بُترت يدِ السارق

الجزء الأول ١ :

الرياض 💚 :
الساعه ٦:٣٠ المغرب

... : وهو للحين مابدا التسجيل ؟
... : لا ماما مو انا قايله لك يبدا التسجيل في ٩ سبتمبر
الأم : وياقمر انتي مصممه انك تسجلين فيه؟ ترا كثرة ركوب البنت للخيل خطره على الرحم وهالشي معروف من سنين !
قمر : بس هذا نادي للفروسيه وانتي عارفه من زمان خاطري اسجل بنادي وانا من عشاق ركوب الخيول وهذي هي هوايتي لاتحرموني منها ، مو كفايه ماخليتوني العب بالحواجز ؟
ام قمر : انتي الكلام معك ماينفع ابد مو انا قاعده اقول لك انو خطر
قمر ماسكه ضحكتها : ياماما اذا ركبت صح ولا تحركت كثير واستودعتيني الله باذن الله الرحم بيبقى مكانه 😹
ام قمر تضحك : شف هذي تحسب الرحم مايميل اذا جلست زين
قمر : خلينا من هالسالفه الا مادريتي امس عمتي هند تبشرنا بحمل ساره بنتها وهي بالشهر الثالث الحين
ام قمر بدهشه وابتسامه وفرحه : ماااشااءالله الله يهون عليها ويتمم لها وتجيب بنوته صغنونه حلوه مثلها
قمر : امين يارب 💞💞
ابو قمر نازل من الدرج ويعدل شماغه : ماشاءالله مين اللي حامل لايكون انتي يامنى ؟
قمر و " منى ام قمر " يضحكون
ام قمر : الله لايقوله اسم الله علي بعد هالعمر كله و ٥ عيال احمل
قمر : ماما اي عمر لساتك صغيره على بداية الاربعين جيبي لي اخت وحده تجلس معي مو ظلم ٤ عيال وبنت وحده ): !
ام قمر : اي تزوجي وجيبي لك انا خلاص وقفت
ابو قمر وهو يمد فنجال لقمر : جعلني اشوفك عروس يابنيتي قريب ، الا مين الحامل؟
قمر تاخذ الفنجال وتصب لابوها بخجل : امين يارب ، ساره بنت عمتي هند
ابو قمر : ماشاءالله الله يعينها ويتمم لها
قمر وام قمر : امين يارب 💞

* قمر بطلة روايتنا البنت الوسطى بين اخوانها فوقها ٢ وتحتها ٢
عمرها ١٩ ربت عند جدتها ٥ سنين وبعدها انتقلت لامها اللي كانت مريضه بسرطان الدم اللي ربي شافاها منه بعد معاناة دامت لسنين ، بنوته طيبه فيها جمال بنات الرياض كلهم ملامحها عربيه اصيله ، خشمها الطويل النحيف ورموشها الكثيفه العسليه ولون عيونها اللي الكل ينجن عليه بياضها الاشقر ، شعرها البني الطويل ، كل هالمواصفات كانت سبب لاختيار اسمها " قمر" واللي اختارته لها جدتها مريم بعد ماشافتها بمهادها توها طالعه من بطن امها 🌸!
* محمد اخو قمر الكبير عمره ٢٥ سنه يموت في اخته قمر ومايرفص لها طلب ، اقرب واحد لقمر من بين اخوانها كلهم ، يشبه شخصيتها كثير
معروف بطوله وعرضه وجسمه الرياضي بالعائله لانه كان اول شخص سجل بنادي رياضه في العائله ، شعره اسود ، بشرته حنطيه ، خشمه سلة سيف ، حواجبه مرسومه عيونه بنيه 🌸!

* سعد الخبل بالعائله اخو قمر الثاني عمره ٢٢ معروف بلون بشرته الجذابه بالعائله - برونزي مايل للسمار - يشبه محمد كثير بملامحه ، لكن شخصيته ابداً ! غير جداً مسوي جو في البيت ملسون اذا نام نامت شياطين البيت معه ، مايؤمن بشي اسمه حب ! ولا يصدق بأن فيه شخص يوفي بهالزمن " مثل قمر بالضبط اللي ماتؤمن بهالشي " وهذا الشي الوحيد اللي تتفق فيه مع سعد اما باقي الاشياء " دايم متخالفين ويتناقرون عليها 😹 " 🌸!
* واخيراً التوأم المرح 🙄
فيصل وفارس اعمارهم ١٤ ماينشافون بالبيت ٢٤ ساعه مع اصحابهم او طالعين الملعب يلعبون كوره ولما يكونون بالبيت مشغولين بالجوال او البلاستيشن 🎮.