Real Reason of the Season

Little Thoughts

"Make a wish, Princess!"

Pumikit ang pitong taong gulang na si Princess para magwish. Matapos nito ay naghulog siya ng barya kasama ang kanyang mga magulang sa wishing well. May paniniwala kasi sa lugar nila na lahat ng humihiling dito ay hindi nabibigo, lahat ng kahilingan ay nagkakatotoo.

Ang wishing well ay nasa sentro ng plaza. Nakakamangha ang lugar dahil sa magagandang christmas decor at kumukutitap na christmas lights. Matutuwa ka rin dahil maraming pamilya, barkada at magkasintahan ang nag-eenjoy dito at kanya-kanya sila sa pagkuha ng litrato.

Nakagawian na ng pamilya ni Princess na magsimba tuwing pasko. Sa katunayan, wala sa plano nila ang pumunta dito. Ngunit dahil malapit lang to sa simbahan na dinaluhan nila kanina, naisipan na rin nilang pumasyal.

At dun napukaw ng kanilang pansin ang wishing well, na nasa harapan na nila ngayon. Mukhang luma ang wishing well na ito, ngunit makikita mong inaayos at nililinis talaga ito dahil napanatili ang ganda ng pagkakagawa nito. Mamamangha ka rin sa dami ng barya na inihulog dito. Mukha nga talagang marami pa rin ang naniniwala sa ganito.

"Ano naman ang wish mo kanina, Princess?" Usisa ng kanyang ina.

"Nagwish po ako kay Santa ng christmas gift." Tuwang-tuwang sabi ng bata

"Ano naman ang wish mong gift?" Nakangiting tanong ng kanyang ama.

"Secret po!"

"Eh. Paano malalaman ni Santa ang wish mo kung hindi mo sasabihin?" Napakamot sa ulo ang mag-asawa. Paano nga naman nila malalaman ang gusto ng anak?

Napatingin ang bata sakanila..Nagtataka.
"Hindi niya po ba nababasa ang isip ko tulad ni Papa Jesus?"

Nagkatinginan ang mag-asawa saka sabay na napailing..

"Buti pa pala si Papa Jesus, alam niya lahat ng prayers ko kahit hindi ko sabihin ng malakas. Di ba po? Nagbibigay din po kaya siya ng gift tulad ni Santa?"

***
Itutuloy...