ياحبيبي بجد انا مش حسلم الشركه لحد غيرك ابدا

امير: بس كده ليه

ريتاج : جماعه انتوا اكيد مستغربين من امير ومن طرقتي معاه لكن انا وامير مخطوبين وحنتجوز قريب

الكل كان في قمه الدهشه ولكن اعدوا يباركوا ليه وليها

ريتاج : ممكن بقي تعرفوا الموضوع المهم انا النهارده وبالذات حخلي امير يمسك شركتي لأني ....

وفضلت ساكته شويه ودموعها نزلت من عينها غصب عنها

امير قلق اوي

امير:مالك في ايه لأنك ايه

ريتاج : لأني مسافره

امير وقع مغمي عليه سعتها