Hanging nakasusulasok,sa atin ay sumasamyo,
Hinagpis ng kalikasan,idinaraing sa iyo.
Elementong mapanganib,ngayon ay nadaragdagan,
Karbong ating ginagamit,marapat na limitahan.
Bagay na pinakawalan,epekto'y pangmalawakan,
Polusyon sa ating hangin,pag-init ng sanlibutan.
Pighati ng kagubatan,tila'y walang magagawa,
Ano nga bang mangyayari,kung tayo'y tutunganga?
May'rong simpleng sanhi lamang,epekto'y kapansin-pansin,
Mabuting ito'y iwasan,kaysa ito ay wasakin.
Ipunla ang mga binhi,isantabi ang mga sasakyan,
Karbon ay gamiting tama,bunga nito'y pag-isipan.
Kabataan ng daigdig,halina at kumilos ka,
Problema'y mawawakasan,kung tayo'y sama-sama.
Kalikasa'y alagaan,huwag nating pabayaan,
Karbong iyong ginagamit, marapat na limitahan.
