عند ريما وخالد و مشعل
ريما كانت في الوسط وعلى اليمين خالد ويسارها مشعل
مشعل كان في عالم ثاني وكل ما مرت مضيفة لازم يقز فيها قز لين يفصلها
خالد: هية
مشعل : هااااااااا وش تبي
خالد: سكر فمك سعابيلك تقطر
مشعل التفت على خالد وهو متفشل : خير إن شاء الله وش دخلك
خالد: استح على وجهك
مشعل: اسكت يا المطوع
خالد : ما عاش إلي يسكتني
مشعل : لا أنا اللي بسكتك عندك مانع
خالد شبر كموم ومشعل نفس الشيء
وبدوا يتضاربون وأنواع الشتائم والمسكينة ريما بينهم وساكتة >>>> غريبة بالعادة تدخل جو
جات المضيفة
(لان روايتي بيكون فيها كلام بالانجليزي بحط e ومعناها إن الكلام بالانجليزي)
المضيفةe : لو سمحتم الغداء
مشعل و خالد e: لا نريد شكرا
ريما تأشر يعني أنا بس لا حياة لمن تنادي
ريما : أنا أبغى تراني جوعانة
ولا سمعوها كملوا هواش ومضارب
ريما طق عرق في رأسها
ريما بصراخ: اسكت أنت وياه خلاص معد أتحمل أبغى أكل أنا جوعانة بعد الأكل حرام
سكتت ريما يوم شافت خالد ومشعل ساكتين من الصدمة
ريما وهي متفشلة : بس أبغى أكل يعني
خالد : كان قلتي من زمان
مشعل: مو مانعينك من شيء
ريما سكتت وفي نيتها تلعن خيرهم
-------------------------------
عند طلال وتركي
تركي اللي كان حاط سماعات ويسمع أغاني اما طلال كان يشرب عصير
تركي وهو يشيل السماعات
تركي : كأني سمعت صوت ريما
طلال اللي شرق بالعصير
طلال يرقع : لا شكلك تتوهم
تركي رجع السماعات ولا كان شيء صار
طلال في نفسه: وش الهبلة سوت أكيد مصيبة من مصايبها
---------------
ملاحظة : الطيارة مقسومة نصين يعني بينهم حاجز الجهة الأولى فيها سلطان ورفيف وتركي وطلال وفهد والباقي في الجهة الثانية
-----------
عند صقر ونورة
صقر بعصبية : يلي ما تستحين
نورة ودمعتها على خدها : وش سويت
صقر : تغطي زين قدام المضيفات
نورة : بس هم حريم زيي زيهم ما فيها شيء
صقر: هاذولا كافرات وزيهم زي الرجال تغطي لا أضربك والعن خيرك >>>> أول مرة اسمع كذا
تغطت نورة وهي تدعي على صقر
----------------
اما عند سمر وناصر
ناصر اللي فقع رأس سمر بسماجته
ناصر : جت المضيفة تبين شيء
سمر : أية ابغي " التفتت ولا شافت احد
سمر : وين المضيفة
ناصر : ههههههههه مقلبتك ههههه صدق غبية
سمر مسكتة من طرف بلوزته : اسمع قسم ثم قسم لأذبحك بيديني فاقصر الشر لا يجيك شيء ما يرضيك
ناصر وهو يبلع ريقه : طيب
سمر : أية هاذا الكلام الزين
-----------
اما عند رزان وراشد
رزان تبي تقهر راشد : صدق إن طلال ولد نعمة أية هذولي الناس الراقين مو مثل بعض الناس
راشد : وش تقصدين
رزان ببراءة ودلع: ما قصدت شي
راشد : لا تدلعين تر دلعك ماصخ تعرفين معنى ماصخ ولا اكتبها على جبهتك
رزان : أقول اسكت يا ولد العز أنت ونظارتك التقليد تلقاها في أبو ريالين
راشد : أنا نظارتي تقليد يا الخايسة
رزان : اية ياحسرت قلبي ما انخطفت من مزاين ولا عيال أصول مثل طلال
راشد : آه يالي ما تستحين وتغزلين قدامي
رزان : ما تغزلت إلا اندب حظي إلي قاطني عليك
راشد بغرور: أساستا مفروض تستأنسين إني أنا اللي جالس جنبك مو أي احد
رزان : على وش استأنس على وجهك الشين سواقنا كريم أزين منك >>>> صادقة وأنا اشهد
أنت تقرأ
اكشن بنات
Action: قبل ما ابدا بتنزيل البارات بعطيكم لمحه عن الرواية اربع بنات من الرياض ينخطفوت من مدرستهم وش بيسير فيهم بيرجعون ولا لا القصة تجمع كل العناصر كوميديا اكشن رعب تشويق
