(ارشيف السفاح) "الجزء الثالث"
=ايه ده! انا وصلت متأخر
+معلش بقي خيرها في غيرها
=انا عايز اعرف انت مين
+مش انا قلتلك سيب القاضيه دي احسن؟؟
=مش بالساهل كده يا سفاح
+طيب سلام
="رفع المسدس ووجهه للسفاح"اثبت مكانك انت مين؟
+"رفع ايده ولسا ملتفتش ل الظابط"ارجوك امشي دلوقتي فاضل واحد وبعدها اعمل اللي انت عايزه
=بصلي هنا انت مين؟
+انا السفاح
=وريني وشك
+بيلتفت ببطء جدا....
=ايه ده انت...انت يوسف!!؟؟
"بدء يوسف يبكي"
=يوسف انت ايه اللي بتعمله ده وليه؟
.........
=يوسف رد عليا فهمني انت ازاي ظابط وبتعمل كده؟
"مسح يوسف دموعه"
+ارد عليك اقولك ايه ولا افهمك ايه اصلا
=ليه بتقتل الناس دي؟
+لانها تستحق الموت والعذاب كمان
=ليه فهمني؟
+عمرك ما هتفهم انا حاسس بايه
=يوسف انا صاحبك فهمني وقولي ارجوك عشان اساعدك
+طيب اسمع:(انا اتجوزت من 4 سنين من الانسانه اللى حبتها بجد وخلفت أسر ابني,من سنه تقريبا جالنا اكتر من بلاغ لشركه الادويه اللى الناس دي بتشتغل فيها البلاغ كان بيقول ان الشركه دي بتنتج ادويه بايظه انا قررت اروح عشان اشوف الشركه والمصنع واتأكد من صحه البلاغات دي وكان معايا أذن من النيابه واخدت خبير عشان يكشف على الادويه وصلت الشركه الاول:
+السلام عليكم
-عليكم السلام
+انا معايا أذن من النيابه لرؤيه المصنع والتأكد من صحه الادويه
- ممكن لحظه هقول للرئيس
+اتفضل.......
.
-اسف على التأخير اتفضل معايا انا هوديك المصنع
+تمام يلا
رحنا المصنع ولقيته عادي زي اي مصنع ادويه والخبير اللي كان معايا بدء يفحص الادويه وطريقه التصنيع والالات وملقاش حاجه غريبه وكله تمام بس انا شفت حاجه غريبه شفت انعكاس من ورايا لاشخاص بصيت ورايا لقيت في زجاج مسنفر ووراه ظل اشخاص جوا بيتحركوا كتير خليت الراجل اللى كان معايا مشغول بالخبير واتسحبت هناك اسمع بيقولو ايه:
*اول ما الراجل ده يمشي عايزين نحط المخدر ده في كل الادويه السليمه اللي برا
=اكيد طبعا
انا سمعت الكلميتين دول والتفكير في دماغي بيروح ويجي يعني الشركه دي بتحط مخدر في الادويه بتاعتها للادمان؟
سمعت صوت نفس ورايا وكان الراجل اللى كان معايا:
-بتعمل ايه؟
+ولا حاجه بتفرج بس عليا المصنع وكده
-اه ماشي
+هو مين اللى في الاوضه دي
- دي اوضه قديمه مفيهاش حد
+بس انا سامع حد جوا
-اسمع مني مفيش حد
لسا كنت هطلع المسدس ولقيت حد مسكني من ورا بالسكينه والتاني مسك الخبير وضربه علي دماغه بالمسدس حاولت اقاوم بس هم كانوا كتير وكتفوني وجي الرئيس بعد اكتر من ساعتين وانا متعلق اللى هو "محمد عبد الرازق" وبدء يتكلم معايا
*بص انا هسيبك تخرج بس لو قلت حاجه ابنك هيموت
+ابني! انت عملت ايه
*ابنك عندنا شويه لحد ما تفكر كويس وتكتم على الموضوع وهرجعهولك
+انت بتقول ايه ابني لا
*فكوه هو والخبير ده خليهم يرحوا يسلموا التقرير اللي هو زي الفل طبعا
قبل ما امشي حذروني تاني ابني معاهم؟
-انت هتسلم التقرير المتفبرك ده
+ابني معاهم
-وشغلك؟
+ابني معاهم ابني هيموت ارجوك متتكلمش انا هحل المشكله دي انا مش هسكت والله
-لا مقدرش ده شغلي
+ارجوك انا مش هسكت على ده بس اطمن على ابني ارجوك ابوس ايدك
-يابني مش هينفع
+ارجوك ارجوك
-استغفر الله يابني ابنك اكيد هيبقي بخير انا مش هتكلم بس لو معملتش حاجه هتكلم
+لا متقلقش انا هتصرف
رحت بسرعه البيت عشان اشوف مراتي عملت ايه وايه اللي حصل وصلت لقيتها..لقيتها واقعه في الارض وماتت ايوه ماتت من القهر على ابنها اللي اتخطف قدام عنيها وبعد ما الخبير سلم التقرير مات هو كمان ايوه مات قتلوه مفضلش غيري عارف عملوا ايه قتلوا ابني,قتلوه هو كمان مراتي وابني ماتوا في نفس اليوم يوم 25 لما رحتلهم لقيتهم قتلوه وضربوني بالنار ورموني زي الكلب في مكان مقطوع وكل اللى قتلتهم دول كانوا عارفين والسكرتيره برضو كانت عارفه باللي حصل وسكتت لولا راجل ابن حلال لقاني وخدني عنده فضلت سنه غايب بتعالج افتكروني ميت انا فعلا مت في نظر الجميع ورجعت عشان انتقم كل يوم 25 من الشهر بقتل واحد قتلتهم كلهم فاضل واحد بس فهمت عرفت كل حاجه دلوقتي هتعمل ايه قولي هتعمل ايه
= يوسف كل ده حصلك
+ايوه كل ده حصلي انا دلوقتي مش يوسف انا السفاح خلاص هترتاحوا مني الاخير زمانه جي دلوقتي هقتله وبعدها اعمل اللي انت عايزه
=يوسف ارجوك اسمعني...
صوت عربيه جت
+اهو وصل ارجوك انت سبني اقتله وبعدها اعمل اللي انت عايزه ماشي استخبي يلا
دخل يحي الاخير ف سلسله السفاح وشاف صاحبه مشنوق اترمت عليه ورقه مكتوب فيها (عاد السفاح,انت الاخير)
التفت يحي وراه لقي السفاح مسكه وشنقه.
وصل البوليس واول ما شاف السفاح ضربه بالنار وكل ده واحمد محمود مش مستوعب ده.
يوسف:اكيد اللي عامله يوسف حرام بس في كلمه واحده بس لسا لحد دلوقتي في دماغي "العين بالعين والسن بالسن والبادي اظلم."
