سخرية القدر هذا هو العنوان الوحيد لقصتي قد بدأت بدون ارادتي وانتهت كذلك ..كم اتمنى لو اعطيتك فرصه واعطيت لنفسي فرصه ولكن لاينفع الندم ...
امي _ ميرنا ..ميرنا يله كعدي راح تتأخرين على الدوام ..
ميرنا _ ماما هسه بس شويه والله نعسانه البارحه بال٣ ياله نمت ..
امي _ اي شتسوين يابنتي هو هذا السادس بس دراسه يلا هسه كومي راح تتأخرين ويضيع تعبج ..
ميرنا _ كايمه كايمه ..
اسمي ميرنا بالسادس اعدادي فرع علمي طبعا مملت من الدراسه واتمنى ان انجح واتفوق بمعدل عالي..
عندي اخت اكبر مني اسمه سها مرحله رابع كليه علوم وهي مخطوبة لابن عمي ولدي اخوان اثنين او بالاحرى (اصدقاء لان همة كلش قريبين مني) احمد مهندس هو اخي الكبير و كرم مرحلة رابعه كليه اداب انكليزي ...
امتلك بشرة حنطية اكتسبتها من والدي لكن عيناي كبيرتان فقد ورثت صفاتي من ابي جميعها على عكس اختي التي تشبه امي كثيرا فهي مختلفه عني كثيرا هيه بيضاء قصيرة انا طويله او متوسطة الطول شعري اسود طويل هيه شعرها قصير بني فاتح هكذا نحن مختلفتان في كلش شيء حتى في تفكيرنا فهي تؤمن بزواج الاقارب وبالحب بصورة عامة فأنا اكثر عقلانيه او عديمه الاحساس مثلما تصفني فأنا عصبيه وحادة الطباع لذلك قله من يتقربون مني ..
ابي يعمل بالتجارة وامي مدرسة..
هسه نرجع ..
ميرنا _ يلا ماما مع السلامه اني طالعه اجت نور عليه ..
ماما _ ما اتريكتي حبيبتي انتظري شويه ..
ميرنا _ لا تأخرت يلا اندعيلي ..
نور _ صباحوا شنو اليوم متأخرة اظاهر بالكعده لان شالج اعوج ..
ميرنا _ اصبحنا واصبح الملك لله بدينا ست نور شوفي شعرج شلون واكف على الاقل اني ضامه كفشتي جوة الشال مو مثلج اخرع الجهال ..
نور _ امشي لا ابتلي بيج فوك الفيزياء الي ممكمله الماده ..
ميرنا _ اي لج شلون بينه اشو خايفه من الامتحان بشكل ..
نور _ عود الله كريم يلا امشي بسرعه خلي نوصل للمدرسه ..
في المدرسة ..
ميرنا _صباحوا كيلز شلونكم ..
سارة _ هلو ميمي شلونج اكيد قاريه الامتحان امبين من شالج ..
نور _ شكتلج ههههههه ..
ميرنا _ شو اسكتن مو مال احترام اويلي من عيونجن.. امشي ست نور خلي نراجع هسه تجي ام الرياضيات وتسبينه سبايه ..
بعد ان انتهى الدوام ..
ميرنا _ اففف يااا ترة تعبت والله ميصير هيجي واخيرا خلص الدوام يلا نور خلي نرجع بسرعه للبيت ..
نور _ يلا عمري اكلج صدك شلونج بالامتحان عرفتي تحلين اخر سؤال اشو بيه فكره ..
ميرنا _ ام فكره اشو نفسه موجود بأسئلة الكتاب بس مغيرة الارقام اظاهر مقاريه ..
نور _ عزة صدك راحت ال25درجه اظاهر حليتي ..
ميرنا _ من عيونجن غير قسمت ال6/2سويته 4لتذكرينه ميته قهر ..
نور _ هههههههاويلي على اينشتاين من يبدع ..
ميرنا_ ترة اعوفج واكمل الطريق وحدي ..
نور _ ههه لا لا عمو نيوتن بطلنه ..
..
نور _ ميرنا شنو هاي الهوسه بشارعكم ...
ميرنا _ هاي شنوو شوفي السيارات باب بيتنه تيهته..
نور _ يلا حبي سي يوو اني اشرد ..
ميرنا _ عابتلج اوكفي وصلني هو هذا الصديق غير وقت الضيق ..
نور _ عمري الاكل ينادي باي ..
ميرنا _ هسه محله شلون ادخل لبيتنه وهمة خالين سيارتهم كله يم الباب .. شوف هوسه ياربي كله جهال تكول عدنه روضه هاي بيت ابو حسام كل يوميه عزيمه تكول قبيله ..
وكأن القدر قد رسم خطوطه الان..
عمر _ حسام امشي خلي نطلع برة لك شنو هل الهوسه عود كلت لعمتي ماريد هوسه جامعتلي عشيرتنه كله ..
حسام _ هاي امي بعد جديد عليك تريد تراويك لعائله كله من اكبر واحد لاصغر طفل ههه ..
عمر _ امشي خلي نعدل السيارات خطيه موكفيهن باب جيرانكم ..
حسام _ يلا ..
عند خروجنا ..
حسام _ سلام عليكم ميرنا ..
ميرنا _ (بنظرة غضب ) وعليكم السلام حسام وخر السيارة مالتك مدااكدر اعبر اريد ادخل لبيت (مامكفيكم الشارع )..
حسام _ اسف خويه هسه ابعده عن الباب ..
هههههاويلي طبكن عند ميرنا ..عمر اتحرك بسرعه لتكتلنه ..
عمر _ هاا..
حسام _ امشي عمر شبيك صفنت ..
عمر _اي اي (عند خروجنا كانت هناك فتاة تحاول العبور من بين السيارات تريد الوصول الى بيتها ربما هيه ابنت جار عمي .. كانت رشيقه في حركتها وتتمايل من التعب هيه طالبه عرفت هذا من ملابسها كانت تحمل حقيبتها بصعوبه ربما الكتب اثقلت حقيبتها لكنها جميله رغم اني لم ارى ملامحها )
ميرنا _ هذا شبيه صافن غبي ناقصني اني ..
دخلت للبيت .. سلام .. منو موجود ..
ماما _ هلو حبيبتي شلونج ..
ميرنا _ الحمد الله زينه .. اسكتي طلعت روحي شنو ذوله بيت ابو حسام موكفين سيارتهم مقابيل الباب بلكوه فتت جوة ولا شنو فد عندهم نماذج مال قتل بس يصفنون اريد افتهم وتاليتهم ..
ماما _ ههههههه اعصابج عمري شعلينه بالناس خليهم بحالهم وعلى السيارات هسه يجي اخوج ويحاجيهم ..
ميرنا _ لا ماكوا داعي اني حاجيتهم ..
ماما _ والله ادري بلسانج متكعدين راحه ..
ميرنا _ هههه اي حقنه مااحب احد يأخذه
