وشهد تسرع مثل المجنونة وراء ريان تبكي ودخل غرفة العمليات وبعد قليل جاء ابوها وعمها والشباب شهد تبكي بحرقه وطلال يطالعها ويتمنى يضمها ويخفف عنها ماجد يقرب من شهد .. وشهد ضمته وهي تبكي وشافت سعود وسلطان بسرعة فكت ماجد وضمت سعود.. بوماجد يشوف تعلق شهد بخالها وبوطلال يحط يده على كتفها يشجعه أنه يروح لها شهد وهي تصرخ : بموت ولدي بيموت سعود يهديها : شهد أن شاء الله بيكون بخير شهد وهي منهارة : بموت إذا صار له شئ راح لها أبوها وحضنها: اذكري الله يا شهد ما يصير تسوين بنفسك كذا ريان أن شاءالله بيقوم بالسلامة شهد حاولت تمسك نفسها لكن ما قدرت وحضنت أبوها اكثر وطلعت لممرضه وشهد من شفتها راحت تركض لها وهي تمسح دموعها: بشري وش فيه والكل معها الممرضة : محتاجين دم وهو فصيلته نادرة ماهي موجوده يمكن أحد من الأهل يتبرع شهد ماانتظرت أحد يرد عليها وراحت عند طلال وبترجي: طلال الله يخليك أنت نفس فصيله دمه طلال يناظرها بحيرة: ليه ما يتبرع أبوه سعود شهد تبكي وبغضب وصرخ بوجهه : آنت أبوه .. طالعها طلال وهو منصدم ماهو قادر يستوعب ألى أن قال : ؟ ؟ ؟ ؟ ؟ ؟ ؟ شهد وبترجي: الله يخليك روح الحين وبعدين أفهمك وطلال راح وهو مندهش وبنفس الوقت معصب ******************* شهد تبكي واقفه تناظر ريان من الزجاجة الصغيرة ومن أسبوع وهوهنا وجميع الاجهزه مركزة بكامل جسمه وتدعي ربها وتقرا أبات من القران وهي منهارة وطلال معها بس ماكلمها لأنها منهارة من عرفت أ أن الضربه جات بالرأس ودخل بغيبوبة طلال نذر لله إذا قوم ريان بالسلامة راح يودي الكل عمره على حسابه وبيرجع شهد له و أذن وراح يصلي .. وبعد مافرغ من الصلاة تذكر لما قالت له صح أني انصدمت لكن في نفس الوقت فرحت أنه عندي اولاد ومن شهد كان بعاتب شهد وظروفها ماتسمح لها: أن شاء الله يقوم ريان بالسلامه وأوريك ياشهد كيف تخبين عني .. ورجع وجلس بالكرسي إلى جانب غرفة ريان وغفت عينه للنوم ***************** بوماجد يعاتب سعود سعود : والله ماعرفنا إلا وحنا في فرنسا وهي بالشهر ثالث بوماجد بحده : وليه ماقالت لنا أو خليتها ترجع سعود : لانه شهد كانت تعبانه حالتها ماكانت تسمح انه ترجع حتى ولادتها جت بالشهر السابع بوطلال بعتب : كان لازم تقول لنا وحنا بنتصرف سعود : أنا وعدت شهد أني ما قول لأحد بوطلال : علشان كذا ما كانت ترضى تقابلنا بوماجد : اكيد .. وبعد ما رجعتوا ليه ماتكلمت سعود : خايفه من طلال يأخذهم بوطلال : والحل الحين بوماجد بإصرار : ترجع لطلال سعود بحده : لا اتركهم هم يحلون مشاكلهم ولا تغصبونهم مره ثانيه بوطلال : سعود معه حق نصبر و نشوف بوماجد : واذ ارفضت ترجع لطلال سعود : حنا بنتدخل بوماجد يحط يده على شعره : شهد شيبت شعري قبل أوانه بوطلال يلطف الجو: ومن متى شعرك أنت اسود علشان تقول شيبته بوماجد بنظره حادة : أنا وسعود : ههههههههههههههه ****************** سلطان : بل طلال فضحنا في المستشفى أنا وسعود ما خله كلمه ما قالها وشوي و بيضربنا سارة بحده: وش تبيه يسوي وهوعنده عيال وهو مايعرف عنهم شي؟ تبيه يضحك لكم ؟! سلطان : طيب خلا ص.. احم أبى تخطبين لي ولا عاجبك جالس عزابي عندكم سارة بفرح : أخيرا وش رائيك في بنات خالتي سلطان : أنا ما اعرفهم كثير سارة تنغز له: كنت اعمى سلطان فهم قصدها وبحده : لاتخليني أتراجع سارة بخوف: لالالا خلاص سلطان يبتسم : من هي تكون احسن لي سارة : كلهم حلوات وطيبات سلطان بحيره : امممم ابي وحده قريبه من سني سارة : ايمان عمرها 26 تخرجت وجالسه في البيت سلطان : خلاص نكلم أبوي ونشوف رائيه سارة بفرح : أبوي ماراح يعارض لانه يتمنى تأخذ من بنات خالتك ******************** شهد : طلال قوم لكن طلال ماهو حاس.. ورجعت مرة ثانيه تصيح بس بقوه .. طلال فزع: خير ريان فيه شئ شهد بهدوء : بسم الله عليك .. الدكتور دخل عند ريان طلال قام واضح عليه التعب من شكله ومن غير مايرد عليها شهد عارفه انه معصب عليها لكن مااهتمت كل تفكيرها في ريان طلع الدكتور طلال وشهد راحوا له بسرعة طلال وهو متوتر : ليه للحين مابعد صحا ؟ الدكتور يبتسم : الحمدالله الطفل قام من الغيبوبه وهو سليم تمام شهد من الفرحة سجدت على الأرض شكر لله .. وطلال يحمده الله ويشكره شهد بفرح : اقدر اشوفه الدكتور : طبعا بس شخص واحد يدخل ومايتعدى خمس دقايق طلال حس بلهفت شهد لولدها فخلاها تدخل وهو اتصل في الأهل يبشرهم انه ريان صحا ************** ام طلال بفرح: الله يبشرك بالخير ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ والكل يطالع أم طلال هي فرحانه ويبون يعرفون أم طلال : خلاص يمه العصر حنا عندكم ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ مع السلامه وسكرت التلفون والكل فتح عينه عليها أم طلال : بسم الله ليه تطالعوني مازن بلقافه : نبي نعرف ليه فرحانه ومن تكلمين ام طلال : ريان صحا طلال قال لي وكلهم بفرح وبصوت واحد: الحمد الله بوماجد من سمع الخبر حس براحه.. خايف لا يفقدها مره ثانيه لانه بحياته ماسمع منها الي هي تبيه وأم طلال اكثر وحده طايره من الفرح تبي تروح لعند ريان ******************* شهد دخلت وقربت من ريان ومسكت يده وضمته وقبلته وهي تبكي ريان فتح عيونه بصعوبه شوي ويحرك يده شهد من حست في حركته ... وهي تبوسه وتضمه بصدرها مشتاقه له حيل ريان فتح عيونه : ماما شهد قربت له وهي تبكي وبهمس: قلب ماما ريان ابتسم ورد ينام وجات الممرضة : خلص الوقت شهد تطالع لقت في وجهها سعود وضمته بقوه وهي تبكي سعود : الحمد الله على سلامة ريان شهد غمضت عينها وهي تبكي : كان بيروح مني سعود أنا ما اصلح أكون أم أنا فاشله سعود حس أن دموعها اللي انزلت دموع خوف ورعب : شهد أنتي ما هو فاشله لكن هذا أمر الله شهد لا تكونين ضعيفه ريان وساري محتاجين لك شهد شهقت بالبكاء مره ثانيه : مااقدر بموت إذا صار شئ فيهم سعود خلك معي لا تتركني سعود وما قدر يتحمل اكثر دموعها : أنا معك ماراح أتركك ابد وشهد شوي ارتاحت طلال يارقب شهد وسعود كيف تطور العلاقة بينهم .. وبشرهم الدكتور انه على يومين بيطلع بس يتابعون حالته.. وحالت ريان في تقدم مستمر .. وطلال موجود دايما والكل يزوره ********************* شهد تشرب ريان مويه .. وطلال يطالعها شلون تعامل ريان بحنان ونعومه طلال بسخرية : وين الدفاشة راحت عنك ريان خلص شرب وحطت الكأس على الطاولة والتفتت عليه وهي معصبة : أنت تطمنت على ريان ممكن تطلع طلال وهو يشد على اسنانه : أنا جالس علشان ولدي ما هو علشانك شهد بقهر: وأنا متضايقه من وجودك طلال انحرج لكن ماوضح : ان شاء الله كل يوم ما هو يوم .. أبى أعاقبك بس ما هو الحين لاطلع ريان شهد بترد عليه الا دخل ساري يركض لها وهي ضمته وتبوسها : ماما أبى اثوف ريان شهد حطته علي السرير عنده وساري يحبه على خده وهي تطالعهم وتبتسم وتدعى بقلبها : الله لا يحرمني منكم وماانتبهت ألا على يد عمر حطها على كتفها ويبتسم : حلوين صح شهد ترد الابتسامة لعمر : أحلا شئ في حياتي طلال بلقافه : بفضلي شهد بحده : أنت وشدخلك طلال بفخر : لا أني أبوهم يا غبيه شهد بصرخة: عمر طلعه برى لاارتكب فيه جريمه هــ ويقاطعها طلال وبعناد: اشششش.. ماني طالع جالس على كبدك.. وجلس على الكرسي وهو يطالعها من طرف عينه .. وشهد ارتفع ضغطها منه ... عمر يضحك ويقول :ههههههه الحمد الله والشكر .. الكل تجمع وفرح بسلامة ريان ******************** وبعد مرور أيام بوطلال سوى عزومه كبيره على سلامة ريان وخروجه من المستشفى وبوماجد ذبح ووزعها على الفقراء وهم مجتمعين بالصالة وريان بحضن شهد وجنبه ساري طلال بصوت عالي : بما أن الكل موجودين قررت اعزمكم كلكم على العمره بمناسبة شفا ريان أم طلال بفرح : وعقبال الحج أن شاء الله والكل : آمين والكل وافق ماعدى شهد ماردت وقفت وهي شايله ريان طلال : على وين شهد بحده : وأنت وش يخصك بوماجد بعتب : شهد ردي على ولد عمك عدل شهد بتضايق : الحين موعد علاج ريان فيه شئ ثاني طلال حب يقهرها : بتروحين معنا العمرة شهد بحده : لا طلال يبتسم : احسن علشان اخذ حريتي مع ساري وريان شهد وهي تشوفه بنظرات تحدي : أولادي ما يتحركون من غير أمري ومشت طلال بغضب : والله لابغيت أخذهم الحين محد مانعني شهد عطته نظرة من فوق إلى تحت ولفت عنه ولا ردت عليه ومشت ومعها ساري وريان طلال انقهر من نظراتها بعد ما راحت : اذبحها يعني الموقف ماكان يستدعي الضحك لكن شكل طلال وهو منقهر خلاهم يضحكون عليه :هههههههههههههههه طلال ابتسم غصب عنه: الله يعيني على مابلاني عمر :هههههه خلها تسمعك لاتطين عيشت اهلك طلال بقهر : اكثر من كذا الكل : ههههههههههههههه طلال بقهر : عمي شوف حل مع بنتك ******************* الكل يحاول يقنع شهد تروح العمرة بوماجد بغضب : ليه أنتي ما هو رايحه شهد بحزم: بعد كم يوم بستلم شغلي بوماجد بغضب اكثر : ليه حنا عجزني عنك ولا عنك أولادك .. و أولادك طلال يصرف عليهم وهو ملزوم فيهم شهد بانفعال : لا أولادي محد بيصرف عليهم غيري عمر : ليه العناد هذي مصلحة أولادك شهد بحده : ولانه مصلحة أولادي فأنا عارفتها بوماجد بغضب : أنتي لا بعارفه لامصلحتك ولامصلحة أولادك شهد برجاء: يبه لا تتدخل هذا شئ يخصني أنا وبس بوماجد انصدم من رد شهد عمر عصب عليها : شهد هذا أبوك وشلون مايتدخل شهد بألم لأنها اجرحت أبوها وهي تبكي : عمر أنت ما هو فاهم أنا ما أبي ينجرحون من أبوهم مثل أنا ما انجرحت من أبوي بوماجد بنظره حيره : أنا أنا جرحتك شهد تبكي وبقهر : ايه أنت ماتحس واكثر من مرة عند أمي لدرجة .. بتردد كرهتني فيك بوماجد ماصدق كلامها انه تكره عمر بغضب : شهد في بنت تقول هذا الكلام لابوها وإخوانها منصدمين من جرائتها وهي تكلم أبوهم بوماجد بألم : خلها تتكلم واعرف سر الحاجز آلي بيننا ودخل بوطلال وأم طلال وشافوا الجو متكهرب شهد تبكي :حرمتني من حبك وحنانك .. لما تجيب المصروف لامي تعطيه لخالي من عند الباب وماتفكر تسال عني مريضه صاحيه أكلت ولا.. بوطلال يطالع بوماجد بحزن وعارف انه وقت الحساب بينهم بداء وطالما ماحذره من هذا شهد تكمل :وأنا كنت انتظر زيارتك علشان تسال عني في كل مره تكسر قلبي وما تسال .. او ترسله مع عمر أو عمي بوطلال هم يسالون عني.. تدري اني اصريت على سعود يجبرك تدخل المجلس علشان افرحك أني جبت العلامة الكاملة ولبست احلى ملابسي ونزلت لك لكن ما لقيتك لقيت المصروف على الطاولة .... سعود يقول لي انك مشغول والكل يطالع ردت فعل بوماجد بوطلال بحزم : شهد هذا أبوك ومايصير تحاسبينه شهد بصرخة وبغضب : لا .. لازم يعرف علشان أولادي ما يحسون ألي انا حسيت فيه بالحزن والقهر .. تعرف ليه امي ماتاخذ من المصروف أنا منعتها تأخذه بوماجد بدهشه: ليه شهد بقهر : تمنيتك تحس فيني وركبت شهد الدرج وهي تصرخ : لكن أنت ماحسيت والكل متوقع بوماجد يرد عليها لكن هو ساكت... وانزلت هي مأخذه عباتها واغراضها وطلعت بوماجد يطالع بوطلال : جاء الوقت الي تحسابني فيه طلع غرفته عمر بحزن : كل هذا بقلب شهد ومحد يدري بوطلال : أنا كنت حاس بشعورها وانبهه وماكان يسمع والي توقعته صار ؛؛؛؛؛؛؛؛؛؛؛؛؛؛؛؛؛؛؛؛؛؛ سعود بخوف :فرح متصله فيني أخذها وأنا سيارتي في الوكالة فرح : ماعرفت وش فيها سعود : وهي عطتني فرصه أرد عليها فرح : خل سلطان يجيبها سعود : لا ماهو حلوة تركب معه وهي بالحالها فرح : وين بالحالها ومعها أولادها وسعود اتصل علي سلطان ؛؛؛؛؛؛؛؛؛؛؛؛؛؛؛؛؛؛؛؛؛؛ شهد تهاوش ريان يجي وهو ماهو راضي ريان : بث ثويه شهد بغضب : تعال عندي بسرعة ريان بترجي : ماما بث ثويه شهد بصرخة : لما أقول لك تعال تجي فاهم وريان ارتعب من صرختها وشوي بيبكي وطلال من وراها : بل رعبتي الولد شهد بغضب : هذا ولدي وأنا حره فيه طلال بحزم : و.. ولدي لا تنسين شهد بحده: أنت خلك بعيد عني وعن اولادي بنكون بخير طلال بحيره : شلون ابتعد وأنا أبوهم شهد بألم : غصب عني وما هو برضاي طلال بغضب : وشلون غصب عنك شهد بقهر : أنت تعرف اني ما كنت ابي احمل منك وصار ألي بيننا وطلبت الطلاق وأنت رافض طلال : ما كنت أبى أخسرك شهد : وأنا مابيك وأنت تعرف ومع هذا اجبرتني عليك والنتيجة ساري وريان طلال بحب: علشان اولادنا نرجع لبعض شهد تراجعت لوراء وبغضب : أنا أكرهك ومستحيل ارجع لك مسـ طلال عصب ويقطعها : أنتي كل ماشفتي وجهي قلتي أكرهك ليه شهد بحقد: لانك تشبه عمك متسلط أناني طلال بغضب : وأنا مستحيل أتخلى عنك أنتي لي انا لي فاهمه شهد على طول بكت ماهي متحمله ألي يصير معها من أبوها وطلال ودخلت سيارة سلطان ونزل يسلم على طلال وبعد ماخلص سلطان : شهد انا جاي أخذك بيت خالك طلال بغيره : وسعود وينه سلطان حس بغيرة طلال : سيارته في الوكالة شهد ركبت ساري وريان وراء واركبت قدام .. وطلال يطالعها بقهر وسلطان يتكلم معه شهد بصرخة : سلطان يللا سلطان سلم على طلال وركب السيارة : حد يصرخ كذا شهد بحده : ايه أنا سلطان بسخرية : حاسبي على الأحبال الصوتية .. شهد متى بترجعين لطلال شهد غمضت عيونها وسكتت ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ دخل الصالة طلال بغضب والكل ساكت بوطلال : اللهم الطف فينا طلال بغضب : شلون شهد تركب مع سلطان وليه ما وصلها واحد من إخوانها بوطلال تجاهل طلال : أنا رايح أشوف اخوي عمر بقهر : خذني معك طلال انقهر من تجاهلهم له أم طلال بغضب : هي حرمه وتتصرف كيفها وأنت ما هو زوجها تحاسبها طلال سكت من رد على أمه أم ماجد : بدل ما تهدينه تزيدينه أم طلال : يقهر الواحد بدل ما يسال عن عمه طلال عرف انه صاير شئ .. واشر على ماجد وطلع معه __________________
+++++++++++++++++++++++++++++++++
الاخـــــــــــــــــــــــيــــــــــــــــــــــ ـ ــــر شهد كانت ماسكه نفسه لاتبكي قدام سلطان ونزلهم واعتذر انه يدخل .. سعود بقلق : شهد فيك شئ شهد ماردت عليه وقالت لأولادها يروحون غرفتهم أول ما ابتعدوا شهد بكت في حضن سعود شهد تشهق من البكي :أنا غلطت على أبوي أنا سعود بحده : وش قلتي له ؟ شهد تصرخ: قلت له كل قهر السنين وحرماني منه و ماحست الايد سعود على وجهها بكف شهد تفاجات من سعود انه اول مره يضربها سعود بغضب: من عطاك الحق انك تحاسبين أبوك فرح معصبة : سعود ماهو كذا تفــ قاطعها سعود : أنتي ماتعرفين يوسف علشان تحاسبينه شهد ويدها على خدها وتبكي من القهر: كلكم تعرفونه بس أنا ماعرفه الكل يعرف طيبته وحنانه وأنا ماشفت شئ منه غير الأوامر والتسلط والقهر .. حتى لما طلال يغلط على وادافع عن نفسي اطلع أنا الغلطانة ؟ليه؟ ليه ؟ سعود بحده : سمعي وبعدين حكمي شهد صرخت في وجهه سعود : ماابي اسمع شئ .. ومشت لكن سعود سحبها من يدها وجلسها على الكرسي وبغضب : بتسمعين يعني بتسمعين شهد حاولت تفك يدها لكن سعود مسكها بقوة سعود ويصرخ : هو ما تخلى عنك شهد حطت يده على أذنها وتبكي : خلاص مابي اسمع شئ عنه سعود سحب يدها وبعناد : لا لازم تسمعين فرح تدخلت : سعود كفاية الله يخليك .. شهد روحي غرفتك .. قامت شهد تركض بسرعة عنهم فرح بحزن : عمري ماشفتك بهذي القسوه عليها سعود يتنهد ويهدي نفسه : شهد اظلمت أبوها ***************** بوطلال : يوسف لازم توضح لشهد بوماجد بغضب : ليه أوضح لها وهي تكرهني عمر احتار يتكلم ولا يسكت : يوسف أتكلم مع شهد فهمها انك ما نسيتها وأذا حليت مشكلتها معك .. بتردد بنحل مشكله طلال بوماجد استغرب : شلون عمر : شهد تقول أن طلال يشبهك بلا مشاعر بوماجد و بوطلال مستغربين من شهد بوطلال : وش دخل طلال في أبوها عمر : لاتنسى شلون طلال يعاملها كله بأمر ويوسف نفس الشي وهي عمرها ماحست بالحنان من الاثنين .. وهي تزوجت طلال غصب عنها.. وطلال يحاول يسيطر عليها وهي ترفض وتعامل طلال كالخصم ماهو كزوج علشان كذا ماتفاهموا وصار التباعد بينهم بوماجد طاح من عيونه دمعة: ما توقعت تفكير شهد يوصل لهالمستوى بوطلال: يوسف لازم تفتح قلبك لشهد وتحسسها انك تهتم لها ******************* ماجد بحزن : وهذا ألي صار طلال بقهر : والله أختك يبيلها دكتور نفسي او كف يعدل عقلها ماجد بحزم : طلال احترم نفسك هذي أختي وما اسمح لك تغلط عليها طلال بحده: اجل كل ما شافت أحد تقول له أكرهك ماجد بمكر : ليه قالت لأحد غير أبوي طلال عرف أن ماجد يبي يحرجه وعصب عليه : أنت وأختك نفس الطينه في ثقل الدم انقلع عني ودفه ماجد : هههههه تعال... وطلال ولأرد عليه ************************ وبعد مرور أيام شهد ماقامت تروح بيت أبوها خجلانه من طريقة كلامها معه .. سعود معصب عليها وصار جاف في التعامل معها ودق الباب ودخل سعود بحده : شهد تعالي المجلس شهد بحيره: ليه سعود بيضايق : بلا كثرة كلام تعالي شهد حزنت من كلام سعود مشت معه المجلس وكل ما تتقرب اتحس بدقات قلبها ودخلت وشافت أبوها وحست انها مشتاقة له بوماجد يبتسم : ماتسلمين على أبوك شهد بدل ماتسلم ضمت أبوها وهي تبكي : اسفه على الكلام آلي قلته أنا احبك والله احبك سعود طلع علشان يتفاهمون .. وجلس معها على الكنب بوماجد : من قال لك أني ما أسال عنك شهد كملت كلامها مع بكاءها : ماحد لكن تجي عند الباب ماتطلب تشوفني بوماجد بحزم : أولا. أنا اسأل عنك كل يوم من خالك وعارف كل تحركاتك... ثانياً: وأنا ماطلب أشوفك يوميا علشان ماتعلق فيك وأخذك من أمك وشهد مندهشه من كلام أبوها : ليه بوماجد بحزن : أنتي أول وحده اعترف لك أنا حبيت أمك ولا قدرت انساها وحاولت معها ترجع لي وهي رافضه تشاركها فيني مراه ثانيه ما رضت وأنتي تشبهينها كثير شهد وقفت وبغضب : علشان كذا بعدتني عنك بوماجد بحده : شهد حاولي تفهمين أنا احب هدى الا الحين إذ شفتك كأني أشوفها هي وأنا اتعذب وهي بعيده عني شهد بحزن : أنت تحبها ليه طلقتها بوماجد يسحب يد شهد علشان تجلس جنبه بوماجد بحسره : أمك بعد ما جابتك قلبها مايتحمل انه تجيب أولاد وأنا من حقي يكون لي ولد يشيل اسمي من بعدي.. بعد سنتين قلت لها بتزوج وهي ارفضت وتزوجت.. وتركت البيت وطلبت الطلاق... وحاولت معها لكن ارفضت شهد بحيره : وأنا وش ذنبي انحرم منك بوماجد : أنتي ..اقسي عليك وابعدك علشان انسى هدى .. عارف اني غلطت بتصرفي خسرتك .. سامحيني وخلينا ننسي واعوضك عن ألي صار شهد بألم: بتقدر تعوضني عن الي راح بوماجد بنكسار : ادري ألي سويته ماهو بسيط مستعد ادفع عمري كله بس سامحيني شهد ماحبت تشوف الانكسار في أبوها.. وحضنته وهي تبكي وباسته بخده وطوقة رقبته بيدينها وما خلته ألا بعد ما فرغت اللي فيها من بعد الحرمان منه بوماجد : انتي بنتي مستحيل انساك او افكر اتخلى عنك ودخل سعود عرف أن علاقتها في أبوها بدأت تحسنت : خلص خنقتي
